Börn og menning - 01.04.2006, Page 2

Besta brosið
Besta brosið var alltaf á stelpunni
á kassanum í Kiddabúð.
Þegar blómin vöknuðu, vindurinn varð þýður
flæddi lóan yfir landið eins og hún hefði aldrei farið.
Unglingarnir skreiddust út úr skólunum,
rollurnar holuðu niður tilvonandi lambasteikum
og grasið klæddi sig í ný föt.
Og ég fann aftur himinbláa litinn.
Hvert fer hann annars?
Besta brosið var alltaf á stelpunni
á kassanum í Kiddabúð.
Þegar gamlir hjólaskautar litu í heimsókn
og sundlaugarnar minntu helst á
soðpotta í yfirstærðum,
átti hún alltaf besta brosið
handa okkur öllum,
þar sem hún sat við kassann
og fylgdist með vorinu líða
fyrir utan gluggann á Kiddabúð.
Helga Björg Arnarsdóttir
Ort 2003 þegar höfundur var 19 ára.