Morgunblaðið - 30.09.2020, Blaðsíða 28

Hanna Guðlaug Guð-
mundsdóttir listfræð-
ingur mun í erindi sem
hún flytur í Salnum í
Kópavogi í hádeginu í
dag, miðvikudag, kl.
12.15 fjalla um ýmsa
þætti á listferli Gerðar
Helgadóttur (1928-
1975) út frá feminískri
nálgun. Feminísk list-
fræði á sér um hálfrar
aldar sögu. Upphafið
má rekja til þeirrar við-
leitni að varpa ljósi á
listsköpun myndlist-
arkvenna og að sama skapi þá tilhneigingu að þagga
niður framlag þeirra í karllægri listasögu. Hanna veltir
meðal annars fyrir sér hvort Gerður hafi á sínum tíma
verið álitin „meistari“ á sama hátt og starfsbræður
hennar í listinni.
Skoðar listferil Gerðar Helgadóttur
út frá feminískri aðferðafræði
Steinþór Guðbjartsson
steinthor@mbl.is
Hópur karla og kvenna tekur nú
þátt í átakinu „Gekk ég yfir sjó og
land“ undir forystu Hinriks Ólafs-
sonar, leikara og leiðsögumanns.
„Þetta er göngunámskeið, þar sem
ég geng með fólki á fell og fjöll í
Reykjavík og nágrenni og blanda
með sjóbusli,“ segir Hinrik. Nám-
skeiðinu lýkur með ísgöngu á ís-
broddum á Sólheimajökli laugar-
daginn 7. nóvember.
Fyrsta gangan tók um tvo tíma
og var gengið í kringum Elliða-
vatn, síðan var álíka löng ganga á
Úlfarsfell og á laugardaginn var
farið í sjóbað í Nauthólsvík að lok-
inni um klukkutíma göngu um
Fossvog og Öskjuhlíð. Þá fræddi
Kristín Sigurðardóttir bráðalæknir
viðstadda almennt um heilsu.
Í gönguhópnum eru 17 manns og
leggur Hinrik áherslu á að göng-
urnar henti öllum sem vilja ögra
sjálfum sér. Þær séu hugsaðar sem
hvatning til betri heilsu samfara
útiveru í góðum félagsskap, sér-
stakri upplifun, fróðleik og
skemmtun. Gönguhópurinn nefnist
„Koma svo, skráðu þig núna!“ og
eru 12 ferðir á dagskrá, þar af
tvær dagsferðir. Samfara göng-
unni fræðir Hinrik þátttakendur
um sögu staðanna og fer yfir mik-
ilvæg undirbúningsatriði eins og
klæðnað, öryggismál, veðurathug-
anir og flóð og fjöru. Kristín var
fyrsti gesturinn og þrír verða til
viðbótar á tímabilinu. Einn talar
um lýðheilsu, annar kennir þátt-
takendum að taka myndir á síma
og jöklaleiðsögumaður leiðbeinir
um ferðir og undirbúning fyrir
göngu á jökla.
Mikil reynsla
„Ég hef 20 ára reynslu í leiðsögn
erlendra ferðamanna um Ísland og
nú er tími kominn til þess að deila
vísdómnum með Íslendingum,“
segir Hinrik. Vísar til þess að hann
hafi einkum sýnt Bandaríkjamönn-
um landið en kórónuveirufarald-
urinn hindri för þeirra.
Fjórða gangan verður á morgun
og verður gengið frá Þingvallavegi
á Helgafell í Mosfellsbæ. Síðan
verður gengið í Öskjuhlíð og farið í
sjóbað 8. október. Laugardaginn
10. október verður gengið á Esj-
una, fimmtudaginn 15. október á
Helgafell í Hafnarfirði, Úlfarsfell
viku síðar, um Elliðaárdalinn 24.
október og um Reykjadal við
Hveragerði 31. október.
„Undanfarin ár hef ég verið
hvattur til þess að vera með
göngunámskeið fyrir Íslendinga og
þar sem ég hef stundað sjóböð í 15
ár fannst mér sniðugt að blanda
þessu saman.“ Þrjár af 12 ferðum
innihalda sjóböð í Nauthólsvík og
hvíld í heita pottinum á eftir.
„Ég vil leyfa fólki aðeins að
kynnast mætti sjávarins sem er
gríðarlega heilsueflandi.“ Hinrik
bætir við að hann sé mikill sögu-
maður og njóti þess að segja sögur
og miðla fróðleik. „Hér er allt til
alls,“ segir hann um náttúru höf-
uðborgarsvæðisins. „Við þurfum
ekki að leita langt yfir skammt.“
Morgunblaðið/Árni Sæberg
Leiðsögumaður Hinrik Ólafsson leikari við nær 100 ára stífluna á Elliðavatni, en Elliðaárnar voru virkjaðar 1920.
Gengið yfir sjó og land
 Hvatning til betri heilsu með Hinriki Ólafssyni leiðsögumanni
... stærsti
uppskriftarvefur
landsins!
MIÐVIKUDAGUR 30. SEPTEMBER 274. DAGUR ÁRSINS 2020
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 697 kr.
Áskrift 7.530 kr. Helgaráskrift 4.700 kr.
PDF á mbl.is 6.677 kr. iPad-áskrift 6.677 kr.
„Þetta var fyrst og fremst geggjuð upplifun að fá að
taka þátt í þessum úrslitaleik og bikarhelginni,“ segir
Viktor Gísli Hallgrímsson meðal annars í samtali við
Morgunblaðið í dag. Landsliðsmarkvörðurinn ungi varð
á sunnudaginn danskur bikarmeistari í handknattleik
með liði sínu GOG. Þegar Morgunblaðið heyrði í honum
í gær var hann kominn til Sviss til að spila Evrópuleik
og því nóg að gera. „Við náðum þess vegna ekki að
fagna neitt að ráði og menn voru lítið að missa sig í
gleðskapnum en það kemur seinna.“ »22
„Geggjuð upplifun að taka þátt
í bikarhelginni í Danmörku“
ÍÞRÓTTIR MENNING