Fréttablaðið - 03.07.2021, Blaðsíða 6

Svæðisskipulagsnefnd um svæðisskipulag Suður-
hálendis vinnur nú að gerð nýs svæðisskipu-
lags fyrir Suðurhálendið sem nær til eftirtalinna
sveitarfélaga: Skaftárhreppur, Mýrdalshreppur,
Rangárþing eystra, Rangárþing ytra, Ásahreppur,
Skeiða- og Gnúpverjahreppur, Hrunamanna-
hreppur, Bláskógabyggð, og Grímsnes- og
Grafningshreppur. Auk þessara taka sveitarfélögin
Flóahreppur og Árborg þátt í verkefninu.
Í samræmi við 23. gr. skipulagslaga nr. 123/2010
skal samvinnunefnd sem vinnur að gerð nýs
svæðisskipulags „...taka saman lýsingu á skipu-
lagsverkefninu þar sem gerð er grein fyrir hvaða
áherslur nefndin hefur við gerð skipulagsins, for-
sendum þess og fyrirliggjandi stefnu og hvernig
kynningu verði háttað gagnvart íbúum og öðrum
hagsmunaaðilum”.
Skipulagslýsing ásamt fylgigögnum liggur nú fyrir
og geta þeir sem áhuga hafa á kynnt sér hana á
heimsíðu verkefnisins: sass.is/sudurhalendi/.
Þeir sem vilja koma með ábendingar eða athuga-
semdir um fyrirliggjandi gögn eða efni skipulags-
lýsingar geta skilað þeim til svæðisskipulags-
nefndar á netfangið: sudurhalendi@sass.is.
Frestur til athugasemda er gefinn til
og með 15. ágúst nk.
Endanleg tillaga verður kynnt almenningi með
formlegum hætti og auglýst í samræmi við ákvæði
skipulagslaga.
Svæðisskipulagsnefnd Suðurhálendis
SKIPULAGSLÝSING
FYRIR SUÐURHÁLENDIÐ
Reykjavíkurborg auglýsir hér með eftir óbirtu handriti að skáldverki fyrir börn
eða unglinga, frumsömdu á íslensku, til að keppa um Barnabókaverðlaun
Guðrúnar Helgadóttur. Verðlaununum verður úthlutað í fjórða sinn að vori 2022.
Verðlaun að upphæð 1 milljón króna verða veitt fyrir eitt handrit.
Þriggja manna dómnefnd metur verkin og eru meðlimir hennar tilnefndir af
menningar-, íþrótta – og tómstundaráði, Reykjavík bókmenntaborg UNESCO
og Rithöfundasambandi Íslands.
Útgáfuréttur verðlaunahandrits er í höndum höfundar eða þess forlags sem
hann ákveður að starfa með. Sé dómnefnd á einu máli um að ekkert innsent
handrit fullnægi þeim kröfum sem hún telur að gera verði til verðlaunaverka
má fella verðlaunaafhendinguna niður þetta árið.
Handritum skal skilað í þríriti og undir dulnefni, en nafn og símanúmer höf-
undar fylgi með í lokuðu umslagi. Ef um myndlýst handrit er að ræða er ekki
tekið á móti frummyndum, aðeins ljósritum.
Handrit berist í síðasta lagi mánudaginn 18. október 2021.
Utanáskrift:
Barnabókaverðlaun Guðrúnar Helgadóttur
b.t. Reykjavíkur bókmenntaborgar UNESCO
Ráðhúsi Reykjavíkur, Tjarnargötu 11, 101 Reykjavík
Í apríl 2018 samþykkti borgarráð að frá 2019 verði Barnabókaverðlaun
Guðrúnar Helgadóttur veitt árlega að vori fyrir handrit að nýrri barna eða
ungmennabók. Margrét Tryggvadóttir hlaut Barnabókaverðlaun Guðrúnar
Helgadóttur 2021 fyrir handrit sitt að bókinni Sterk.
