Rauði borðinn : fréttabréf alnæmissamtakanna á Íslandi - 01.12.2004, Blaðsíða 10

Aðgengi fyrír alla
Yfirskrift alþjóðlegu alnæmisráðstefnunnar í Bangkok 1 1 .-1 6. júlí 2004
Framkvæmdastjóri Alnæmissamtakanna á íslandi sat ráðstefnuna
Alnæmi er einn helsti heil-
brigðisvandi samtímans.
A 23 árum hafa rúmlega
20 milljónir manna dáið
af völdum þess og 38
milljónir að auki smitast
af alnæmisveirunni
Eftir langt og strembið flug til
Don Muang flugvallar í
Bangkok var gott að komast
á leiðarenda. Fljótlega kom gest-
risni Taílendinga í ljós því móttök-
ur voru góðar og þægilegar fyrir
gesti ráðstefnunnar sem streymdu
að frá öllum heimshornum. A flug-
vellinum mátti víða sjá plaköt með
myndum af þremur taílenskum fíl-
um með yfirskriftinni „Access for
all“ sem var yfirskrift ráðstefnunn-
ar, einnig voru þarna móttöku- og
upplýsingabásar fyrir ráðstefnu-
gesti. Búist var við allt að 20.000
manns á alnæmisráðstefnuna sem
var sú fimmtánda í röðinni. Þar
með yrði hún sú fjölmennasta, til
viðmiðunar má nefna að á síðustu
ráðstefnu, sem haldin var í
Barcelóna árið 2002, voru þátttak-
endur um 12.000 talsins.
Á leiðinni á hótelið mitt sá ég að
allstaðar meðfram götum borgar-
innar voru borðar, fánar og skilti
sem auglýstu ráðstefnuna. Ráð-
stefnan hafði verið mjög vel auglýst
í taílenskum fjölmiðlum, eins og ég
frétti síðar, einnig voru henni gerð
góð skil í enskum fjölmiðlum
landsins og á aþjóðlegum sjón-
varpsstöðvum sem ég hafði aðgang
að.
Þátttakendur og bak-
hjarl
Ráðstefnuna sóttu hinir ólíkustu
hópar, má þar nefna lækna og ann-
að heilbrigðisstarfsfólk, hiv-já-
kvæða, baráttu- og þrýstihópa ým-
iss konar (s.s. ACTUP), aðstand-
endur, fulltrúa flestra trúarbragða
heims, hagsmunasamtök, blaða-
menn, stjórnmála- og þjóðarleið-
toga, lyfjaframleiðendur og vísinda-
menn. Búddamunkar settu sterkan
svip á mannfjöldann í skærappel-
sínulitum kuflum sínum. Þarna
voru einnig mættir margir heims-
þekktir einstaklingar, til að mynda
Hollívúddleikarinn Richard Gere,
Kofi Annan, Nelson Mandela, Son-
ia Gandhi, ungfrú alheimur frá
Ástralíu 0 eins frá nágrannaríkjum.
Alþjóðaskrifstofa alnæmismálefna
- IAS (International Aids Society),
sem nýflutt er til Genfar frá Stokk-
hólmi, var aðalskipuleggjandi ráð-
stefnunnar. Bakhjarlar voru meðal
annars: Alþjóðaheilbrigðisstofnun-
in, UNAIDS (Stofnun alnæmis-
málefna Sameinuðu þjóðanna) og
Alþjóðabankinn, einnig komu ótal
fleiri samtök og stofnanir að sem
styrkaraðilar. IAS veitti tæplega
3.000 ferðastyrki til einstaklinga og
frjálsra félagasamtaka alls staðar að
úr heiminum og var undirritaður
einn þeirra, sem gerði jafnframt
þátttökuna mögulega. Ráðstefnu-
gjaldið sem var 20.000 krónur
vakti mikið umtal og þótti mörg-
um sem það hefði haft heftandi
áhrif á þátttöku efnaminni einstak-
linga og félagasamtaka. Var gjald-
inu formlega mótmælt af ACTUP
og fleiri aðilum.
Staðsetning
Staðsetning ráðstefnunnar í Bang-
kok var ákveðin meðal annars út
frá því markmiði að bregðast við sí-
vaxandi útbreiðslu hiv-veirunnar í
Asíu. Eða eins og Nelson Mandela
orðaði það;
„Það hejði mikilvœg áhrif að ráð-
stefnan væri haldin í Suðaustur-Asíu
þar sem á því svœði býr einn þriðji
hluti mannkyns og þar greinist fleiri
en einn fórðu nýsmitaðra á heims-
vísu. Þrátt fyrir það hefur Asía, þó
sérstaklega Taíland, mikilvœgu hlut-
verki að gegna þar sem íbúarnir geta
miðlað öðrum af reynslu sinni af
áhrifaríkum aðferðum sínum í bar-
áttunni við hiv og alnæmi með for-
vörnum og skipulagi. “
Greinarhöfundur í Bangkok
Aðrar myndir teknar af höfundi
10 rauði boröinn