Rauði borðinn : fréttabréf alnæmissamtakanna á Íslandi - 01.12.2012, Blaðsíða 13

13
Erlent
Samstarf
Hiv-Norden er
samstarfsvettvangur HIV-
jákvæðra á Norðurlöndum og
hefur skrifstofu í Stokkhólmi.
Formaður er Leif-Ove Hansen
frá Noregi. Heimasíðan er:
www.hiv-norden.org
Landssamtök allra hiv-hópa á
Norðurlöndum hafa nú breytt
nafni sínu og heita nú:
HIV-Sverige www.hiv-sverige.se ,
HIV-Danmark
www.hiv-danmark.dk ,
HIV-Norge www.hivnorge.no ,
HIV-Finland www.positiiviset.fi
og HIV-Ísland www.hiv-island.is .
Fundir eru haldnir tvisvar til
þrisvar á ári (einn þeirra er
aðalfundur) þar sem rætt er um
ástandið í hverju landi og reynt að
móta sameiginlega stefnu.
Fundur var haldinn hér í
Reykjavík í ágúst síðastliðnum og
var það jafnframt aðalfundur.
Tók hópurinn, undir merkjum
HIV-Norden, þátt í Gay Pride
sem haldið var dagana á eftir
fundinum. Tveir fulltrúar
sitja fundina frá hverju
Norðurlandanna. Fulltrúar HIV-
Ísland eru Einar Þór Jónsson og
Gígja Skúladóttir.
Áherslan í samstarfi HIV-
Norden snýr að mannréttindum
hiv-jákvæðra, forvörnum og
upplýsingum fyrir samfélagið en
undanfarin misseri hefur verið
lögð aukin áhersla á fræðslu og
styrkingu meðal hiv-jákvæðs fólks.
Í tengslum við þessar áherslur
hófst samstarf Hiv-Norden með
lyfjarannsóknarfyrirtækinu
Gilead sem felur í sér hönnun
á fræðsluefni fyrir hiv-jákvæða
og aðstandendur um heilsu,
aukaverkanir lyfja og heilsueflingu
jákvæðra. Sjá heimasíðuna: www.
hivandyourbody.com. Frá þessu er
sagt hér í blaðinu.
Hiv í Evrópu
HIV-Ísland er aðildarfélag að
bandalagi hiv-samtaka í Evrópu.
Markmiðið er að halda árlegan
fund með fulltrúum allra
aðildarfélaganna, sem ekki hefur
tekist á hverju ári vegna fjáskorts,
en í ár tókst það og komu fulltrúar
aðildarfélaganna saman í Berlín í
maí. Félögin halda sambandi sín á
milli með tölvupósti og skiptast á
fréttum og skoðunum. Heimasíða
HIV-Evrópu er www.hiveurope.org.
Fræðsla í
grunnskólum
landsins
Fræðslu- og forvarnarverkefnið er
okkur til mikillar ánægju og stolts
sem að því vinnum. Á annan áratug
hefur félagið staðið fyrir fræðslu
um hiv og alnæmi til allra í 9. og 10.
bekk í grunnskólum landsins, með
fjárstuðningi Landlæknisembættisins,
snyrtivörulínunnar Artica Mac og
fleiri aðila. Verkefni sem þetta er svo
sannarlega brýnt og þarf stöðugt að
vinna að því. Markmið fræðslunnar
er tvíþætt: Í fyrsta lagi að upplýsa
unglingana um hiv og kynsjúkdóma
almennt og hvernig þeir smitast.
Í öðru lagi að fá unglingana til að
sýna sjálfum sér og öðrum virðingu í
kynlífsathöfnum, m.a. með því að nota
smokkinn. Við ræðum einnig við þau
um fordóma gegn sjúkdómum eins og
hiv og hvetjum þau til að sýna ábyrgð
í tali.
Núverandi umferð er að verða lokið.
Alltaf koma nýir árgangar og því þarf
fræðslan að rúlla á tveggja ára fresti.
Við stefnum á að ljúka þessari yfirferð
vorið 2013. Árangur verkefnis sem
þessa er óljós en hvert nýsmit er
óafturkræft. Að koma í veg fyrir slíkt
er ætíð sigur.
Einar Þór Jónsson