Lögmannablaðið - 2018, Blaðsíða 14

starfsvettvang. Það þarf hins vegar að koma í veg fyrir að
stofur missi fólk út að óþörfu.
Fæðingarorlof
Daníel: Í skýrslunni segir ljóst að löng fjarvera frá vinnu
vegna fæðingarorlofs kunni að hafa áhrif á starfshorfur
lögmanna, bæði fulltrúa og þeirra sem eru sjálfstætt
starfandi. Hvað segið þið um þetta?
Marta Margrét: Eins og við getum um í skýrslunni eru konur
almennt lengur frá vinnumarkaði en karlar í fæðingarorlofi.
Karlar skipta sínu orlofi oftar upp í styttri tímabil svo það
er ekki jafn mikil samfelld fjarvera. Mörgum finnst erfitt,
tímabundið, að koma aftur inn í lögmennsku eftir langa
fjarveru. Í rannsóknum á Norðurlöndum hefur verið reynt
að benda á lausnir, m.a. tímabundinn stuðning við komu
aftur til starfa eftir orlof með tíðari starfsmannasamtölum.
Reimar: Karlar eru í ákveðinni aðstöðu þegar kemur að
fæðingarorlofi. Þeir þurfa ekki að fara nema í stuttan tíma
ef þeir búa við þannig samkomulag á heimilinu. Kona
sem fæðir barn, og er með mikinn stuðning á heimilinu,
gæti hugsanlega verið frá í skemmri tíma en margar fara
í fullt fæðingarorlof. Þegar þær fara taka starfsfélagarnir
við verkefnunum, hugsanlega líka samskipti við kúnnana,
og þegar konan kemur til baka kemur hún að breyttum
vinnustað þar sem hún er með autt skrifborð og gegnir
ekki sama hlutverki og þegar hún fór. Mín tilfinning er sú
að þarna liggi ákveðið vandamál sem þurfi að kljást við.
Ég veit ekki hver lausnin er en það má skoða hvað er unnt
að gera til að konur geti tekið upp þráðinn og fái verkefni
við hæfi þegar þær koma til baka og hvort sveigjanlegur
vinnutími geti komið að gagni til að halda einhvers konar
lífi í starfsferlinum þó þær hverfi frá í nokkra mánuði.
Daníel: Pör þurfa auðvitað að vera samtaka í því að vera
sanngjörn í þessum efnum. Ég held að eldri kynslóðin á
lögmannsstofunum þurfi að líta í eigin barm. Það er fullur
skilningur fyrir því að konur fari í fæðingarorlof en það er
ekki alltaf skilningur fyrir því að karlar fari líka. Þótt karl
sé allur að vilja gerður þarf hann að mæta yfirmanni sem
er ekki tilbúinn til að skilja það að hann þurfi að sinna
barni sínu, komi jafnvel með athugasemdir eins og „varst
þú að eiga þetta barn eða...“ og sendir jafnvel tvo til þrjá
tölvupósta á dag. Það er ekki viðurkennt hjá mörgum
eigendum eða stjórnendum lögmannsstofa að karlar fari
í fæðingarorlof. Það liggur við að það sé litið svo á að þeir
séu bara að biðja um þriggja mánaða frí.
Reimar: Það er áhugavert að karlar í fæðingarorlofi fái alla
tölvupóstana en gerist það líka hjá konum?
Marta Margrét: Ég held að það sé mjög misjafnt. Fer e.t.v.
eftir því hvort þær eru í sjálfstæðum rekstri eða fulltrúar
og þá eftir stærð stofa.
Kolbrún: Konur með ung börn eru ekki margar sjálfstætt
starfandi lögmenn.
