Morgunblaðið - 16.11.2020, Blaðsíða 32

Steinþór Guðbjartsson
steinthor@mbl.is
Róbert Lee Tómasson, félagi í Tindi
hjólreiðafélagi, bíður spenntur eftir
því að taka þátt í keppnum á næsta
ári. Hann varð af nokkrum slíkum í
ár vegna kórónuveirufaraldursins
og þar af tveimur erlendis. Hins
vegar tók hann þátt í áskorun
Tinds, „Tindur 1.000“, sem fólst í
því að hjóla samtals 1.000 km í
ágúst. Hann gerði gott betur og
hjólaði ríflega 2.200 km. „Ég hafði
hjólað lengst um 1.500 kílómetra á
mánuði og með leyfi frá frúnni
ákvað ég að láta á það reyna hvað
ég kæmist langt,“ segir hann.
Tindur var stofnaður 2011 og
eru um 260 karlar og konur skráðir
félagar. Svanur Daníelsson, formað-
ur félagsins, segir að mikil gróska
sé í starfinu. Skipulagðar æfingar
séu þrisvar í viku og félagið haldi
bæði götu- og fjallahjólakeppni auk
þess sem farið hafi verið í æf-
ingaferð til Kanarí eða Tenerife
undanfarin vor. „Faraldurinn hefur
truflað okkur eins og aðra. Þess
vegna ákváðum við að vera með
þessa áskorun í ágúst og hún
heppnaðist mjög vel,“ segir hann.
Níutíu manns hafi skráð sig til
keppni og um 60 náð að hjóla að
minnsta kosti 1.000 km. Þar af hafi
fjórir hjólað 1.700 km eða meira.
Vegna samkomutakmarkana
gátu félagsmenn ekki æft saman í
fjölmennum hópum í sumar. Inniæf-
ingar hafa verið í World Class á vet-
urna en þær hafa fallið niður af
sömu ástæðu. Svanur segir að í
staðinn hafi félagar hjólað „saman“
hver á sínum stað í sýndarveruleika
undir stjórn þjálfara, en Tómas
Skov Jensen er yfirþjálfari. „Á
hverri æfingu eru allir tengdir við
samskiptaforrit, Meet Up á Face-
book, og því sýnilegir hver öðrum.“
Stífar æfingar
Róbert segist hafa hjólað mikið
á árunum í kringum tvítugsaldurinn
og svo hafi hann aftur tekið upp
þráðinn fyrir um átta árum og
gengið í Tind. „Undanfarin þrjú ár
hef ég verið í mjög stífum æfingum,
hjólað um tíu tíma á viku, um 1.000
kílómetra að meðaltali á mánuði,“
segir hann.
Svanur segir að mikil aukning
hafi verið í starfsemi félagsins í
fyrra og á líðandi ári, þrátt fyrir
ástandið í samfélaginu. „Það varð
algjör sprenging, ekki síst í hópi
kvenna, og fjöldi á æfingum fjór-
faldaðist í sumar miðað við það sem
áður var,“ segir hann. Skipulagðar
æfingar hafi verið á fáförnum stöð-
um, en innanfélagskeppni hafi fallið
niður fyrir utan fjallahjólamót í Esj-
unni daginn áður en fjöldatakmark-
anir voru hertar í október. „120
manns kepptu, einn og einn í einu,
og við gættum þess að virða reglur
um leyfilegan fjölda og fjarlægð á
milli manna,“ segir Svanur. „Um 30
manns voru í vikuferðinni til Kanarí
í mars og þá náðum við að hjóla í
þrjá daga af fimm skipulögðum,
hjóluðum um 150 kílómetra á dag að
meðaltali, en vegna faraldursins
vorum við síðan lokuð inni á hóteli
þar til við fórum heim.“
Róbert hjólar daglega og segir
erfitt að gera upp á milli þess að
hjóla á fjallahjóli í breytilegu lands-
lagi eða á götuhjóli í bæjum og
borgum. „Ég var skráður í keppni á
Ítalíu í júní og í Portúgal í sept-
ember en þeim var frestað til næsta
árs og vonandi verða þær að veru-
leika.“
Hjólið snýst og snýst
 Róbert Lee æfir grimmt og hjólaði yfir 2.200 km í ágúst
Formaður Svanur Daníelsson stýrir öflugu félagi.Keppandi Róbert Lee Tómasson æfir grimmt.
Þurrk-
grindur
Laugavegi 29 | sími 552 4320
verslun@brynja.is | brynja.is
3 stærðir
Vefverslun
brynja.is
Innan- og utandyra
60 cm x 3,6 lm,
ber 10 kg
Verð kr. 10.980
80 cm x 6,7 lm,
ber 20 kg
Verð kr. 12.220
100 cm x 8,5 lm,
ber 20 kg
Verð kr. 12.900
Opið
virk
a
dag
a frá
9-18
lau
frá 1
0-16Gerðarsafn verður opnað að nýju á miðvikudaginn, 18.
nóvember, með þremur nýjum sýningum. Sýningaröðin
Skúlptúr/skúlptúr heldur áfram göngu sinni með
einkasýningum Ólafar Helgu Helgadóttur og Magnúsar
Helgasonar á efri hæð safnsins og á neðri hæð verður
opnuð ný sýning á verkum Gerðar Helgadóttur sem
safnið er kennt við. Myndlistarsýningar Magnúsar og
Ólafar bera titlana Shit hvað allt er gott og Hrist ryk á
steini, og verða þær ekki formlega opnaðar heldur er
gestum frjálst að mæta hvenær sem er á afgreiðslu-
tíma safnsins en það verður opnað kl. 10.
Gerðarsafn opnað á ný á miðviku-
dag með þremur sýningum
MÁNUDAGUR 16. NÓVEMBER 321. DAGUR ÁRSINS 2020
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 697 kr.
Áskrift 7.530 kr. Helgaráskrift 4.700 kr.
PDF á mbl.is 6.677 kr. iPad-áskrift 6.677 kr.
Íslenska karlalandsliðið í knattspyrnu þurfti að sætta
sig við annað grátlega 2:1-tapið á þremur dögum er lið-
ið tapaði á Parken í Kaupmannahöfn gegn Danmörku í
Þjóðadeild UEFA í gærkvöldi. Erik Hamrén landsliðs-
þjálfari gerði átta breytingar á liðinu sem spilaði gegn
Ungverjalandi en hann var að stýra sínum næstsíðasta
leik. Viðar Örn Kjartansson skoraði mark Íslands eftir
sendingu Ara Freys Skúlasonar í gegnum dönsku vörn-
ina en tvær vítaspyrnur Christian Eriksen dugðu
heimamönnum til sigurs. »27
Enn einn ósigurinn gegn Danmörku
og annað grátlega tap Íslands í röð
ÍÞRÓTTIR MENNING