Morgunblaðið - 16.06.2021, Blaðsíða 2

2 FRÉTTIRInnlent
MORGUNBLAÐIÐ MIÐVIKUDAGUR 16. JÚNÍ 2021
Globales Los Patos Park 4*
Benalmadena
COSTA DEL SOL
06. - 16. júlí
Flug og tvíbýli með hálfu fæði í 11 daga
Frábær sundlaugargarður í boði!
www.sumarferdir.is | info@sumarferdir.is | 514 1400
verð frá 138.900kr.
á mann m.v. 2 fullorðna og 2 börn
NÝR
ÁFANGA-STAÐUR
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Helgi Bjarnason
helgi@mbl.is
Gras hefur sprottið illa á Suður-
landi vegna kulda og þurrka í vor
og almennt kaldari tíðar að und-
anförnu en venjulegt er. Matthías
Ragnarsson, bóndi á Guðnastöðum
í Austur-Landeyjum, telur að
sláttur hefjist almennt ekki fyrr en
eftir viku eða tíu daga en það er
meira en þremur vikum seinna en
venjulega hefur verið á und-
anförnum árum.
Guðni hóf raunar slátt í gær. Sló
montblettinn, eins og hann tekur
sjálfur til orða. Það er fjögurra
hektara tún heima við bæjarhús.
Tilgangurinn er fyrst og fremst að
prófa vélarnar eftir veturinn og at-
huga hvort þær verði ekki í lagi
þegar alvöruheyskapur hefst. Einn-
ig að hreinsa fíflatún og ná í ferskt
fóður fyrir kýrnar.
Reiknar Matthías ekki með að
geta hafið heyskap fyrr en eftir tíu
daga. Grös séu það illa sprottin.
Á Guðnastöðum eru 150 hektara
tún og stefnir Matthías að því að
ná í 2.500 til 3.000 rúllur í sumar.
Ekki veitir af því í fjósi eru 50
mjólkandi kýr, auk 70 holdakúa,
þannig að þörf er á miklu og góðu
fóðri. „Það lítur ekki vel út en mað-
ur verður að vera bjartsýnn,“ segir
Matthías.
Montbletturinn Matthías Ragnarsson athugar slægjuna á heimatúninu á Guðnastöðum í Austur-Landeyjum.
Sláttur dregst vegna kulda
- Bóndinn á Guðnastöðum sló „montblettinn“ í gær
Farþegaskipið Le Dumont-
d’urville, sem nú liggur við bryggju
í Hafnarfjarðarhöfn, er það fyrsta
sem kemur til landsins á þessu
sumri. Hið franska fley, sem tekur
allt að 184 farþega, kom í fyradag
og fer í kvöld í siglingu umhverfis
Ísland. Farþegarnir koma að utan
með flugi, stíga um borð í skipið í
Hafnarfirði og í Íslandssiglinguna,
sem tekur á sjötta sólarhring.
Þessar ferðir verða í allt sumar
og hefur Le Dumont-d’urville við-
komu í Grundarfirði, á Ísafirði,
Akureyri, Vestmannaeyjum og víð-
ar. Að sögn Lúðvíks Geirssonar
hafnarstjóra er von á alls sautján
skemmtiferðaskipum í Hafnarfjörð
og eru þau öll lítil eða meðalstór,
gjarnan kölluð leiðangursskip.
Stærstu gerðir farþegaskipa koma
ekki til Íslands í sumar, enda margt
enn óljóst viðvíkjandi útgerð þeirra
með tilliti til sóttvarna og slíks.
sbs@mbl.is
Franskt
fley fyrst í
Fjörðinn
Ljósmynd/Guðmundur Fylkisson
Helgi Bjarnason
helgi@mbl.is
Bæjarstjórn Hornafjarðar og félög
bænda í Austur-Skaftafellssýslu
knýja á um að gripið verði til að-
gerða til að fækka helsingja. Fuglinn
veldur miklu tjóni á túnum bænda í
vesturhluta Suðursveitar og gróður-
eyðingu við varpstöðvarnar. Beðið er
um að skotveiðar verði heimilaðar 1.
september, á sama tíma og annars
staðar á landinu.
Helsingja hefur fjölgað mjög á
suðausturlandi á síðustu árum.
Arnór Már Fjölnisson, bóndi á Hala í
Suðursveit, segir að fjölgunin sé um
12-14% á ári. Telur hann að í stofn-
inum í Suðursveit og nágrenni séu
4-5 þúsund varpfuglar og í allt 15-20
þúsund fuglar. „Þeir valda gríðar-
legu tjóni og vandræðum, sérstak-
lega í köldu ári eins og er núna.
Fram undan er hjá okkur að afla
heyja fyrir skepnur okkar fyrir vet-
urinn. Erfitt er að segja hvernig það
fer,“ segir Arnór.
„Þetta er orðinn svo mikill fjöldi
að hann þarf mikið fóður til að halda
sér lifandi. Það vær hann mestmegn-
is á túnunum hjá okkur,“ segir Björn
Þorbergsson, bóndi í Gerði.
Helsinginn kom í túnin í byrjun
apríl og er þar enn. Bændur sjá fram
á að hann verði gestur þeirra þar til
hann fer í sár og Arnór telur líklegt
að berjasprettan fari forgörðum í
sumar og þá sitji þeir uppi með fugl-
inn alveg þangað til í byrjun október
að hann fer til vetrarstöðvanna. Arn-
ór og Björn telja að auk skemmda á
túnum gangi hann svo nærri gróðri í
úthaga að hætt sé við gróðureyð-
ingu.
Bændur hafa ekki mörg ráð. Þeir
keyra á milli túna til að fæla fuglinn
burtu, sumir dag og nótt, en það er
skammgóður vermir, hann kemur
alltaf aftur.
Helsingi er friðaður í Austur-
Skaftafellssýslu til 25. september,
rétt áður en hann flýgur burt, en
annars staðar má hefja veiðar á hon-
um 1. september. Austur-Skaftfell-
ingar vilja að veiðar verði leyfðar frá
1. september, ef það yrði til þess að
fækka fuglinum. Björn segir raunar
að það sé ekki nóg, grípa þurfi til að-
gerða strax því það sé að verða óbú-
andi vegna ágangs fuglsins.
Vilja veiða helsingja fyrr á haustin
- Stöðug og mikil fjölgun helsingja í Austur-Skaftafellssýslu veldur bændum fjárhagslegu tjóni og erf-
iðleikum - Með fugl á túnum allt sumarið - Vita ekki hvernig þeir eiga að afla heyja fyrir bústofn sinn
Ljósmynd/Lilja Jóhannesdóttir
Fjöldi Aðalvarpstöðvar helsingja
hér á landi eru við Jökulsárlón.