Ásgarður : blað starfsmanna ríkis og bæja - 15.03.1965, Blaðsíða 26

skipunar, send eftirfarandi tilkynning frá stjórn
B.S.R.B. til blaða og útvarps:
„Samkomulag hefur orðið milli Bandalags
starfsmanna ríkis og bæja og ríkisstjórnarinnar
um, að ríkisstjórnin skipi 7 manna nefnd til
að endurskoða lög um kjarasamninga opinberra
starfsmanna.
Þrír nefndarmenn eru tilnefndir af B.S.R.B.
og fjórir án tilnefningar.
Eftirgreindir menn hafa verið skipaðir í nefnd-
ina:
Jónatan Hallvarðsson, hæstaréttardómari, for-
maður, Gunnlaugur E. Briem, ráðuneytisstjóri,
Jón Þorsteinsson, alþingismaður, Sigtryggur
Klemenzson, ráðuneytisstjóri.
Stjórn B.S.R.B. hefur tilnefnt Kristján Thor-
lacius, formann bandalagsins, Guðjón B. Bald-
vinsson, deildarstjóra og Teit Þorleifsson, kenn-
ara.“
Skattamálin.
í síðasta tölublaði Asgarðs var frá því sagt,
að viðræðunefndir B.S.R.B. ög A.S.Í. sendu sam-
eiginlegt bréf til ríkisstjórnarinnar í byrjun
nóvember s.l. þar sem þær setja ákveðin skil-
yrði fyrir því að þær geti átt aðild að þeim
aðgerðum, sem ríkisstjórnin bauð upp á varð-
andi lán til þeirra skattgreiðenda, er harðast
urðu úti á s.l. hausti.
Svar við þessu bréfi barst ekki fyrr en um
miðjan desember. (Þess má geta innan sviga,
að svarið barst mjög í sömu mund og sölu-
skattsfrumvarpið síðasta var lagt fram á Al-
þingi) og í því svari setti ríkisstjórnin fram
ákveðið tilboð, sem var á þann veg, að fyrr-
nefndum tveim nefndum þóttu að öllu leyti óað-
gengilegt og sendu breytingartillögur, sem gengu
í þá átt, að fleiri yrðu aðnjótandi væntanlegra
lána. Ríkisstjórnin gerði enn gagntilboð, sem
að vísu gekk nokkru lengra en fyrra tilboðið,
en þó vantaði mikið á að ná því, sem nefnd-
imar töldu viðunandi. Þann 20. janúar s.l. skrif-
uðu þær því ríkisstjórninni svohljóðandi bréf:
„Nefndir A.S.f. og B.S.R.B. um skattamál,
hafa rætt þær hugmyndir, sem fram komu á
síðasta viðræðufundi við fulltrúa ríkisstjórnar-
innar og þær athuganir sem Efnahagsstofnunin
hefir síðan gert út frá þeim viðræðum, er fram
fóru á fundinum, og sendar hafa verið oss á
blaði dags. 29. des. s.l.
Nefndirnar eru sammála um, að upphaflegar
26 ÁSGARÐUR
tillögur ríkisstjórnarinnar og einnig „síðustu til-
lögur" komi of fáum að gagni.
Samtök vor em að sjálfsögðu ekki mótfallin
því, að ríkisstjórnin veiti þau lán, er hún telur
sér fært, en þar sem þau ná greinilega til svo
fárra einstaklinga telja samtökin sér ekki fært
að eiga aðild að lausn málsins á þeim grund-
velli.“
Þannig lyktaði þessu máli og er ekki annað
vitað, en launþegar hafi þurft að axla skatta-
byrðina einir og óstuddir.
Ekki hefur enn bólað á frumvarpi á Alþingi
til breytingar á gildandi skatta- og útsvarslög-
um, og er þó all mjög liðið 4 tíma þingsins.
Ohæf málsmeðferð
Framhald af bls. 4
Afleiðingin af þessum hringlandahætti
er því, að mál þeirra starfsmanna, sem
þetta snertir, hafa verið afgreidd mjög'
mismunandi.
Sumar stofnanir höfðu alltaf greitt
næturvinnukaup í samræmi við skilning
B.S.R.B. eða a. m. k. eftir kl. 17, en fá
nú fyrirmæli um að breyta því.
Aðrir höfðu leiðrétt kaupgreiðslur frá
1. júlí 1963 í samræmi við fyrra bréf fjár-
málaráðuneytisins, en er nú skipað að
hætta því.
Þær stofnanir eru til, sem ekki voru
búnar að hlýðnast bréfinu frá 13. okt.,
og hafa því starfsmenn þar eingöngu
fengið eftirvinnukaup fyrir yfirvinnu á
dagvinnutíma.
Það getur því farið svo, að hefja verði
nýtt mál fyrir Félagsdómi í von um greini-
legri svör í það skipti, þar sem dómurinn
hafi ekki ennþá dæmt um sjálfan ágrein-
inginn.