Fréttablaðið - 28.01.2021, Qupperneq 6

IÐNAÐUR Heildarverðmæti opin-
berra framkvæmda í fyrra var um
29 prósentum minna en boðað var
á Útboðsþingi Samtaka iðnaðarins.
Ný greining SI um verklegar
framkvæmdir á árinu verða kynnt-
ar á Útboðsþingi í dag. Þar kynna
ellefu fulltrúar opinberra aðila fyr-
irhugaðar verklegar framkvæmdir
á árinu og fæst því gott yfirlit yfir
helstu útboð ársins.
Helsta ástæða framkvæmdaleysis
í fyrra var auðvitað COVID. Fram-
kvæmdir ISAVIA voru ekki nema
fyrir tæpar 200 milljónir króna, en
framkvæmdaáætlun félagsins var
upp á 21 milljarð króna.
Reykjavíkurborg boðaði fram-
kvæmdir fyrir 19,6 milljarða í fyrra
auk 2,5 milljarða króna í fjárfesting-
arátak vegna COVID-19. Heildar-
verðmætið var 21,1 milljarður.
Framkvæmdir Vegagerðarinnar
í fyrra voru 7,6 milljörðum króna
minni en boðaðar höfðu verið á
þinginu. Auk þess voru nánast
engar framkvæmdir á vegum Faxa-
flóahafna og Orku náttúrunnar.
Áætlaðar verklegar framkvæmdir
hins opinbera á þessu ári eru sam-
tals 139 milljarðar króna. Það er 7,4
milljörðum meira en kynnt var.
„Mikil uppsöfnuð þörf er fyrir
innviðaframk væmdir víða og
henta því framkvæmdirnar vel til
að skapa hagkerfinu nauðsynlega
viðspyrnu og störf á tímum mikils
samdráttar í efnahagslífinu,“ segir
í tilkynningu frá Útboðsþingi Sam-
taka iðnaðarins. – bb
ÖRYGGISMÁL Árný Sigurðardóttir,
framkvæmdastjóri Heilbrigðiseftir-
lits Reykjavíkur, segir ekki tilefni til
þvingunaraðgerða þó að aðalskoð-
un á leiksvæði hafi ekki farið fram.
Aðalskoðun hefur ekki farið fram
á leiksvæðum borgarinnar nema í
undantekningartilfellum frá 2013.
Slík skoðun skal samkvæmt reglu-
gerð fara fram á minnst tólf mánaða
fresti. Viðurlög við brotum á reglu-
gerð, hvort sem þau eru framin af
ásetningi eða gáleysi, geta varðað
sektum eða fangelsi.
Árný segir að þó að þvingunarað-
gerðum sé ekki beitt sé rekstraraðili
minntur á skyldur sínar, svo sem
varðandi þann hluta innra eftirlits
sem snýr að aðalskoðun.
„Aðalskoðun ein og sér tryggir
ekki öryggi á leiksvæðum eins og
dæmin sanna. Fagleg úttekt Heil-
brigðiseftirlitsins fer fram árlega og
gerðar eru úrbótakröfur eftir tilefni
til að tryggja að svæðin séu örugg,“
segir Árný í skriflegu svari við fyrir-
spurn Fréttablaðsins.
„Eftirlit okkar sýnir að alvarleg-
um athugasemdum fari fækkandi
ár frá ári og það ber að fagna þeim
árangri sem hefur náðst í því að
auka öryggi barna á leiksvæðum,“
segir Árný. Hún minnir einnig á að
rekstrarskoðanir unnar af verk-
fræðistofum séu framkvæmdar á
öllum leiksvæðum borgarinnar
allt árið.
Aðspurð að því hvort rætt hafi
verið að leggjast í breytingar á reglu-
gerð um öryggi leikvalla og leik-
tækja, þar sem ákvæði er um reglu-
bundna aðalskoðun sem augljóslega
sé ekki farið eftir, segir Árný að
vissulega hafi sú umræða farið fram.
Því til stuðnings vísar hún til bréfs
Umhverfisstofnunar til umhverfis-
og auðlindaráðuneytisins frá árinu
2015 þar sem lagðar eru til breyt-
ingar á reglugerðinni varðandi fyrir-
komulag aðalskoðana.
„Þar var lagt til að aðalskoðun
færi fram áður en leiksvæði er tekið
í notkun og síðan á fimm ára fresti
eða ef gerðar eru breytingar. Jafn-
framt var lagt til að afrit af aðal-
skoðunarskýrslu skuli sent til við-
komandi heilbrigðiseftirlitssvæðis
eins og sést í meðfylgjandi bréfi til
ráðuneytisins, en það er ekki skylda
í dag,“ segir Árný.
Þá segist Árný kjósa að tjá sig ekki
um ummæli framkvæmdastjóra BSI
á Íslandi sem í Fréttablaðinu í gær
sagði Heilbrigðiseftirlit Reykjavíkur
horfa fram hjá samræmdum eftir-
litskröfum.
Ummælum framkvæmdastjórans
lýsir Árný sem órökstuddum rógi.
Hún ætli ekki að tjá sig ummælin
sem gefi til kynna fáfræði fram-
kvæmdastjórans á störfum heil-
brigðisfulltrúa en hvetji Frétta-
blaðið „til að óska eftir raunhæfum
gögnum um hvaða þekkingu hann
hafi á heilbrigðiseftirliti til að koma
með staðhæfingar eins og fram
koma í fréttinni og málaflokknum
yfirleitt.“ birnadrofn@frettabladid.is
Hvernig er hægt að
halda því fram að
þessi munur sé smávægi-
legur?
Hafdís Helga
Ólafsdóttir,
skrifstofustjóri
í forsætisráðu-
neytinu
Það ber að fagna
þeim árangri sem
hefur náðst í því að auka
öryggi barna á leiksvæðum.
