Morgunblaðið - 16.06.2021, Side 24

24 MENNING
MORGUNBLAÐIÐ MIÐVIKUDAGUR 16. JÚNÍ 2021
PON er umboðsaðili
PON Pétur O. Nikulásson ehf.
Melabraut 21, 220 Hafnarfjörður
Sími 580 0110 | pon.is
Við bjóðum alla Jungheinrich eigendur velkomna!
GÆÐI OG ÞJÓNUSTA
Kristín Heiða Kristinsdóttir
khk@mbl.is
„Hver sem er má túlka það eins og
hann vill,“ segir Bubbi Morthens
þegar hann er spurður að því í
hvaða sjálfsmynd hann sé að vísa
með titli nýju hljóðversplötunnar
sem kemur út í dag, en hún heitir
Sjálfsmynd.
„Reyndar prýðir plötuumslagið
sjálfsmynd af mér, málverk sem ég
málaði eftir ljósmynd af mér sem
var tekin 1981. Ég hef alltaf verið að
krassa og eitthvað að lita, en núna
er ég að mála og er í læri hjá Tolla
bróður. Hann er rosagóður við mig
og það er gott að vera nálægt Tolla,
hann er svo gjafmildur. Titill plöt-
unnar er líka tilvitnun í mjög fræga
plötu sem mörgum líkaði ekki vel
við, sem Bob Dylan gaf út á áttunda
áratugnum og heitir einmitt Self
Portrait.“
Þegar Bubbi er spurður að því
hvort það sé aldrei of seint að pæla í
eigin sjálfsmynd, í ljósi þess að
hann er kominn yfir sextugt, svarar
hann með því að vísa í tvo ameríska
frasa.
„Sá fyrri hljóðar svona: „It’s ne-
ver too late to have a happy childho-
od“, sem er notað í sambandi við
okkur fólkið sem hefur verið mis-
notað sem börn. Hinn frasinn er:
„Happy House, Happy Wife“. Ég
held að maður sé sífellt að grafa,
leita og reyna að finna vinkla á sjálf-
um sér til að verða betri manneskja,
og kannski reyna að slétta úr van-
köntum sem maður burðast með.
Þessi nýja plata er ekkert endilega
að spegla þetta, því platan er mjög
fjölbreytt og fjallar um allt milli
himins og jarðar. Annars á maður
aldrei að útskýra verkin sín, ekki
frekar en að reyna að útskýra full-
nægingu fyrir fólki.“
Aldrei of seint að leita hjálpar
Samfélagsmeinið heimilisofbeldi
er eitt af því marga sem Bubbi
syngur um á nýju plötunni, það ger-
ir hann í laginu „Ástrós“ sem hefur
þegar komið út, en tvær vinsælustu
tónlistarkonur landsins, þær Bríet
og GDRN, syngja með Bubba í
laginu.
„Ég held að fólk sem beitir
ofbeldi hafi orðið fyrir ofbeldi, mikl-
um áföllum í æsku og alist upp við
mjög sjúkt heimilisástand. Fólk sem
beitir ofbeldi er mjög veikt fólk og
mjög illa statt í lífinu, en það er
hægt að hjálpa slíku fólki, til eru
færir sérfræðingar á því sviði. Lagið
„Ástrós“ hefur verið lengi á leiðinni,
ég var byrjaður að pæla í því þegar
ég ungur maður sá bíómyndina,
They Shoot Horses, Don’t They?,
með Jane Fonda í aðalhlutverki.
Seinna spilaði ég tónleika fyrir konu
sem var í fangelsi en hún hafði grip-
ið til svipaðs úrræðis og ég er að
syngja um í laginu „Ástrós“. Ég hef
sungið um ofbeldi gegn konum áður,
til dæmis í laginu „Best er bara að
þegja“, fyrir nokkrum árum,“ segir
Bubbi og bætir við að það sé aldrei
of seint að gefa út lag, og það sé
heldur aldrei of seint að leita sér
hjálpar.
„Við megum ekki gleyma því að
fólk sem beitir ofbeldi þarf hjálp og
ef þeim er hjálpað þá dregur úr
ofbeldinu.“
Útdauð dýr í eldhúsinu
Þegar Bubbi er spurður að því
hvaða leið hann fari í tónlistinni á
nýju plötunni, hvaða Bubbi komi
þar fram, sá rokkaði eða sá sem
syngur ballöður, er hann fljótur til
svars:
„Báðir. Hljóðheimurinn sver sig
að einhverju leyti í ætt við síðustu
plötuna mína, Regnbogans stræti,
en hún er kannski aðeins rokkaðri.
