Fréttablaðið - 16.09.2021, Blaðsíða 8

Tímapantanir á opticalstudio.is
og í síma 511 5800
SMÁRALIND • HAFNARTORG • KEFLAVÍK
Sjónmælingar
eru okkar fag
thorsteinn@frettabladid.is
Tekjur Guide to Iceland námu 1,6
milljörðum króna í fyrra og féllu
um 5,5 milljarða króna á milli ára
samkvæmt ársreikningi félagsins.
Guide to Iceland heldur úti sam-
nefndu vefsvæði sem veitir aðgang
að ferðum með umsögnum við-
skiptavina, gistingu og bílaleigu-
bílum sem og sérsniðnum pökkum.
Þrátt fyrir gríðarlegt tekjufall
tapaði samstæðan þó aðeins um 160
milljónum króna árið 2020, sem er
fyrsta árið frá stofnun sem hún er
rekin með tapi. Til samanburðar
skilaði reksturinn hagnaði upp á
450 milljónir króna árið 2019.
Í skýrslu stjórnar kemur fram að
félagið hafi sett tæplega 400 millj-
ónir í þróun á sjálfvirknilausnum á
síðasta ári.
„Fyrirtækið hefur fulla trú á að
geta notað þessi hugverk til þess að
stækka á erlendum mörkuðum. Við
megum búast við hægum en örugg-
um bata 2021 sem tengist alþjóðleg-
um bólusetningaráætlunum. Fjár-
festingarnar 2020 munu því ekki
byrja að skila sér að fullu fyrr en á
næsta ári, þar sem við eigum von á
veldisvexti frá nokkrum mörkuðum
auk Íslands.“
Stærsti hluthafi í Guide to Iceland
er Ingólfur Abraham Shahin með 46
prósenta hlut. n
Tekjufall fimm og hálfur milljarður
Fáir ferðamenn komu í fyrra.
H
N
O
T
S
K
Ó
G
U
R
g
ra
fí
sk
h
ön
nu
n
Innviðasjóður
Umsóknarfrestur 1. nóvember
Rannís auglýsir eftir umsóknum um styrki úr Innviðasjóði.
Hlutverk sjóðsins er að byggja upp rannsóknainnviði á Íslandi.
Innviðasjóður veitir styrki til kaupa á tækjum, gagnagrunnum
og hugbúnaði og öðrum þeim búnaði sem telst mikilvægur fyrir
framfarir í rannsóknum.
Sérstaklega verður tekið tillit til innviðaverkefna á vegvísi sem
njóta, að öðru jöfnu, forgangs við úthlutun styrkja.
Við úthlutun úr Innviðasjóði er tekið mið af úthlutunarstefnu
Innviðasjóðs og eftirtalin atriði lögð til grundvallar:
l Að innviðirnir séu mikilvægir fyrir framfarir í rannsóknum
á Íslandi og fyrir rannsóknir umsækjenda
l Að fjárfesting í innviðum skapi nýja möguleika til rannsókna
og/eða innviðirnir tengist verkefnum sem Rannsóknasjóður,
markáætlun eða aðrir opinberir samkeppnisjóðir styrkja.
l Að samstarf verði um nýtingu innviða milli stofnana eða milli
stofnana og fyrirtækja með fyrirsjáanlegum hætti
l Að áætlanir um kostnað og fjármögnun séu raunhæfar
l Að innviðirnir auki möguleika á menntun og þjálfun á
viðkomandi fræðasviði
l Innviðir sem komið er upp með styrk frá sjóðnum skulu
vera aðgengilegir öðrum rannsóknahópum eftir því sem
svigrúm er til og skal sjóðnum gerð grein fyrir hvernig
aðgengi verður háttað
Umsækjendur skulu kynna sér vel reglur sjóðsins
áður en umsókn er gerð.
Nánari upplýsingar og aðgangur að
rafrænu umsóknarkerfi er að finna á
www.rannis.is.
Skoðanakannanir sem benda
til þess að vinstristjórn taki
við stjórnartaumunum hafa
meðal annars leitt til verð-
lækkana á hlutabréfum. Á
sama tíma leita fjárfestar í
verðtryggð skuldabréf.
helgivifill@frettabladid.is
Hlutabréfaverð hefur farið lækk-
andi síðustu daga, meðal annars
vegna þess að auknar líkur eru á
að vinstristjórn taki við stjórnar-
taumunum í landinu, samkvæmt
skoðanakönnunum. Undanfarna
fimm daga hefur Úrvalsvísitalan
lækkað um fjögur prósent. Á sama
tíma hafa fjárfestar keypt verð-
tryggð skuldabréf í auknum mæli
en í ljósi lágs vaxtastigs hafa margir
fram að þessu fremur horft til hluta-
bréfakaupa.
Sveinn Þórarinsson, greinandi hjá
Landsbankanum, segir að nýjasta
skoðanakönnun Maskínu virðist
hafa hrint lækkunum af stað. Mögu-
lega hafi væntingar farið að byggjast
upp aðeins fyrr. Það kunni að fara
að sjá fyrir endann á lækkunar-
hrinunni því í huga sumra fjárfesta
sé verðlagning margra fyrirtækja
álitleg.
Valdimar Ármann, forstöðu-
maður eignastýringar hjá Arctica
Finance, segir að það sé ákveðin
óvissa í loftinu sem valdi því að fjár-
festar haldi að sér höndum og því
lækki eignaverð. „Óvissan snýr að
stjórnarmynstri eftir kosningar og
hvað mismunandi stjórnarmynd-
anir muni hafa í för með sér,“ segir
hann.
Valdimar horfir til tveggja þátta.
