Lögmannablaðið - 2018, Blaðsíða 8

8 LÖGMANNABLAÐIÐ TBL 01/18
FÉLAGSMÖNNUM LMFÍ
FÆKKAR
Konur ráða sig frekar sem innanhússlögmenn en karlar, félagsmönnum
fækkar annað árið í röð og vísbendingar eru um að konum í lögmannastétt
fjölgi hlutfallslega á næstu árum. Þetta kemur í ljós þegar tölfræðiupplýsingar
um félagsmenn Lögmannafélags Íslands eru skoðaðar. Þá má geta þess að
það eru hlutfallslega flestir lögmenn á Íslandi miðað við hin Norðurlöndin og
félagsmenn Lögmannafélags Íslands greiða lægst árgjöld.
Myndin sýnir fjölda lögmanna og fjölgun/fækkun þeirra á árabilinu 2008 – 2018. Í lok febrúar 2018 voru félagsmenn í Lögmannafélagi
Íslands 1072 talsins og hefur þeim fækkað um 8 frá sama tíma árið 2017 eða sem svarar 0,7%. Eru lögmenn með réttindi til
málflutnings fyrir héraðsdómstólum nú 760 talsins, lögmenn sem auk þess hafa réttindi til málflutnings fyrir Landsrétti eru 2 og
lögmenn með réttindi til málflutnings fyrir öllum dómstigum eru 310. Auk þess starfar einn félagsmaður sem solicitor á grundvelli
staðfestutilskipunar Evrópusambandsins.
FJÖLDI OG SAMSETNING FÉLAGSMANNA
LÖGMANNAFÉLAGS ÍSLANDS