Morgunblaðið - 15.03.2021, Page 32

Edda Erlendsdóttir píanóleikari heldur einleikstónleika
í Norðurljósum Hörpu miðvikudaginn 17. mars kl. 19.30.
Edda gaf nýverið út geisladisk þar sem hún leikur þrjár
sónötur eftir Schubert frá árinu 1817. Hún mun leika
verk af geisladiskinum ásamt verkum eftir C.P.E. Bach,
Messiaen, Dutilleux og Grieg. Edda fagnar um þessar
mundir 40 ára tónleikaafmæli, en hún hélt sína fyrstu
einleikstónleika á Kjarvalsstöðum í janúar 1981. Hún
hefur á löngum ferli haldið fjölda tónleika og gefið út
geisladiska sem hlotið hafa viðurkenningu.
Útgáfu- og afmælistónleikar
MÁNUDAGUR 15. MARS 74. DAGUR ÁRSINS 2021
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 739 kr.
Áskrift 7.982 kr. Helgaráskrift 4.982 kr.
PDF á mbl.is 7.077 kr. iPad-áskrift 7.077 kr.
Langhlauparinn Baldvin Þór Magnússon bætti Íslands-
metið í 3.000 metra hlaupi í annað sinn á þessu ári á
laugardaginn þegar hann náði sjöunda sæti í greininni
á bandaríska háskólameistaramótinu í frjálsíþróttum.
Baldvin tók metið af Hlyni Andréssyni í síðasta mánuði
en segist eiga honum allt að þakka. »27
Tók Íslandsmetið af Hlyni
en á honum allt að þakka
ÍÞRÓTTIR MENNING
Margrét Þóra Þórsdóttir
Akureyri
„Við fundum að til staðar var þörf
fyrir námsefni af þessu tagi. Leik-
skólar hafa kallað eftir efni og leið-
sögn varðandi kennslu tvítyngdra
barna og þær rannsóknir sem gerð-
ar hafa verið á stöðu þessara barna á
Íslandi benda til þess að betur megi
gera í því að styðja við íslenskunám
þeirra. Það er lítið til af efni sem
samið hefur verið sérstaklega með
þarfir þessa hóps í huga og við vild-
um bæta þar úr,“ segja þær Rann-
veig Oddsdóttir, lektor við kennara-
deild Háskólans á Akureyri, og Íris
Hrönn Kristinsdóttir, sérfræðingur
hjá Miðstöð skólaþróunar við Há-
skólann á Akureyri. Þær sömdu og
gáfu út námsefni fyrir börn af er-
lendum uppruna sem eru að læra ís-
lensku sem annað mál og nefnist það
Orðaleikur.
Námsefnið er öllum opið án end-
urgjalds og segja þær Íris og Rann-
veig að því sé ekki vitað nákvæmlega
hversu margir leikskólar nýti sér
það. „Við höfum fengið mjög góð við-
brögð og vitum af mörgum skólum
sem hafa notað efnið á einn eða ann-
an hátt,“ segja þær. Síðastliðið
skólaár unnu þær einnig að þróunar-
verkefni með þremur leikskólum og
upp úr þeirri vinnu varð að þeirra
sögn til ágætt hugmyndasafn um
það hvernig nota má efnið í leik-
skólastarfinu. „Við vitum að ein-
hverjir skólar hafa fylgst með fram-
förum nemenda í tengslum við vinnu
með efnið og séð ágætan árangur af
orðaforðakennslunni,“ segja Rann-
veig og Íris.
Grunnorðaforði íslensku
kenndur á fjölbreyttan hátt
Orðaleikur nýtist á fjölbreyttan
hátt í leikskólastarfi og einnig fyrir
þá sem vilja læra einfaldar aðferðir
til að efla orðanám barna. Náms-
efnið miðast að því að kenna grunn-
orðaforða íslenskunnar á fjöl-
breyttan hátt og mynda þannig
krækjur til að kenna flóknari orð.
Námsefnið var unnið í samstarfi við
leikskólann Iðavöll á Akureyri en
tveir aðrir leikskólar, Krílakot á
Dalvík og Árbær í Árborg, prófuðu
einnig að vinna með efnið með börn-
unum. Inga María Brynjarsdóttir
myndlistarmaður teiknaði myndir
sem fylgja með námsefninu.
Íris og Rannveig nefna að orða-
forði tvítyngdra barna dreifist á tvö
tungumál og verði orðaforði þeirra á
hvoru tungumáli fyrir sig fyrir vikið
að öllu jöfnu minni en orðaforði ein-
tyngdra barna. Samanlagður orða-
forði þeirra á báðum tungumálum sé
hins vegar í flestum tilvikum stærri
en orðaforði þeirra sem tala eitt
tungumál. Í nýlegri íslenskri rann-
sókn á orðaforða 4-6 ára barna sem
búið hafa alla tíð á Íslandi en eiga
pólska foreldra kom í ljós að orða-
forðinn var svipaður og orðaforði
eintyngdra pólskra barna. Íslenski
orðaforðinn var hins vegar mun
minni en hjá eintyngdum íslenskum
börnum. Sterk staða í pólsku en slök
í íslensku er ekki óeðlileg í ljósi þess
að þar til leikskólagangan hófst voru
þau fyrst og fremst í pólsku mál-
umhverfi. „Ef vel er staðið að ís-
lenskukennslu þeirra hafa þau alla
burði til að ná með tímanum góðum
tökum á íslensku og þar gegnir leik-
skólinn og síðar grunnskólinn lykil-
hlutverki,“ segja þær.
Í þeim rannsóknum sem gerðar
hafa verið á íslenskum orðaforða tví-
tyngdra barna hér á landi sjást vís-
bendingar um að betur þurfi að
standa að íslenskukennslu
barnanna. Framfarir í íslensku virð-
ast fremur hægar og heldur dregur í
sundur með þeim og íslensku börn-
unum þegar ofar dregur.
Þær Rannveig og Íris benda á að
fjöldi innflytjenda hafi verið fremur
lítill þar til fyrir fáeinum árum og
því séu kennarar enn að fóta sig í
nýjum veruleika og leita leiða til að
mæta þessum nemendahópi. Þær
segja kennara alla af vilja gerða til
að sinna kennslu þessa hóps sem
best en oft skorti þekkingu og stuðn-
ing til að veita þá kennslu sem hann
þarf á að halda.
Morgunblaðið/Margrét Þóra
Orðaleikur Íris (t.v.) og Rannveig (t.h.). Þær sömdu og gáfu út námsefni
fyrir börn af erlendum uppruna sem eru að læra íslensku sem annað mál.
Orðaleikur til að
efla íslenskunám
- Hafa fengið mjög góð viðbrögð - Þörf fyrir hendi