Árný Sigurðardóttir,
framkvæmdastjóri
Heilbrigðiseftir-
lits Reykjavíkur
139
milljarða króna hljóða
áætlaðar framkvæmdir hins
opinbera á þessu ári upp á.
Það er 7,4 milljörðum meira
en kynnt var í fyrra.
ATVINNULÍF Fida Abu Libdeh, fram-
kvæmdastjóri GeoSilica, hlaut í gær
hvatningarviðurkenningu Félags
kvenna í atvinnulífinu (FKA) en
verðlaunin eru veitt konu í atvinnu-
lífinu fyrir athyglisvert frumkvæði.
B r y n d í s B r y n j ó l f s d ó t t i r ,
stofnandi og eigandi tískuvöru-
verslunarinnar Lindarinnar, hlaut
þakkarviðurkenningu FKA fyrir
eftirtektarvert ævistarf sem stjórn-
andi í atvinnulífinu og María Fjóla
Harðardóttir, forstjóri Hrafnistu,
hlaut FKA viðurkenninguna 2021
fyrir vel unnin störf í þágu kvenna.
Verðlaunaaf hendingunni var
sjónvarpað á Hringbraut í gær. Var
dómnefnd skipuð sjö einstakling-
um úr viðskiptalífinu. Í samtali við
Fréttablaðið segir Fida verðlaunin
fela í sér bæði mikla viðurkenningu
og hvatningu.
„Það er hvetjandi að það sé tekið
eftir þeim konum sem hafa lagt eitt-
hvað til samfélagsins og sérstaklega
konum af erlendum uppruna,“ segir
Fida, sem fæddist í Palestínu og
flutti til Íslands sextán ára gömul.
„Það að fá svona verðlaun blæs
í mann auknum krafti og orku til
þess að halda áfram að gera það
sem að maður er að gera,“ segir Fida.
Verðlaunin séu viðurkenning á því
að konur á Íslandi standi saman og
að eftir þeim sé tekið.
„Konur eru beittar misrétti í
heiminum og konur af erlendum
uppruna eru beittar tvöföldu mis-
rétti. En ef við stöndum saman þá
breytum við þessu saman.“ – bdj
Fida fékk hvatningarverðlaun FKA
Verðlaunahafarnir þrír hjá FKA 2021 með Huldu Ragnheiði Árnadóttur, for-
manni FKA og Katrínu Jakobsdóttur forsætisráðherra. MYND/AÐSEND
Segir þvingunaraðgerðir ekki
í myndinni vegna leiktækja
Framkvæmdastjóri Heilbrigðiseftirlits Reykjavíkur segir ekki tilefni til þvingunaraðgerða þótt aðal-
skoðun hafi ekki farið fram. Aðalskoðun ein og sér tryggi ekki öryggi leiksvæða. Aðalskoðun skal fara
fram á tólf mánaða fresti samkvæmt reglugerð. Tjáir sig ekki um „róg“ framkvæmdastjóra BSI á Íslandi.
Framkvæmdastjóri Heilbrigðiseftirlits Reykjavíkur segir alvarlegum athugasemdum fækka. FRÉTTABLAÐIÐ/PJETUR
Framkvæmdir
þriðjungi minni
en boðað var
DÓMSMÁL Aðalmeðferð fór fram
í máli íslenska ríkisins gegn Haf-
dísi Helgu Ólafsdóttur í gær. Lilja
Alfreðsdóttir, mennta- og menn-
ingarmálaráðherra, stefnir Hafdísi
og vill ógilda úrskurð kærunefndar
jafnréttismála um að ráðherrann
hafi brotið lög með því að ráða Pál
Magnússon sem ráðuneytisstjóra.
Ríkið segir  kærunefndina ekki
hafa rannsakað ráðningarferlið
nægilega vel, en lögmaður Hafdísar
segir ráðherrann hafa litið fram hjá
nefndinni og farið beint í dómsmál.
„Ráðherra hunsar algjörlega
kærunefndina og svarar henni
varla. Nefndin taldi málatilbúnað
ráðherra hafa skort verulega á í
efnislegum rökstuðningi og ekki
var brugðist við fjölda athugasemda
kærandans,“ sagði Áslaug Árna-
dóttir, lögmaður Hafdísar.
Víðir Smári Peterson, lögmaður
íslenska ríkisins, sagði að Páll hefði
staðið sig betur í atvinnuviðtalinu.
Ekki væri hægt að líta fram hjá hug-
lægu mati nefndar og ráðherra um
leiðtogahæfni hans.
H a fd í s s a g ði g r e i n i l e g a n
blæbrigða mun í lýsingum hæfnis-
nefndar. Lítið hafi verið gert úr
reynslu hennar í opinberri stjórn-
sýslu og rangt farið með hversu
lengi hún hefði starfað hjá fjármála-
og efnahagsráðuneytinu. „Hún
starfaði við opinbera stjórnsýslu,“
skrifaði nefndin um 25 ára reynslu
Hafdísar. „Hann hefur langa reynslu
við ábyrgðarmikil stjórnsýsluverk-
efni,“ var skrifað um Pál sem hefur
meistarapróf í opinberri stjórnsýslu.
„Hvernig er hægt að halda því
fram að þessi munur sé smávægi-
legur?“ sagði Hafdís. – ilk
Ráðherra hafi sleppt að svara kærunefnd og farið beint í dómsmál
Tímapantanir á opticalstudio.is
og í síma 511 5800
SMÁRALIND • HAFNARTORG • KEFLAVÍK
Sjónmælingar
eru okkar fag
2 8 . J A N Ú A R 2 0 2 1 F I M M T U D A G U R6 F R É T T I R ∙ F R É T T A B L A Ð I Ð