Ásgarður : blað starfsmanna ríkis og bæja - 01.05.1958, Blaðsíða 39

skattur hverfandi hluti af tekjum ríkissjóðs, en
hefur hins vegar í för rneð sér gífurlegan
kostnað.
Starfskjör.
I.
18. þing B. S. R. B. felur stjórn bandalagsins
að beita sér fyrir því, að frumvarp ríkisstjórnar-
innar um breyting á lögum um réttindi og
skyldur starfsmanna ríkisins, að því er varðar
lenging orlofs, verði samþykkt á Alþingi, með
þeirri breytingu, að orlof þeirra, sem starfað
hafa 15 ár eða lengur, verði lengt upp í 27 virka
daga, og vinni stjórnin ennfremur að því, að
orlof verði veitt af aukavinnu, í samræmi við
það, er tíðkast í almennum vinnumarkaði.
II.
18. þing B. S. R. B. felur stjórn bandalagsins
að beita sér fyrir því, að vinnutími þeirra starfs-
manna, sem starfa á vinnu-vökum og hafa nú
48 stunda vinnuviku, verði styttur til samræmis
við þá vinnuvökustarfsmenn, sem hafa skemmst-
an vinnutíma.
III.
18. þing B. S. R. B. felur stjóm bandalagsins
að vinna að því, að vinnutími á skrifstofum
verði færður í sama horf og var fyrir 1950, og
bendir í því sambandi á þá leið, að eigi verði
unnið á laugardögum yfir sumarmánuðina (1.
maí til 1. okt.). Einnig, að öðrum starfsmönnum
hins opinbera verði gert kleift að njóta hins
sama.
IV.
18. þing B. S. R. B. felur stjórn bandalagsins
að beita sér hið fyrsta fyrir því, að ríkisstarfs-
menn njóti eigi lakari kjara um dagpeninga-
greiðslur á ferðalögum vegna starfa sinna en
verkfræðingar í þjónustu ríkisins njóta, svo og
sömu hlunninda og trygginga.
V.
18. þing B. S. R. B. felur stjórn bandalagsins
að vera vel á verði um það, að lögin um rétt-
indi og skyldur starfsmanna ríkisins og reglu-
gerðir, sem þeim fylgja, verði framkvæmd rétti-
lega. Ennfremur að í bæjarfélögum, þar sem
þessum málum er ekki fyllilega skipað, verði
settar reglugerðir, sem tryggi starfsmönnum
ekki lakari rétt en ríkisstarfsmenn hafa.
VI.
18. þing B. S. R. B. felur stjórn bandalagsins
að vinna að því við Alþingi, ríkisstjórn og bæjar-
stjórnir, að núgildandi lögum og reglugerðum
verði breytt í það horf, að lögreglumönnum,
brunavörðum og hjúkrunarkonum og öllum
þeim, er stunda vaktavinnu, sé heimilt að láta
af störfum með fullum eftirlaunum, eftir að
þeir hafa náð 55 ára aldri, enda sé starfsaldur
þeirra orðinn 25 ár.
VII.
18. þing B. S. R. B. felur stjórn bandalagsins
að vinna að því, að þriggja mánaða greiðsla til
eftirlifenda, vegna fráfalls fyrirvinnu, hækki í
sex mánuði.
VIII.
18. þing B. S. R. B. felur stjóm bandalagsins
að vinna að því, að vaktavinnumenn fái frí tvo
virka daga fyrir hvem stórhátíðisdag, sem þeir
vinna, ef þeir fá ekki hliðstæða greiðslu í pen-
ingum.
Eftirlaun.
I.
18. þing B. S. R. B. telur nauðsynlegt og sjálf-
sagt, að nú þegar verði undinn bráður bugur
að því, að stofnaðir verði lífeyrissjóðir fyrir
starfsmenn þeirra bæjarfélaga, þar sem slíkir
sjóðir eru enn ekki til, eða þeim tryggð eftir-
laun með öðrum hætti, svo viðunandi sé, þannig
að allir opinberir starfsmenn njóti þessara rétt-
inda. Þingið beinir því til stjórnar B. S. R. B. að
hún vinni að þessum málum eftir megni.
II.
18. þing B. S. R. B. telur ekki viðunandi þau
ákvæði í lögum um lífeyrissjóði opinberra
starfsmanna, að eftirlaun skuli miðuð við meðal-
tal launa starfsmanna síðustu tíu starfsár hans.
Þess vegna felur þingið stjórn bandalagsins
að rannsaka í samráði við hlutaðeigandi stjórnar-
völd, hvort ekki sé unnt að breyta lögum um
lífeyrissjóði opinberra starfsmanna þannig, að
eftirlaun miðist við laun þau, er á hverjum
tíma eru greidd fyrir starf það, er lífeyrisþegi
gegndi.
III.
18. þing B. S. R. B. beinir því til hlutaðeigandi
stjórnarvalda, að við setningu laga og reglu-
gerða um lífeyrissjóði, sé það vandlega athugað,
hvort eðlilegt er, að sama aldurstakmark til líf-
eyristöku gildi fyrir alla sjóðfélaga, og ákvæð-
um hér um hagað í samræmi við niðurstöður
slíkrar rannsóknar.
IV.
18. þing B. S. R. B. felur stjóm bandalagsins
ÁSGARÐUR 37