Vinnan - 01.12.1947, Síða 10

/---------------------------->1
AF ALÞJÓÐAVETTVANGI
v.___________________________J
79. ársþing brezku verkalýðsfélaganna, T.U.C., var
haldið í Southport 1.—5. sept. síðastliðinn.
836 fulltrúar 7.540.397 verkamanna sátu þingið, og
hafði meðlimum sambandsins fjölgað um 800.000 frá
síðasta þingi. Fulltrúi Alþjóðasambandsins á þinginu
var E. Kypers, auk hans mættu þar fulltrúar frá verka-
lýðssambandi Kanada, Belgíu, brezka hernámssvæðinu
í Þýzkalandi og frá A.F.L. í Bandaríkjunum.
Fulltrúi A.F.L., G. J. Richardson, réðist í ræðu er
hann flutti á þinginu mjög harkalega á Alþjóðasam-
bandið og verkalýðssamtök Ráðstjórnarríkjanna, en
þingmenn tóku því illa og kölluðu ákaft fram í og varð
ræðumaður að hætta þegar ekki heyrðist lengur til
hans fyrir hrópum eins og „seztu niður“ og „þetta er
að misbjóða málfrelsinu“. Fulltrúa Alþjóðasambands-
ins, Kypers, var tekið með miklum fögnuði af þing-
heimi.
Þingið ræddi mikið um hinar erfiðu efnahagsástæður
brezku þjóðarinnar og gerði margar ályktanir í því
sambandi, svo sem um kolaframleiðsluna, þjóðnýtingu
stáliðnaðarins, álagningu ög verðlag, byggingarmál,
þátttöku.verkamanna í stjórn framleiðslunnar o. fl. o. fl.
Landsfélag klæðskera og fatnaðarverkamanna lagði
fram ályktun um utanríkismál, er féllst á stefnu Bevins
í þeim málum. Um hana urðu mjög harðar umræður
og kom fram breytingartillaga frá landsfélagi slökkvi-
liðsmanna, þar sem deilt var á stefnu Bevins. I umræð-
um um þá breytingartillögu sagði Bond meðal annars:
„Með því að snúa baki við Evrópu setur England sig
í niðurlægjandi og hættulega afstöðu gagnvart auð-
valdi Bandaríkjanna. England er nú bandamaður Ame-
ríku, ekki Bandaríkjaþjóðarinnar, heldur auðhringanna
og þrælalaganna gegn verkalýðshreyfingunni. Er það
hugsanlegt,“ spurði hann, „að þessi öfl vilji styðja
sósíalisma í Bretlandi? Verkalýður Ráðstjórnarríkj-
anna, Póllands og annarra ríkja Austur-Evrópu væri
óefað vinsamlegri í garð brezkra verkamanna en Gen-
eral Motors, Pierpont Morgan, Standard Oil og derno-
kratar Suðurríkjanna með sitt kynþáttahatur og skyndi-
aftökur.
Að setja allt traust sitt á dollarinn þýðir dauða fyrir
brezkan sósíalisma og fjárhagslegt hrun. Utanríkis-
stefna Breta verður að byggjast á framsækni við hlið
sósíalistisks áætlunarbúskapar í Evrópu, en ekki á því
að reyna að stöðva rás tímans með afturhaldsöflum
Bandaríkjaverzlunarauðmagnsins.“
Álvktunin var að lokum samþykkt án breytinga.
Samþ. var ályktun gegn Franco-stjórninni á Spáni,
en ályktun sem krafðist þess að brezka stjórnin endur-
skoðaði afstöðu sína til Grikklands var vísað til sam-
bandsstjórnar.
Samþykkt var ályktun er fól sambandsstjórn að halda
fast á kröfunni um sömu laun fyrir sömu vinnu, hvort
sem karl eða kona eigi í hlut og að konur hafi að öllu
sömu tækifæri og karlar.
Þingið samþykkti ályktun um utanríkisverzlunina,
þar sem lögð er áherzla á að auka beri viðskiptin við
Ráðstjórnarríkin, einnig voru samþykktar kveðjur til
hinna nýju ríkja, Pakistan og Hindustan.
Forseti var kosinn Florence Hancock.
(Stytt úr W.F.T.U. Bulletin)
*
Á fyrra helmingi ársins 1947 bættust 87 skip við
norska verzlunarflotann, samtals 348.000 tonn. Sænski
verzlunarflotinn bætti við sig 27 skipum, samtals 78.000
tonn, og sá danski 39 skipum, samtals 192,300 tonn.
*
I Skotlandi hafa nú undanfarið farið fram tilraunir
með að nota aluminium í lestarskilrúm á fiskiskipum.
14 togarar, sem nú eru í byggingu í skozkum skipa-
smíðastöðvum, verða með slíkum lestarskilrúmum. Þau
eru talin hafa þá kosti fram yfir skilrúm úr öðru efni,
að vera mjög auðveld að hreinsa, og geymi þar af leið-
andi fiskinn miklum mun betur. Auk þess eru þau létt
og sterk. Skilrúmin eru þannig gerð, að á milli alumin-
ium-þynna er notað gúmmíefni (oransit), sem er bæði
létt og sterkt, svo styrkleiki slíkra skilrúma er talinn
meiri en með venjulegri gerð.
Aluminium í yfirbyggingar skipa virðist eftir þeim
tilraunum er gerðar hafa verið með notkun þess, eiga
mikla framtíð. I. T. F.
*
Sænsku samvinnufélögin hafa í undirbúningi að reisa
í sambandi við hina stóru keramikverksmiðju sína í
nágrenni Stokkhólms, verksmiðju er framleiðir baðker.
Verður hún sú stærsta í heimi í sinni grein og á að geta
fullnægt þörfum allra Norðurlandanna. I verksmiðj-
unni verða 5 pressur, sem hver um sig mótar eitt bað-
ker á mínútu. Álíka stórvirkar verða glerhúðunarvél-
arnar. Á hver þeirar að húða 500 baðker á dag.
Framhald á bls. 261
232
VINNAN