Barnabókaverðlaun
Guðrúnar Helgadóttur
Úr svari ráðherra um bið eftir sálfræði þjónustu og mönnun
*Raunmönnun þar sem erfitt er að ráða í stöður.
Heilbrigðisstofnun Bið í Fjöldi Þörf fyrir
mánuðum stöðugilda nú stöðugildi
Austurlands 4 – 5 3,7 5 – 5,5
Norðurlands 6 – 8 8,7 (7,3)* 14,5
Suðurlands 4 – 6 5,2 7,2
Suðurnesja 4 – 7 8,2 9,9
Vestfjarða 0,5 - 1 0,4 1,5*
Vesturlands Nokkrir mánuðir 5,8 (3,8)* 8
Höfuðborgarsvæðið Bið í dögum Fjöldi stöðugilda Þörf fyrir stöðugildi

Þjónusta fyrir börn 86 13,3 37,4
Þjónusta fyrir fullorðna 93 15,7 30
Margra mánaða bið er eftir
þjónustu sálfræðinga um allt
land. Fjöldi stöðugilda er ekki
í samræmi við þörfina. Þörf er
á yfir 100 sálfræðingum um
allt land til að mæta þörfinni.
svava@frettabladid.is
ALÞINGI „Þetta er bara alls ekki að
batna,“ segir Anna Kolbrún Árna-
dóttir þingkona Miðflokksins, um
bið eftir sálfræðiþjónustu víða
um land. Í svari heilbrigðisráð-
herra við fyrirspurn hennar um
efnið, sem birt var á vef Alþingis í
vikunni, kemur fram að bið eftir
viðtali hjá sálfræðingi sé allt að sex
til sjö mánuðir bæði fyrir börn og
fullorðna, en biðin er mislöng eftir
landshlutum.
Anna Kolbrún hefur óskað eftir
upplýsingum um biðina á hverju
ári á kjörtímabilinu og fylgist með
breytingum milli ára. Að hennar
sögn sýna svörin að vandinn sé
síður en svo að minnka, þrátt fyrir
mikla umræðu í samfélaginu und-
anfarin misseri. Þá hefur vanlíðan
barna og ungmenna í faraldrinum
einnig vakið athygli og hafa sér-
fræðingar lýst áhyggjum af þeirri
þróun. „Það verður áhugavert að
bera saman tölur um bið og biðlista
fyrir og eftir faraldurinn,“ segir
Anna Kolbrún.
„Maður myndi halda að það
væri auðveldast að manna stöður á
Heilsugæslu höfuðborgarsvæðisins
betur, enda biðlistinn þar hrikalega
langur,“ segir Anna Kolbrún.
Hún bendir hins vegar á annars
konar vanda á landsbyggðinni.
Á Vesturlandi og Vestfjörðum
hefur þjónustan verið boðin út, en
þar geta einyrkjar ekki tekið þátt,
heldur þurfa þeir að vera bundnir
einhverri stöð. Svo er verið að reyna
að redda einhverju í gegnum fjar-
heilbrigðisþjónustu,“ segir Anna
Kolbrún og bætir við: „Hér skortir
einfaldlega á samningsviljann.“
Landsbyggðabörn fái síður
þjónustu eftir dvöl á BUGL
Anna Kolbrún Árnadóttir þingkona Miðflokksins, spyr heilbrigðisráðherra
reglulega um bið eftir sálfræðiþjónustu um landið allt. FRÉTTABLAÐIÐ/ERNIR
Þá tekur Kolbrún dæmi um börn
með sjálfskaðandi hegðun á Austur-
landi. Þau geti fengið innlögn og
þjónustu á barna- og unglingageð-
deildinni, BUGL, en þegar þau fari
heim eftir útskrift fái þau enga þjón-
ustu í heimabyggð.
„það þarf að opna á f leiri aðila,
það þýðir ekki að stofnanavæða
einkareksturinn líka,“ segir Anna
Kolbrún. „Sjálfstætt starfandi sál-
fræðingar ættu að fá að gera samn-
inga,“ segir Anna Kolbrún og bendir
á að vel sé hægt að búa til farveg
fyrir slíkt.
