Vinnan - 01.12.1947, Blaðsíða 23

Frá 20. þingi Alþýðusambands íslands:
Atvinmi- og dýrtíðarmál
20. þing A. S. í. telur að sú nýsköpun atvinnuveg-
anna, sem framkvæmd var á árunurn 1944—46, hafi
veriö eitt mesta framfaraátak, sem unnið hefur verið
í þjóðarbúskap Islendinga.
Sá grundvöllur, sem lagður var með nýsköpunar-
stefnunni, veitir þjóðinni aðstöðu til betra lífs og auk-
innar menningar, ef réttilega er á málum haldið.
Þingið átelur hins vegar þá stefnu í atvinnumálum
þjóðarinnar, sem nú hefur ríkt að undanförnu, þar sem
framhald hennar hlýtur óhj ákvæmilega að leiða af sér
algjöra stöðvun nýsköpunarinnar og almennt atvinnu-
leysi verkafólks. Þihgið mótmælir þeirri stefnu, að auka
álögur á almenning með auknum tollabyrðum og þeim
kröfum afturhaldsins, sem miða að því að velta byrðum
dýrtíðarvandamálanna yfir á herðar alþýðunnar. Það
er staðreynd, að meiri auður er nú í fárra manna hönd-
um á Islandi, en nokkru sinni áður. Það er einnig stað-
reynd, að þjóðartekjurnar eru meiri nú en áður. Alþýð-
an getur því ekki samþykkt að fórna neinu af sínum
lífskjörum, sem myndi verða til þess að auka enn við
gróða hinna ríku og gera tekjuskiptinguna ennþá órétt-
látari en hún er.
Eins og atvinnumálum landsins er nú háttað, telur
þingið brýna nauðsyn á að þegar í stað verði gerðar
öflugar ráðstafanir til þess að koma í veg fyrir atvinnu-
leysi og til þess að tryggja framleiðslu þjóðarinnar.
Alþýðusambandið lýsir sig reiðubúið til samstarfs
við aðra aðila í landinu um ráðstafanir í þessu efni.
Þær ráðstafanir, sem gerðar verða, þurfa að fela í sér
það meginatriði, að tryggja almenningi í landinu að
minnsta kosti jafngóð lífskjör og að undanförnu. Þing-
ið vill benda á eftirgreind atriði í sambandi við lausn
dýrtíðarvandamálanna:
1. Bátaútvegmnn verði tryggt fast lágmarksverð fyrir
fiskinn, sem tryggi hlutasjómönnum réttlát kjör í sam-
ræmi við aðrar atvinnustéttir. (Samþ. með 121:29).
2. Að sérstakar ráðstafanir verði gerðar til þess að
létta af bátaútgerðinni óeðlilegum milliliðakostnaði og
til þess að koma í veg fyrir okur á útgerðarvörum og
óhófseyðslu í útgerðarkostnaði. (119:7).
3. Að útgerðinni og fyrirtækjum, sem rekin eru í
beinu sambandi við hana, verði séð fyrir nægilegum
lánum ineð hagstæðari lánskjörum, en verið hefur. —•
(118:41.
4. Að afurðasalan verði endurskipulögð með það fyr-
ir augum að samræma hana meira en nú er, og til þess
að tryggja verkalýðssamtökunum eðlilega íhlutun um
afurðasöluna. (120:7).
5. Að verzlunarskipulaginu verði gjörbreytt og milli-
liðagróði heildsalanna útilokaður m. a. með aukinni
samvinnuverzlun og landsverzlun. Verðlagseftirlitið
verði skerpt svo, að það nái tilgangi sínum. (120:8).
6. Að tollar verði lækkaðir eða afnumdir á helztu
nauðsynjavörum almennings, en í þess stað hækkaðir
skattar á hátekjum og stóreignum. (119:3). i
7. Að ráðstafanir verði gerðar til þess að lækka óhóf-
lega húsaleigu og koma í veg fyrir hverskonar húsaleigu-
okur. Jafnframt sé byggingarfélögum verkamanna og
bvggingarsamvinnufélögum gert kleift að halda áfram
nauðsynlegum íbúðabyggingum í stórum stíl. (119:3).
8. Að strangar reglur séu settar til þess að tryggja
hagnýta notkun gjaldeyris án þess að gengið sé á heil-
brigð lífskjör almennings. Þannig sé komið í veg fyrir
óþarfa innflutning, óhagstæð innkaup og gjaldeyris-
flótta úr landi. Reynt verði að fá uppgefnar og afhent-
ar gjaldeyriseignir íálendinga erlendis. (121:2).
9. Að dregið verði í hvívetna úr kostnaði við embætt-
isrekstur ríkisins. (122:3).
10. Að framkvæmd skattalaganna verði bætt og reist-
ar skorður við því, að fé sé dregið út úr atvinnurekstr-
inum til annarra hluta. (121:3).
11. Að jafnhliða framantöldum ráðstöfunum verði
tryggt að næg atvinna sé handa öllum og að fjármagni
þjóðarinnar sé einbeitt í gagnlega uppbyggingu. (122:3)
Þingið vill sérstaklega undirstrika, að það telur, að
ekki komi til mála að hlutasjómenn ráði sig til vertíðar
upp á aflahlut, nema fast örugglega tryggt fiskverð
liggi fyrir í byrjun vertíðar og að það fiskverð sé svo
hátt, að það veiti hlutamönnum réttlát kjör borið sam-
an við aðrar atvinnustéttir.
Kjörorð þingsins er: Uppbygging atvinnuveganna.
Aldrei framar atvinnuleysi.
Álvktunin í heild samþykkt með 121 gegn 6 atkv.
VINNAN
245