Ég er alltaf að fjalla um það sem
mér finnst skipta máli í mínu lífi, en
auðvitað er ég að reyna að spegla
samfélagið. Til dæmis er lag á plöt-
unni sem heitir Ertu góður? en
yngsta dóttir mín tók upp á því
mjög ung að vilja helst ekki borða
kjöt, eða lítið af því. Henni er um-
hugað um velferð dýra og hún spáir
mikið í þetta. Einhverju sinni spurði
hún mig í eldhúsinu: Pabbi, erum
við að borða útdauð dýr? Þetta varð
kveikjan að laginu, en það fjallar um
ástand plánetunnar og hvernig við
þurfum að borga fyrir allt, gjörðir
okkar og ágang á náttúruna. Kórus-
inn í laginu er: „Horfinn skógur í
eldhúsi þínu, horfinn foss í ljósaper-
unni, útdauð dýr í eldhúsinu og póli-
tísk lygi á tungunni“. Litla dóttir
mín spurði einu sinni þegar við vor-
um með fólk í mat, hvort við værum
að borða dýr sem við þekktum. Hún
er alin upp í sveit innan um dýr og
hún tengir við þetta allt, sem mér
finnst fallegt og líka umhugsunar-
vert fyrir okkur sem erum styttra á
veg komin. Þannig að það ægir öllu
saman á þessari plötu, þetta er svo-
lítið bland í poka. Ég syng mikið um
ástina og um hana Hrafnhildi mína,
en ég hef alltaf verið mjög upptek-
inn af þessu fyrirbæri, ást og kær-
leika. Mér finnst að stóri galdurinn í
velferð mannsins ætti að vera sam-
kennd, samúð, ást og kærleikur. Ef
við gætum tamið okkur þetta, þá
værum við ekki að díla við hlutina
eins og þeir eru í dag. Við erum að
verða of sein, það er stóra málið,
það er ekkert víst að barnabarna-
börnin mín komi til með að lifa góðu
lífi. Við þurfum að bregðast við
núna strax og við þurfum öll að taka
ábyrgð, líka við sem búum á Íslandi.
Við þurfum að losa okkur við
bensínbíla, hætta að nota plast,
skoða hvað við erum að borða og
svo framvegis. Hver og einn getur
tekið til hjá sér í þessum málum, en
það er því miður auðvelt að horfa
fram hjá þessu.“
Við hlökkum öll mikið til
Í tilefni af útgáfu plötunnar verð-
ur Bubbi með risatónleika í kvöld í
Eldborgarsal Hörpu ásamt hljóm-
sveit, kór og sérstökum gestum,
þeim Bríeti og GDRN.
„Ég er með rosalegt gengi með
mér, sömu hljóðfæraleikara og á
síðustu plötunni minni, Regnbogans
stræti. Það er uppselt í Eldborgar-
salinn og nú má fólk sitja hlið við
hlið, sem er dásamlegt. Enginn þarf
að svekkja sig á að það hafi selst
svona fljótt upp, því við ætlum líka
að streyma beint. Fólk getur keypt
sér aðgang á streymi og horft á tón-
leikana í beinni útsendingu. Við
leggjum rosa mikið í streymið en
umfram allt er gríðarlega gaman að
halda stærstu tónleika á Íslandi frá
því covid skrúfaði fyrir tónleikahald.
Stemningin er góð og við öll sem
komum fram hlökkum mikið til.“
Morgunblaðið/Unnur Karen
Kóngurinn Bubbi kátur á æfingu í gær ásamt hljómsveit, kór og góðum gestum, sem öll hlakka til tónleika í kvöld.
Ég er upptekinn af ást og kærleika
- Sjálfsmynd kemur út í dag, 34. hljóðsversplata Bubba - „Ég er alltaf að fjalla um það sem mér
finnst skipta máli í mínu lífi, en auðvitað er ég að reyna að spegla samfélagið“- Tónleikar í kvöld
Umslag nýju plötu Bubbi málaði
þessa mynd af sér eftir ljósmynd.
Út er komið vorhefti Skírnis, tíma-
rits Hins íslenska bókmenntafélags.
