Lögmannablaðið - 2018, Blaðsíða 9

LÖGMANNABLAÐIÐ TBL 01/18 9
Fækkun félagsmanna
Þeirri miklu og hröðu fjölgun félagsmanna
í Lögmannafélagi Íslands, sem staðið hefur
undanfarna tvo áratugi, virðist nú lokið og hefur
félagsmönnum reyndar fækkað nokkuð á síðustu
misserum. Fjöldi félagsmanna náði hámarki í
ágúst 2016, þegar þeir voru 1101 talsins. Fækkun
félagsmanna frá þessu hæsta gildi nemur því 2,6%
en viðbúið er að þessi þróun haldi áfram á árinu
2018.
Ýmsar skýringar eru á fækkun lögmanna en
vinna tengd uppbyggingu íslensks efnahagslífs
eftir hrun hefur ekki nema að litlu leyti náð að
vega á móti minnkandi verkefnum tengdum
afleiðingum hrunsins. Þá hefur nokkur fjöldi
lögmanna tekið sæti í dómstólum landsins að
undanförnu, fyrst með tilkomu Landsréttar um
síðustu áramót og einnig í héraðsdómstólunum.
Þar sem dómarastörf eru ósamrýmanleg handhöfn
málflutningsréttinda þurfa lögmenn sem taka við
embætti dómara að leggja inn réttindi sín. Loks
hefur hægt umtalsvert á fjölda þeirra sem sótt
hafa námskeið til öflunar málflutningsréttinda
fyrir héraðsdómstólum sem að einhverju leyti má
svo rekja til fækkunar nemenda sem leggja stund
á laganám. Þannig eru aðeins 17 þátttakendur
nýskráðir á yfirstandandi réttindanámskeiði
samanborið við 54 þátttakendur þegar mest lét
haustið 2013.

Helmingur lögmanna sjálfstætt starfandi
Sjálfstætt starfandi lögmenn eru 526 talsins eða
49% félagsmanna og hefur þeim fækkað lítillega
á milli ára, þó svo hlutfall þeirra haldist óbreytt.
Fulltrúum sjálfstætt starfandi lögmanna hefur
einnig fækkað á sama tíma og eru þeir nú 185 talsins
eða 17% félagsmanna. Innanhússlögmönnum
fjölgaði hins vegar á milli ára og voru þeir 309
í lok febrúar sem svarar til 29% af heildarfjölda
félagsmanna. Af 309 innanhússlögmönnum
störfuðu 85 hjá ríki eða sveitarfélögum og 224 hjá
fyrirtækjum og félagasamtökum. Fjöldi lögmanna
sem ekki stunda lögmannsstörf sökum aldurs eða
sjúkleika var 52 sem svarar til 5% félagsmanna.

Sjálfstætt starfandi
34%
Fulltrúar lögmanna
24%
Ríki og sveitarfélög
11%
Fyrirtæki og
félagasamtök
30% Hættar störfum
1%
Fjöldi nýskráðra á haust- og vornámskeið til öflunar réttinda til málflutnings fyrir
héraðsdómstólum 2013-2018.
Sjálfstætt starfandi
49%
Fulltrúar lögmanna
17%
Ríki og sveitarfélög
8%
Fyrirtæki og
félagasamtök
21%
Hættir störfum
5%
Hlutfallsleg skipting félagsmanna Lögmannafélags Íslands eftir því hvar þeir starfa.
Hlutfallsleg skipting kvenna í Lögmannafélagi Íslands eftir því hvar þær starfa.