Ásgarður : blað starfsmanna ríkis og bæja - 15.03.1965, Blaðsíða 19
Stjórn Félags íslenzkra símamanna.
Agúst Geirsson:
Félag íslenzkra símamanna 50 ára
Um leiS og Ásgarður árnar símafólki til
hamingju með gifturíkt fimmtíu ára félags-
starf, þá er blaðinu ljúft að birta hér á eftir
sögu símafélagsins í stórum dráttum, tekna
saman af formanni F.Í.S, Ágústi Geirssyni,
eftir beiðni ritstjóra Ásgarðs.
Þann 27. febrúar s.l. voru 50 ár liðin
frá því að 5 starfsmenn landssímans komu
saman hér í Reykjavík í þeim tilgangi að
stofna með sér stéttarfélag, til að vinna
að hagsmunamálum íslenzkra símamanna.
Stofnendur voru innan við 20 að tölu
og félagið hlaut nafnið Félag íslenzkra
símamanna — F.I.S. Fyrsti formaður fé-
lagsins var Ottó B. Arnar loftskeytafræð-
ingur og með honum í stjórn voru Adolf
Guðmundsson símritari og Kristjana
Blöndahl skrifstofustúlka.
Þó að félagið væri fámennt í upphafi
var áhugi félagsmanna þeim mun meiri.
Strax tæpum tveimur mánuðum eftir
stofnun félagsins kom út fyrsta tölu-
blaðið af málgagni þess, blaðið Elektron,
er síðar varð Símablaðið. Fyrsti ritstjóri
þess var Ottó B. Arnar. Blaðið hefur síðan
komið út óslitið í 50 ár og síðustu 40 árin
hefur Andrés G. Þormar verið ritstjóri
þess. Það hefur verið aðal baráttutæki
félagsins og símamannastéttarinnar og
sterkur tengiliður milli hinna dreifðu fé-
lagsmanna um allt land.
Þá var það strax á fyrsta ári að til
átaka kom um launamál símamanna og
neyddist félagið til að hóta verkfalli til að
ná kröfum sínum fram. Ekki kom þó til
verkfalls því gengið var að kröfum fé-
lagsins, en talið er að þetta hafi orðið
til þess að lögin um bann við verkföllum
opinberra starfsmanna voru sett á næsta
alþingi. Sá sigur, sem símamenn unnu í
þessari fyrstu launabaráttu sinni, varð til
þess að þeim varð þá almennt ljóst, hve
mikla þýðingu félagssamtökin höfðu fyrir
stéttina. Félagið var orðinn sá aðili, sem
ekki var gengið framhjá.
Árið 1919 stóð félagið að stofnun fyrsta
bandalags opinberra starfsmanna, er Sam-
band starfsmanna ríkisstofnana var stofn-
að. Síðar stóð svo félagið að stofnun Full-
ÁSGARÐUR 19