Fréttablaðið - 12.06.2021, Qupperneq 6

Parket
Gríðarlegt úrval af viðarparketi ásamt vatnsþolnu harðparketi
og vínylparketi má finna í sýningarsal okkar á Dalvegi 10-14.
Komdu við og ræddu við sérfræðinga
Parka og fáðu faglega ráðgjöf
Dalvegi 10-14, 201 Kópavogi • 595 0570
kristinnhaukur@frettabladid.is
NORÐURSLÓÐIR Bandaríska varnar-
málastofnunin (DOD) mun reisa
sérstaka bækistöð fyrir Norður-
slóðir. Helsta ástæðan fyrir þessu
er aukin hernaðarumsvif Rússa á
svæðinu. John F. Kirby, upplýsinga-
fulltrúi varnarmálaráðuneytisins
Pentagon, tilkynnti þetta á mið-
vikudag.
DOD rekur nú þegar fimm sam-
bærilegar stöðvar fyrir viss svæði.
Fyrir Mið-Austurlönd, Amerík-
urnar, Austurlönd fjær og Eyjaálfu,
Evrópu og Afríku. Stöðvarnar eru
notaðar til þess að efla samskipti
við bandalagsþjóðir á svæðunum,
veita ráðgjöf og semja um þjálfun
og vopnasölu, svo eitthvað sé nefnt.
Á svæði hinnar nýju bækistöðvar,
sem nefnd verður í höfuðið á Ted
Stevens, fyrrverandi þingmanni
Alaska, eru auk Bandaríkjanna,
Norðurlöndin, Kanada og Rússland.
Ekki hefur verið tilkynnt um hvar
hún verður staðsett.
„Ted Stevens-miðstöðin mun búa
til nýjan samráðsvettvang, bæði
fyrir stofnanir Bandaríkjanna, sem
og við bandamenn okkar og ann-
arra sem deila hagsmunum um
friðsælar Norðurslóðir,“ sagði Kirby.
Bæði Rússar og NATO-ríkin hafa
haldið heræfingar til að sýna mátt
sinn og megin undanfarið. Á næsta
ári munu 40 þúsund hermenn
NATO-ríkjanna taka þátt í stærstu
heræfingu á Norðurslóðum síðan í
kalda stríðinu, Cold Response 2022.
Rússar hafa byggt upp gamla sov-
éska stöð á eyjunni Nagurskaya,
langt norður í Íshafi, og getur hún
nú þjónustað bæði sprengjuvélar
og orrustuvélar. Rússar hafa einn-
ig byggt upp herstöðvar á f leiri
eyjum í Íshafinu, svo sem Kotelny
og Wrangel. ■
Bandaríkjamenn koma sér upp bækistöð á Norðurslóðum
Rússar hafa byggt upp
herstöðvar á Nagur­
skaya og fleiri eyjum í
Íshafinu.
Ríkisstjórn Vinstri grænna,
Framsóknarflokks og Sjálf-
stæðisflokks fer að pakka
saman eftir viðburðaríkt
kjörtímabil. Verkefnin hafa
verið ótalmörg og krefjandi.
adalheidur@frettabladid.is
STJÓRNMÁL Það er óhætt að kalla
það afrek að  ríkisstjórn Katrínar
Jakobsdóttur hafi  lifað kjörtíma-
bilið af, en margir spáðu henni
skammlífi. Hins vegar hefur komið
á daginn að þessir þrír flokkar virð-
ast eiga ágæta samleið.
Að frátöldum lífsvilja stjórnar-
innar, hljóta viðbrögð við heims-
faraldrinum að vera helsta afrek
hennar, bæði hvað varðar sótt-
varnaaðgerðir, samráð við sérfræð-
inga og upplýsingagjöf til almenn-
ings en einnig efnahagsaðgerðir og
stuðning við atvinnulífið.
Uppskera ráðherranna er hins
vegar ærið misjöfn. Forsætisráð-
herra náði f lestum sínum áherslu-
málum í gegn; lögum um kynrænt
sjálfræði, breytingar á jarðalögum
og nýjum reglum um eignarráð
útlendinga í fasteignum. Þá kom
hún tveimur tjáningarfrelsisfrum-
vörpum í gegn. Annars vegar um
vernd uppljóstrara og hins vegar
ákvæði um þagnarskyldu og tján-
ingu opinberra starfsmanna.
Fjármálaráðherra hefur nýverið
ýtt úr vör einu af sínum stærstu
markmiðum á kjörtímabilinu, söl-
unni á Íslandsbanka. Hann hefur
að öðru leyti lítið getað sinnt öðru
á síðari hluta kjörtímabilsins en
brýnustu hagsmunum atvinnulífs-
ins. Frumvarp hans um þjóðarsjóð
féll þannig  í skuggann af heims-
faraldri og varð ekki að lögum.
Arðsemisspár Landsvirkjunar hafa
heldur ekki verið hvatning til að ýta
málinu áfram að undanförnu.
Þrátt fyrir að dómsmálaráðherra
hafi ekki náð í gegn með prins-
ippmál um mannanöfn og sölu
áfengis á framleiðslustað, hafa ný
lög hrannast upp á ferilskrá ráð-
herrans. Meðal annars nokkrar
breytingar á hegningarlögum um
umsáturseinelti, kynferðislega frið-
helgi og útvíkkað mansalsákvæði.