Reimar: í Noregi var verið að tala um að þegar konur kæmu
úr fæðingarorlofi á stærri stofurnar þá upplifðu þær kalt
viðmót. Ungur keppinautur tekur yfir verkefnin og ef að
stofan er ekki að vaxa, verkefnum að fjölga, þá er henni
ofaukið þegar hún kemur til baka. Þetta finnst manni
hljóma þannig að á litlum stofum er það blóðtaka að missa
út starfsmann í t.d. sex mánuði svo þeir verða að fá einhvern
annan í staðinn. Svo kemur konan aftur og þá eru menn
kannski ekki með nein verkefni. Hér þarf að finna einhverja
nothæfa lausn því það virðist ekki sérstaklega raunhæft að
þvinga karla til að taka fæðingarorlof, þetta er náttúrulega
samkeppni og svona.
Marta Margrét: Áherslan ætti líklega að vera á það hvernig
er hægt að auka stuðning við komu aftur til vinnu frekar en
að viðkomandi vinni í fæðingarorlofinu eða stytti það. Við
hljótum að vilja að lögmenn, karlar og konur, geti eignast
börn og haldið áfram í lögmennsku. Þetta er hins vegar
áskorun, bæði þegar um er að ræða fulltrúa og ekki síður
þá sem eru í sjálfstæðum rekstri.
Reimar: Ég er að velta fyrir mér hvernig hægt er að koma
málum þannig fyrir að þegar konur koma til baka þá sé
ekki eins og þær séu á byrjunarreit. Auðvitað viljum við
frekar að jarðvegurinn fyrir bæði konur og karla sé þannig
að það sé eftirsóknarvert að fara í fæðingarorlof. Að karlar
sem gera það hætti ekki neinu í sínum starfsframa frekar
en konurnar.
Kolbrún: Ég hef meiri áhyggjur af því þegar fæðingar-
orlofinu sleppir. Hvernig foreldrum með ung börn gengur
að samrýma lögmannsstarfið og fjölskylduábyrgð. Ég þekki
þess dæmi að konur hafi dottið út fljótlega eftir að þær komu
úr fæðingarorlofi. Þær gátu ekki verið sjálfstætt starfandi
lögmenn með börn á leik- og grunnskólaaldri. Þurfandi að
fara heim klukkan fjögur á daginn með tímafresti tikkandi.
Þær buguðust undan þessu og rekstrargrundvöllurinn var
líka erfiður. Aðstæður voru þannig hjá þessum konum að
fjölskylduábyrgðin var á þeim. Ég veit ekki hvað við getum
Records
Mála- og skjalakerfi
Heldur öuga málaskrá - gott yrlit.
Málaskrá, ‘Mín mál’ og tímamörk mála.
Mitt One: Síðustu skjöl sem ég hef lesið,
breytt eða skráð.
10 síðustu vistunarstaðir (mál) þar sem
ég hef vistað skjöl.
Öug leitarvél. - Leitar í innihaldi skjala,
og viðhengjum.
Vista Outlook tölvupósta inn á mál.
Öug samhæng við Microsoft Oce,
Word, Excel og Outlook.
Hægt að ytja inn mörg skjöl í einni
aðgerð inn á mál.
Hægt að ytja öll skjöl úr einni möppu
inn á mál með einni aðgerð.
Hægt að fá IPAD lesaðgang.
(spjaldtölvulesaðgangur að kernu)
OneHýsing: ISO vottað umhver.
Dagleg afritunartaka gagna. Vottað af KPMG.
ÖFLUGT
mála- og skjalaker
sem hentar vel fyrir
LÖGMANNSSTOFUR
Logos lögmenn, Lex lögmenn,
Draupnir lögmenn, Jónatansson
lögmenn, Patice lögmenn
Meðal
viðskiptamanna:
Drag’nDrop
Draga og sleppa
Draga tölvupóst yr í
málakerð á rétt mál með
einni aðgerð.
Draga skjöl á sameiginlega
drinu yr í málakerð
með einni aðgerð.
OneSystems - sími: 660 8551 | fax: 588 1057 | www.one.is | one@one.is
One býður hagkvæmar lausnir
með áherslu á rekjanleika, auðveldan aðgang og gagnsæi.
14 LÖGMANNABLAÐIÐ TBL 01/18