Rauði borðinn : fréttabréf alnæmissamtakanna á Íslandi - 01.12.2004, Blaðsíða 4

Frá framkvæmdastjóra
Fjölbeytt starf
Alnæmissamtakanna
Ég ætla að líta yfir starfsár samtak-
anna og stikla á stóru í fjölbreyttu
starfi þeirra.
Fastir liöir á árinu voru minningarguðsþjónusta í
Fríkirkjunni í Reykjavík, þar sem tæplega 60
manns komu saman til að heiðra minningu
þeirra sem látist hafa úr alnæmi. Alþjóölegi alnæm-
isdagurinn var 1. desember þar sem rúmlega 80
manns þáðu boð félagsins að mæta til veislu og
samveru. Annars var ágæt mæting á þá viðburði
sem samtökin stóðu fyrir eða áttu aðkomu að. Fé-
lagsmiðstöðin var almennt vel nýtt og eru skráðar
komur þangað síðustu 12 mánuðina tæplega 1.400
eða örlitlu færri en árið á undan.
Alnæmissamtökin áttu ágætt samstarf við systra-
samtök á Norðurlöndunum á árinu og sátu fulltrúar
frá þeim nokkra samráðsfundi. Oryrkjabandalag Is-
lands og vestnorræna ráðherranefndin voru meðal
styrktaraðila samstarfsins og eru þeim færðar sér-
stakar þakkir fyrir. Framkvæmdastjóri Alnæmissam-
takanna sat í fyrsta sinni alþjóðlegu alnæmisráð-
stefnuna sem að þessu sinni var haldin í Bangkok.
Var hún sú fimmtánda í röðinni og fór fram 11.-16.
júlí. IAS (International AIDS Sociaty) gerði þátttöku
mögulega með því að veita styrk til ferðarinnar.
Gerð var grein fyrir ferðinni í viðtölum í fjölmiðlum,
en einnig er að finna nánari frásögn af ráðstefnunni
annars staðar í blaðinu.
Fulltrúar frá Alnæmissamtökunum sátu fund, sem
Sigurlaug Hauksdóttir félagsráðgjafi í málefnum
hiv/alnæmis, skipulagði með aðstandendum hiv-já-
kvæðra. Sátu þau fyrir svörum ásamt lækni og lyfja-
fræðingi. Var þetta áhugaverður og fræðandi fund-
ur. Sérstakar þakkir eru færðar Ægi Snædal sem sá
um veitingar á fundinum,
en þær voru í boði Al-
næmissamtakanna.
Samtökin tóku í notkun at-
hvarf í kjallara hússins síð-
astliðið vor. Hefur það nú
þegar komið að góðum
notum fyrir skjólstæðinga
félagsins. Rauði kross Is-
lands gerði okkur kleift að
ráðast í þessar fram-
kvæmdir og er sá stuðningur þakkaður.
Heimasíða félagsins www.aids.is fékk andlitslyft-
ingu fyrir rúmu ári. Það var fyrirtækið DesignE-
uropA.com sem sá um endurhönnun hennar. Fyrir-
tækið gerði þetta endurgjaldslaust til styrktar starf-
semi samtakanna. Heimsóknir á síðuna voru
10.685 og er það talsverð aukning frá árinu á und-
an.
Hópastarf fer jafnan af stað yfir veturinn og hafa
nokkrir þeirra þegar hafið starfsemi. Meðal annars
hópur gagnkynhneigðra og nýlegur hópur sem
fundar undir merki AA-samtakanna.
Aðalfundur Oryrkjabandalags Islands er nýlega
afstaðinn. Tveir fulltrúar Alnæmissamtakanna sátu
fundinn. Margt fróðlegt kom þar fram en í lokin var
lögð fram ályktun þar sem i megindráttum var verið
að fara fram á að ríkisstjórnin stæði við gerða
samninga. Sú ályktun var samþykkt einróma.
I loki n vona ég að starfsemi samtakanna verði
jafn farsæl á næsta starfsári og verið hefur og ég vil
þakka öllum þeim sem hafa lagt hönd á plóginn.
Jón Helgi Gíslason
framkvæmdastjórí Alnæmissamtakana
4 rauði borðinn