Sett hefur verið upp rafrænt ferli
fyrir þinglýsingar og meðferð mála
hjá sýslumönnum og dómstólum.
Margir hafa einnig beðið eftir lög-
fesingu skiptrar búsetu barna sem
loksins náðist í gegn. Gamalt áhuga-
efni Sigríðar Á. Andersen náðist
einnig í gegn og endurupptöku-
dómur tekinn til starfa.
Heilbrigðisráðherra hefur staðið
í ströngu allt kjörtímabilið. Ekki
aðeins hefur faraldurinn verið
þurftarfrekur heldur sauð upp úr
milli ráðuneytisins og sveitarfélaga
vegna reksturs hjúkrunarheimila,
mönnunarvandi spítalanna er
alvarlegur sem aldrei fyrr og óhætt
er að telja mál tengd krabbameins-
skimunum til vandræðamála fyrir
ráðherrann. Svandís Svavarsdóttir
sigraði samt heimsfaraldur og átti
að auki sína aukasigra. Má þar fyrst
nefna langþráða endurskoðun laga
um þungunarrof. Þrátt fyrir að
fíkniefnamál Pírata teljist til henn-
ar ósigurs, voru lög um neyslurými
samþykkt, sem er skref í rétta átt.
Umhverfisráðherra hefur átt erf-
itt kjörtímabil og þrátt fyrir fögur
fyrirheit í stjórnarsáttmálanum
verða heimturnar að teljast daprar.
Samstarfsf lokkar VG hafa staðið
í vegi fyrir velgengni Guðmundar
Inga Guðbrandssonar. Þrátt fyrir að
nokkur loftslagsmál hafi náð fram
að ganga hafa flest mál hans siglt í
strand vegna óeiningar í stjórninni.
Menntamálaráðherra komst
einna helst í fréttir vegna vand-
ræðamála í meirihlutanum eða
umdeildra ráðningar- og skip-
unarmála. Fjölmiðlamálið er með
lengstu dauðastríðum þingmáls
sem sést hefur, að stjórnarskránni
undanþeginni. Lilja Alfreðsdóttir
náði þó að koma á nýju námslána-
kerfi og sagan mun segja til um hve
vel þau eldast.
Samgöngu- og sveitarstjórnar-
ráðherra hefur notið þess að fjár-
festingaátak ríkisstjórnarinnar og
viðbót við það vegna faraldursins
ýtir hans helstu málum vel á veg,
samgöngumálunum. Sameiningar-
átak hans fór hins vegar út um þúfur
og líka hugmyndir um aukið frjáls-
ræði í leigubílaþjónustu. Hins vegar
liggja margir nýir lagabálkar eftir
Sigurð Inga Jóhannsson; ný umferð-
arlög, ný lög um þjóðskrá o.fl.
Ferðamála-, nýsköpunar- og
iðnaðarráðherra þykir vinnusöm
í sínum málaflokkum þótt engin
fyrirferð sé á henni í þinginu. Hún
hefur líka látið til sín taka á sviði
orkuskipta og nýsköpunar. Hennar
helstu vonbrigði hljóta að vera
breytingar sem hún hugðist ráðast
í á sviði samkeppnismála, en urðu
mun rýrari en hún lagði upp með.
Lítið hefur farið fyrir sjávarút-
vegs- og landbúnaðarráðherra á
kjörtímabilinu, nema í tengslum við
Samherjamálið. Í hans starfi hefur
borið hæst sú reglugerðahreinsun
sem hann og samráðherra hans
í atvinnuvegaráðuneytinu hafa
staðið fyrir. Bændur hafa verið
óánægðir með hann og flestir sem
fara fyrir neytendum reyndar líka.
Þetta síðasta kjörtímabil Kristjáns
Þórs Júlíussonar er sennilega það
óeftirminnilegasta á hans ferli.
Það fór heldur lítið fyrir utan-
ríkisráðherra, nema þegar merki-
lega gesti bar að garði. Hann kom þó
tveimur eftirminnilegum málum í
gegn, báðum umdeildum. Annars
vegar um skipun embættismanna í
utanríkisþjónustunni og hins vegar
um rekstrarform Íslandsstofu.
Þá er aðeins ótalinn spútnikráð-
herra kjörtímabilsins; Ásmundur
Einar Daðason. Hann hefur sýnt
sínar bestu hliðar á stjórnmála-
ferlinum síðustu fjögur ár. Umbylt
bar naver ndarker f inu og fær t
barnafjölskyldum tólf mánaða
fæðingarorlof. Þrátt fyrir að hafa
ekki náð þeim árangri í húsnæðis-
málum sem flestir landsmenn hefðu
óskað, verður að segjast að Ásmund-
ur Einar hefur ekki aðeins komið á
óvart heldur slegið í gegn. ■
Helstu sigrar og ósigrar ríkisstjórnar Katrínar
Ríkisstjórninni var ekki spáð langlífi en mikið traust ríkir meðal oddvita stjórnarflokkanna. FRÉTTABLAÐIÐ/EYÞÓR
Ásmundur Einar
Daðason kom
sá og sigraði á
þessu kjörtíma-
bili.
Meðal mála sem
trufluðu ríkisstjórnina
voru Landsréttarmál,
Geirfinnsmál og sótt­
varnabrot ráðherra.
6 Fréttir 12. júní 2021 LAUGARDAGUR