Með ritstjórn fara bókmenntafræð-
ingarnir Ásta Kristín Benedikts-
dóttir og Haukur Ingvarsson. „Í
heftinu er brugðið upp myndum af
ólíkum hliðum íslenskrar samtíma-
menningar í fjölbreyttum greinum
og ritrýndum ritgerðum. Auður Við-
arsdóttir beitir aðferðum þjóðfræð-
innar til að greina mikilvægi jaðar-
rýma í listum og horfir í því
sambandi annars vegar á femínísku
tónlistarsamtökin Stelpur rokka! og
hins vegar á upplifun íslenskra tón-
listarkvenna af tækni í tónlistar-
sköpun. Karl Ágúst Þorbergsson rit-
ar um róttæka hópa sem gerðu
tilraunir með möguleika sviðslista í
upphafi þessarar aldar og Guðrún
Lára Pétursdóttir setur sig í stell-
ingar spæjara sem rannsakar hvað
sé satt og hverju logið í skáldsög-
unni Hvítfeld eftir Kristínu Eiríks-
dóttur,“ segir í tilkynningu.
Aðalsteinn Ingólfsson fjallar um
sýningu myndlistarkonunnar
Brynju Baldursdóttur á Listasafni
Akureyrar og Ófeigur Sigurðsson
skrifar skáldlega hugleiðingu um
verk og vinnu-
brögð Sigurðar
Ámundasonar
sem er myndlist-
armaður Skírnis
að þessu sinni og
mynd eftir hann
prýðir forsíðu
heftisins. Skáld
Skírnis að þessu
sinni er Ásta Fanney Sigurðardóttir.
Þórdís Edda Jóhannesdóttir skoð-
ar hvernig japanski teiknimynda-
sagnahöfundurinn Makoto Yukim-
ura endurritar Jómsvíkinga sögu í
sagnabálkinum Vinland Saga og
Árni Einarsson greinir frá því
hvernig nota má flugsýn flygilda til
að rannsaka minjastaði úr lofti. Vil-
helm Vilhelmsson skrifar um sel-
veiðar við Húnaflóa frá upphafi
átjándu aldar til ársins 1918.
Birtur er ritdómur Halldórs Guð-
mundssonar um bókina Sögusagnir
eftir Jón Karl Helgason. Einnig er
birt smásagan „Skugggálknið“ eftir
indverska rithöfundinn Uday Pra-
kash sem María Helga Guðmunds-
dóttir þýðir úr hindí og fylgir úr
hlaði með inngangi.
Jaðarrými, rót-
tækni og flygildi
- Vorhefti Skírnis er komið út
Menningar-, íþrótta- og tómstunda-
ráð Reykjavíkur hefur samþykkt að
tólf tónleikastaðir og menningarhús
er sinna lifandi tónlistarflutningi
hljóti styrk úr Úrbótasjóði tónleika-
staða í Reykjavík. „Hæsti styrk-
urinn fer til hins rótgróna tónleika-
staðar Gauksins til að koma upp
utanáliggjandi hjólastólalyftu á hús-
næði staðarins. Tónlistarþróunar-
miðstöðin (TÞM) úti á Granda fær
tæpar 1,5 milljónir til að standsetja
tónleikastaðinn Hellinn sem leggur
áherslu á tónleika hljómsveita sem
æfa í TÞM og yngri hljómsveita.
Gamla bíó fær 1,3 milljónir til kaupa
á miðlægu hljóðstjórnarkerfi og
Mengi eina milljón til að fjárfesta í
hljóðkerfi. R6013 sem rekinn er í
kjallara húss á Ingólfsstræti og sem
þekktur er sem heimili grasrótar-
innar í Reykjavík, fær 500 þús. kr. til
kaupa á ljósabúnaði, reykvél o.fl. til
að bæta sjónræna hlið tónleikahalds-
ins. Stelpur rokka! sem reka áfengis-
lausan stað með áherslu á tónleika-
hald fyrir ungmenni fá 420 þús. kr.
styrk til að koma upp hjólastóla-
rampi við inngang staðarins og upp á
svið og Húrra sem verður opnað aft-
ur sem tónleikastaður í sumar fær
400 þús. kr. fyrir hljóðkerfi. Prikið
fær síðan 260 þús. kr. til að endur-
bæta og stækka sviðið innandyra.“
Tólf staðir
styrktir
Allt um sjávarútveg