Hún segir einnig að það fjármagn
sem komi inn í málaflokkinn sé of
eyrnamerkt sérstökum verkefnum
og því takmarkað svigrúm til að
verja því þar sem þörfin er mest. n
 benediktboas@frettabladid.is
FJÁRMÁL Ríkustu 0,1 prósent Íslend-
inga áttu 293 milljarða í eigið fé í
lok ársins 2020. Ríkustu fimm pró-
sentin áttu 39,2 prósent af heildar
eigin fé landsmanna, eða rétt yfir
tvö þúsund milljarða króna.
Þetta kemur fram í svari Bjarna
Benediktssonar, fjármálaráðherra,
við fyrirspurn Loga Einarssonar,
formanns Samfylkingarinnar.
Tíu prósenta hópurinn er miðað-
ur við 24 þúsund fjölskyldur, fimm
prósenta hópurinn við 12 þúsund
fjölskyldur, ríkasta prósentið við
2.400 fjölskyldur og 0,1 prósent
hópurinn við 240 fjölskyldur.
Heildareignir landsmanna námu
7.678 þúsund milljörðum og eigið fé
landsmanna var 5.298 milljarðar.
Eigið fé þeirra 5 prósenta sem áttu
mestar eignir var 2.076 milljarðar
og hlutfall eigin fjár þeirra af eigin
fé allra var rúm 40 prósent. Eigið
fé ríkasta prósentsins voru 902
milljarðar. Eigið fé ríkustu 240 fjöl-
skyldnanna var 293 milljarðar. n
Ríkustu áttu tvö þúsund milljarða
 benediktboas@frettabladid.is
SKÓLAMÁL Uppfærð kostnaðar-
áætlun við gerð leikskóla í Safamýri
er 74 prósentum hærri en upphaf-
leg áætlun. Skólinn átti að kosta
433 milljónir króna, en upphæðin
stefnir í 752 milljónir.
Aukinn kostnaður er aðallega
sagður vera vegna nauðsynlegra
aðgerða til að bregðast við raka-
skemmdum og byggingargalla. Þá
uppfyllti húsnæðið ekki kröfur um
bruna-, öryggis- og aðgengismál.
Hreinsa þarf alla útveggi að
innan og einangra og klæða þá
að utan, sökum rakaskemmda og
óheppilegrar uppbyggingar og frá-
gangs að innan. Endurnýja þarf þak
sökum rakaskemmda og burðar-
grindur veggja eru gerðar af vanefn-
um. Þarf að endurnýja allar lagnir.
Þá er ekki hagkvæmt að halda í
núverandi eldhús og búnað þess
og engin salerni var hægt að nýta
án verulegra breytinga. Þá reyndist
f lóknara að endurnýja ónýtar frá-
rennslislagnir en reiknað var með.
Umfangsmiklar rakaskemmdir
komu í ljós í hönnunar- og niður-
rifsfasa verkefnisins.
Vigdís Hauksdóttir segir í bókun
sinni fyrir Miðflokkinn að málið sé
enn eitt fjármálaklúðrið í borginni.
„Það sjá allir að kostnaðargreining-
ar og fjárhagslegt framkvæmdamat
er í molum hjá þeim sem stjórna
borginni,“ bókaði Vigdís
Fulltrúar Sjálfstæðisf lokksins
sögðu að borgin hefði ekki farið í
verkefnið ef fjárhagsáætlun hefði
verið rétt. n
Fjármálaklúður við gerð leikskóla
Ríkustu fimm prósentin eiga um 40
prósent af eigin fé landsmanna.
Fyrri kostnaðaráætlun borgarinnar
stóðst alks ekki. FRÉTTABLAÐIÐ/EYÞÓR
6 Fréttir 3. júlí 2021 LAUGARDAGURFRÉTTABLAÐIÐ