Fréttablaðið - 24.06.2021, Síða 32
Fátt er sumarlegra en sól-
kysst húð skreytt hressi-
legum freknum vítt og breitt
um andlitið. Sumir eru bless-
aðir með því gullna gena-
mengi sem myndar þessa
krúttlegu flekki á andliti og
jafnvel um allan líkamann,
á meðan aðrir skarta flekk-
lausri húð.
johannamaria@frettabladid.is
Löngum hefur óflekkuð húð þótt
hið æðsta takmark fegurðar og
freknótt fólk lengi leitað leiða til
þess að dylja doppur sínar. Undan-
farið hefur þó sífellt meira borið á
því í fegrunarsamfélaginu að fólk
sé að ýkja freknur sem eru þegar
til staðar og bæta fleirum við. Þá
hafa margir gengið svo langt að
jafnvel stimpla þær á sig þar sem
engar eru.
Það er mörgum ánægjuefni að
freknur séu loksins orðnar móðins
og að doppóttir einstaklingar hafi
nú fengið uppreist æru. Þó er að
sjálfsögðu ávallt æskilegt að verja
húðina fyrir óæskilegum geislum
sólarinnar. Því þrátt fyrir að
freknur séu nú hinn nýi fegurðar-
staðall hjá mörgum kemst skað-
brennd húð seint í tísku.
Flaggaðu freknum í allt sumar
Freknur eru tengdar sjaldgæfri genasamsætu af MC1R-geninu. Þó svo að einstaklingur sé með tvö slík gen frá báðum
foreldrum myndar hann ekki endilega freknur. Þá geta einstaklingar sem hafa ekki þessa sjaldgæfu MC1R-genasam-
sætu líka myndað freknur. FRÉTTABLAÐIÐ/GETTY
Upphaf frekna hjá mönnum er tengt
því þegar mannkynið hóf að flytjast
á ný svæði frá Afríkuflekanum.
Freknur eru hraustleikamerki hjá
þeim sem bera þær og minna fólk á
sól og sumardaga. FRÉTTABLAÐIÐ/GETTY
Fjölmargar kvikmyndastjörnur eru freknóttar og flagga þeim stoltar. Þeirra á
meðal er bandaríska kvikmyndaleikkonan Glenn Close. FRÉTTABLAÐIÐ/GETTY
Hvað eru freknur?
Freknur eru skaðlausir litlir húð-
blettir sem innihalda meira af
litarefni en húðin í kring. Oftast
eru freknur litlar og ljósbrúnar
eða rauðbrúnleitar, f latar en ekki
upphleyptar. Stundum renna
þær þó saman og mynda stærri
og óreglulegri flekki. Þegar sólin
skín eykst melanínframleiðsla í
húðinni. Þá dekkjast freknurnar
og verða meira áberandi. Margir
skarta freknum allt árið um kring
og hjá öðrum myndast þær og
dökkna yfir sumartímann, þegar
sólin fær að kyssa húðina. Freknur
ganga í erfðir þannig að ef for-
eldrar eru doppóttir þá er líklegt
að börnin verði það líka. Þá er
algengt að freknurnar komi fram á
barnsaldri en þær geta líka horfið
á fullorðinsárum.
Heilsusamleg freknusöfnun
Það hafa ekki gefist óramörg tæki-
færi fyrir freknusöfnun í sumar
hjá mörgum, sérstaklega fyrir þau
sem safna þeim helst í útlöndum
þar sem sólin skín oftar og töluvert
meira en á Íslandi. En þrátt fyrir
það eru alveg til leiðir til þess að
bæta við nokkrum freknum í safnið
og dekkja þær sem eru þegar til
staðar, sem krefst ekki neins einasta
sólargeisla.
Freknur með blýanti
Fyrst er að finna sér hentugan lit.
Allajafna er liturinn sem maður
notar til að fylla upp í augabrún-
irnar of dökkur. Mælt er með því
að finna augnabrúnablýant fyrir
freknuteiknun sem er um einum til
tveimur tónum dekkri en grunn-
litur húðarinnar. Áður en flekkj-
unum er smellt á andlitið er best að
vera búin að grunna húðina, hvort
sem um er að ræða krem, púður eða
húðfarða.
Hafðu í huga að freknurnar
koma best út þegar þú hugsar ekki
allt of mikið um hvar þú kemur
þeim fyrir. Náttúrulegar freknur
myndast nefnilega yfirleitt þar sem
maður býst ekki við þeim. Ekki
heldur reyna að gera þær of snyrti-
legar eða fullkomnar. Fyrir minni
freknur er gott að fjárfesta í micro-
brow-augnblýanti en fyrir stærri
er hægt að nýta sér þykkari blýant.
Freknur eru enn fremur frábær leið
til þess að fela stakar bólur.
Settu flestar freknur þar sem
sólin skín náttúrulega á andlitið.
Nefið, kinnbein, kinnar og enni.
Láttu þeim svo fækka eftir því
sem fjær dregur frá sólkysstustu
svæðunum. Mundu að freknur eru
ekki fullkomnar, hvorki í laginu né
í lit. Til að halda þeim sem náttúru-
legustum er æskilegt að blanda þær
í grunntóninn í húðinni með bursta
eða bara puttanum. ■
NÝ HÁRLÍNA FRÁ LAVERA
NÝTT
Sölustaðir: heilsuverslanir, Hagkaup, Heimkaup.is og valin apótek.
Fylgdu okkur:
„Lavera Íslandi“
• Einstök formúla sem þykkir og mýkir.
• Sjö nýjar tegundir af sjampói og næringu.
• Lífrænt vottað og sílikon frítt í endurunnum umbúðum.
10 kynningarblað 24. júní 2021 FIMMTUDAGURHÚÐ OG HÁR