„Annars vegar munu miklar breyt-
ingar á ákveðnum grunnþáttum
hagkerfisins skapa mikla óvissu um
framtíðarrekstur ýmissa fyrirtækja
og erfitt verður að skipuleggja fram-
tíðina sem gæti haft mjög afdrifa-
ríkar af leiðingar á fjármálamark-
aði. Hins vegar gætu aukin útgjöld
ríkissjóðs í ýmiss konar tilfærslur
og greiðsluþátttöku skilað sér að
öðru jöfnu í aukinni verðbólgu og
þar af leiðandi hærri stýrivöxtum
og mögulega aukinni útgáfu ríkis-
sjóðs sem gæti hækkað verðbólgu-
væntingar sem og langtímakröfuna
á skuldabréfamarkaði.“
Hann segir að einnig verði að
hafa í huga að samhliða þessum
lækkunum sé umræða meðal ann-
ars í Bandaríkjunum um minnk-
andi stuðning Seðlabankans við
eignamarkaði. Það hafi haft áhrif
á erlenda hlutabréfamarkaði sem
smitast til Íslands.
Magnús Örn Guðmundsson, for-
stöðumaður hjá Stefni, segir að oft
sé erfitt að henda reiður á sveiflun-
um frá degi til dags. Erlendir mark-
aðir hafi gefið aðeins eftir, olíuverð
hafi lækkað skarpt síðustu daga
og verðbólguþrýstingur sé nokkur
erlendis. „Öflug viðspyrna og rask-
anir á aðfangakeðjunni, til dæmis í
f lutningum, eftir Covid-19 tekur í,“
segir hann.
Magnús Örn bendir á að stýri-
vextir hafi verið hækkaðir hér-
lendis fyrir hálfum mánuði og
Seðlabankinn hafi rætt um frekari
hækkanir. „Það má kannski segja að
markaðurinn verði fréttadrifnari í
aðdraganda kosninga og brothætt-
ari,“ segir hann og nefnir að það hafi
líka gerst árið 2017 þegar markaður-
inn hafi gefið eftir.
„Fjárfestum líður illa í óvissu og
verr eftir því sem óvissan er meiri.
En á sama tíma geta líka mynd-
ast góð fjárfestingatækifæri, það
sanna dæmin. Umræðan um for-
sendur kjarasamninga er líka að
verða fyrirferðarmeiri og á síðustu
dögum hefur verið aukin aðsókn í
verðtryggð skuldabréf.
Kosningaloforð, áherslur og
kannanir geta spilað hlutverk en
heilt yfir líta fjárfestar yfirvegað yfir
sviðið. Stóra myndin hefur svo sem
ekki breyst á markaðnum. Félögin
skiluðu góðum uppgjörum í síðustu
uppgjörslotu og margir álitlegir fjár-
festingarkostir eru í Kauphöllinni
enda horfur fínar. Fé leitar eftir sem
áður í ávöxtun og mikið fé situr enn
inni í félögum sem á eftir að skila til
hluthafa. Það má ekki gleyma því
að hlutabréf hafa hækkað skarpt
undanfarið og ekki óeðlilegt að
fjárfestar innleysi hagnað. Það lýsir
skilvirkum markaði,“ segir Magnús
Örn. n
Kosningar skekja innlenda
hlutabréfamarkaðinn
Úrvalsvísitalan
hefur lækkað
um fjögur pró-
sent á fimm
dögum.
FRÉTTABLAÐIÐ/
ANTON BRINK
Óvissan snýr að stjórn-
armynstri eftir kosn-
ingar og hvað mismun-
andi stjórnarmyndanir
muni hafa í för með
sér.
Valdimar
Ármann,
forstöðumaður
hjá Arctica
Finance
helgivifill@frettabladid.is
Hörður Hilmarsson, stofnandi ÍT-
ferða, tekur við sem forstöðumað-
ur íþróttadeildar Úrvals-Útsýnar.
Hann hefur undanfarin 25 ár rekið
eigið fyrirtæki, ÍT ferðir, sem hefur
sérhæft sig í utanlandsferðum
íþrótta- og sérhópa, auk móttöku
erlendra íþróttahópa til Íslands.
Þetta kemur fram í tilkynningu.
Hörður spilaði sem leikmaður
í handknattleik og knattspyrnu.
Hann varð síðar þjálfari í báðum
greinum, fyrst unglingaliða, síðan
meistaraflokka.
Hörður lék handbolta með Val,
KA og Stjörnunni og þjálfaði KA og
Stjörnuna sem leikmaður. Í knatt-
spyrnu lék Hörður lengst af með
Val, en einnig með KA, Grindavík
og sænska félaginu AIK, auk íslenska
landsliðsins. Hörður þjálfaði
Grindavík, Val, Selfoss, Breiðablik
og FH áður en hann hætti þjálfun til
að einbeita sér að starfi sínu í ferða-
þjónustu fyrir íþrótta- og sérhópa.
„Hörður býr yfir mikilli reynslu
og bætist í hóp öflugra starfsmanna
Útvals-Útsýnar sem munu áfram
kappkosta við að veita hópum og
einstaklingum faglega og persónu-
lega þjónustu fyrir sanngjarnt verð,“
segir Þórunn Reynisdóttir, forstjóri
Úrvals-Útsýnar. n
Hörður í íþróttadeild Úrvals-Útsýnar
Hörður
Hilmarsson,
forstöðumaður
íþróttadeildar
Úrvals-Utsýnar Hörður var leikmaður
og þjálfari í handknatt-
leik og knattspyrnu.
8 Fréttir 16. september 2021 FIMMTUDAGURFRÉTTABLAÐIÐMARKAÐURINN FRÉTTABLAÐIÐ 16. september 2021 FIMMTUDAGUR