Vinnan - 01.06.1946, Síða 23

in, að þau einbeiti baráttu sinni sem mest á atvinnu-
málin og nýsköpunina, hvert á sínum stað, og sjái svo
um, að þessi og önnur knýjandi hagsmunamál vinnandi
stétta, marki línurnar milli afturhaldsaflanna annars-
vegar, hvar í flokki sem þau standa, og framfaraaflanna
hinsvegar, við þessar kosningar.
Atvinnumálanefndir þær, sem sambandsfélögin hafa
komið sér upp, hafa í þessu sambandi miklu hlutverki
að gegna, hver á sínum stað, — og hvetur miðstjórnin
öll þau sambandsfélög, sem ekki hafa þegar kosið sér
slíkar nefndir, til að gera það sem allra fyrst, og láta
sambandið fylgjast með, hvað gert er í þessum efnum.“
r
Alyktun
ráðstefnu verkalýðsfélaganna á Norðurlandi
í fjórðungssambandsmálinu
Ráðstefna verkalýðsfélaga á Norðurlandi, haldin á
Siglufirði dagana 24.—26. apríl 1946, telur ríka nauð-
syn bera til þess að stofnað verði fjórðungssamband Al-
þýðusambands Islands á Norðurlandi, vegna eftirfar-
andi:
1. Samræming kaups og kjara í fjórðungnum er orð-
in knýjandi nauðsyn, og yrði auðveldari fyrir tilstuðlun
slíks sambands.
2. Fjórðungssamband mundi auka á kynningu og
samstarf félaganna, m. a. með því að hafa forustu fyr-
ir byggingu orlofs- eða félagsheimila í fjórðungnum,
gangast fyrir kynningarferðum milli félaga, fræðslu-
starfsemi o. s. frv.
Ráðstefnan lýsir sig því meðmælta því, að sam-
bandið verði stofnað á eftirgreindum grundvelli:
l.Sambandssvæðið verði Strandasýsla, Vestur-Húna-
vatnssýsla, Austur-Húnavatnssýsla, Skagafjarðarsýsla,
Siglufjarðarkaupstaður, Eyjafjarðarsýsla, Olafsfjarð-
arkaupstaður, Akureyrarkaupstaður, Suður-Þingeyjar-
sýsla og Norður-Þingeyjarsýsla.
2. Ráðstefnan kjósi 5 manna framkvæmdanefnd, er
undirbúi stofnun sambandsins á næstkomandi hausti.
Skal framkvæmdanefndin skrifa félögunum, og tilkynna
þeim niðurstöður ráðstefnunnar og óska eftir tilkynn-
ingu urn þátttöku þeirra fyrir ákveðinn tíma, og boða
síðan til stofnþings í samráði við Alþýðusamband Is-
lands, ef nægileg þátttaka fæst að dómi framkvæmda-
nefndar og miðstjórnar Alþýðusambands íslands.
3. Ráðstefnan telur, að eigi sé fært að skerða tekjur
Alþýðusambands íslands þótt fjórðungssambandið
verði stofnað, en telur rétt að gera ráð fyrir sérstöku
sambandsgjaldi, er nemi eigi minna en einum þriðja
hluta gildandi Alþýðusambandssjóðsgjalds á hverjum
tíma.
r------------------------------------------------N
SAMBANDS-
tíðindi
v________________________________________________s
Kaup kvenna hækkað á Stokkseyri
í febrúarmánuði s.l. var sú breyting gerð á kaupsamningi
Verkalýðs- og sjómannafélagsins Bjarma og atvinnurekenda á
Stokkseyri, að grunnkaup kvenna var hækkað úr kr. 1.35 í kr.
1.50 á klst. í eftirvinnu greiðist 50% álag og í nætur- og helgi-
dagavinnu 100% álag á dagvinnukaup.
Aðalfundur Miölnis í Arnessýslu
Á aðalfundi Bílstjórafélagsins Mjölnis í Árnessýslu voru þess-
ir menn kosnir í stjórn félagsins: Sigurður Ingvarsson formað-
ur, Einar Kristinsson ritari og Albert Einarsson gjaldkeri. Vara-
menn eru: Guðm. J. Guðmundsson og Olafur Gíslason.
Aðalfundur Arvakurs á Eskifirði
Á aðalfundi Verkamannafélagsins Árvakur á Eskifirði, sem
haldinn var 9. marz s.l., voru þessir menn kosnir í stjórn félags-
ins: Leifur Björnsson formaður, Oskar Snædal ritari, Olver
Guðnason gjaldkeri, Jóhann Klausen og Alfreð Guðnason með-
stjórnendur. Samþykkt var á fundinum að taka Bílstjórafélag
Eskifjarðar sem deild inn í félagið.
Vörubílstjóradeild stofnuð innan V. S. F. K.
Þann 9. apríl s.l. var stofnuð Vörubílstjóradeild innan Verka-
lýðs- og sjómannafélags Keflavíkur. Stofnendur deildarinnar
voru 23. I stjórn voru kosnir: Valgeir Jónsson formaður, Krist-
inn Þorbergsson ritari og Magnús Jónsson gjaldkeri. Deildin
rekur Vörubílstöð Keflavíkur.
Nýr kjarasamningur netavinnufólks
Þann 19. maí s.l. var undirritaður nýr kjarasamningur milli
Nótar, félags netavinnufólks í Reykjavík og Alþýðusambands
Islands annarsvegar og Netagerðarinnar Höfðavík h.f., Félags
netaverkstæðiseigenda í Reykjavík og Vinnuveitendafélags ís-
lands hinsvegar.
Samkvæmt þessum samningi er nú grunnkaup netavinnufólks
með réttindi kr. 3.10 um klst., var áður í hæsta flokki kr. 2.50
fyrir karlmenn en kr. 1.91 fyrir konur. karlmanna hefur því
hækkað um 24% en kvenna um 62,5%.
Kaup aðalmanns við tjörgun er nú kr. 4.50 um klst., var áður
kr. 3.83. Kauptrygging fólks, sem vinnur á Norðurlandi er nú
kr. 400.00 á mánuði, var áður engin. Þetta fólk fær nú greitt
fargjald fyrir báðar ferðir, áður aðra ferðina, og ókeypis hús-
næði.
Eins og áður fær netavinnufólk greitt fullt kaup í 7 daga í
vikindatilfellum.
Þegar samningar tókust, hafði staðið yfir verkfall í 6 vikur.
Samtök netavinnufólks voru hin beztu.
Nýr lcjarasamningur á Eyrarbakka
1. maí s.l. gekk í gildi nýr kjarasamningur milli Verkamanna-
fél. Báran á Eyrarbakka og atvinnurekenda. — Samkvæmt þess-
um samningi er nú tímakaup karlmanna í dagvinnu kr. 2.65,
VINNAN
145