Morgunblaðið - 16.06.2021, Blaðsíða 28

Þóra Birna Ingvarsdóttir
thorab@mbl.is
Í hefðbundnu árferði væri á þess-
um tíma haldið svokallað júbil-
antaball þar sem allir afmæl-
isárgangar eru boðaðir til
veisluhalda ásamt nýstúdentum úr
Menntaskólanum í Reykjavík.
Vegna samkomutakmarkana varð
ekkert af því en bekkur sem út-
skrifaðist af máladeild MR 1971
ákvað að taka málið í sínar hendur
og halda upp á 50 ára stúdents-
afmælið sitt með innliti í gamla
skólann og svo snæða kvöldverð
saman á veitingastað í miðbæ
Reykjavíkur.
Bekkurinn sem hittist var
kvennabekkur og mætingin var
góð. Þær skipuðu annan tveggja
bekkja á nýmálabraut en hinn
bekkurinn var einungis skipaður
strákum. Hefur þessi aðgreining-
arstefna breyst með tímanum og í
dag er einmitt leitast við að hafa
sem jöfnust kynjahlutföll í bekkj-
um ef það er mögulegt.
Guðlaug Jónsdóttir er meðal
þeirra sem stóðu að því að skipu-
leggja endurfundina. Hún segir að
hluti hópsins hafi haldið tengslum
með reglulegum hittingum í gegn-
um saumaklúbb en aðrar hafi varla
hist frá því að þær útskrifuðust.
Því var um nóg að ræða varðandi
hvað hafði á daga þeirra drifið síð-
astliðin 50 ár, eða frá því að þær
veifuðu hvítu kollunum á vorkvöldi
í miðbænum
Man vel eftir árunum í MR
„Ég man eftir því að þegar við
útskrifuðumst þá var júbilantaball
og mér fundust 50 ára stúdent-
arnir vera fólk með annan fótinn í
gröfinni, við erum nú sjötugar og
allar í fullu fjöri,“ segir Guðlaug en
bætir við að eflaust þætti tvítugu
fólki í dag þær vera eldgamlar.
Guðlaug segist muna eftir ár-
unum í MR líkt og þau hafi gerst í
gær. Góður andi hafi verið í
bekknum og skemmtilegar stelpur.
Hún minnist þess að bekkurinn
þeirra hafi stundum verið upp-
nefndur flugfreyjubekkurinn. Átti
með því að gefa í skyn að stelpur á
málabraut hefðu takmarkaðan
metnað.
Það var þó aðeins ein úr hópnum
sem gerðist flugfreyja. Margar
leiddust út í kennslustörf eða leið-
sögn. Þá eru einnig í hópnum
sjúkraþjálfarar, lífeindafræðingur
og læknir.
Konurnar útskrifuðust árið 1971
en það var stuttu eftir stúd-
entaóeirðirnar sem byrjuðu 1968
og settu svip sinn á tíðarandann og
skólalífið. Guðlaug minnist þess þó
ekki að í MR hafi borið mikið á
þessu, það hafi hins vegar verið
meira um „hippa“ í Mennta-
skólanum við Hamrahlíð. Í MR var
þó talsvert um skáld sem báru
þann titil með mismikilli rentu að
sögn Guðlaugar.
Morgunblaðið/Kristinn Magnússon
Kátar Bekkurinn sem hittist var kvennabekkur. Konurnar skipuðu annan tveggja bekkja á nýmálabraut.
Fimmtíu ára stúdínur
frá MR í fullu fjöri
- Ekkert júbilantaball í ár - Uppnefndar flugfreyjubekkurinn
Morgunblaðið/Sverrir
MR Konurnar útskrifuðust frá
Menntaskólanum í Reykjavík 1971.
MIÐVIKUDAGUR 16. JÚNÍ 167. DAGUR ÁRSINS 2021
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 739 kr.
Áskrift 7.982 kr. Helgaráskrift 4.982 kr.
PDF á mbl.is 7.077 kr. iPad-áskrift 7.077 kr.
Valsmenn sigruðu Hauka, 32:29, í fyrri úrslitaleik lið-
anna um Íslandsmeistaratitil karla í handknattleik og
fara því með þriggja marka forskot í seinni leikinn sem
fram fer á Ásvöllum á föstudagskvöldið. Þar þurfa
Haukar að vinna með minnst þriggja marka mun til að
verða Íslandsmeistarar 2021. »23
Valsmenn fara með þriggja marka
forskot í seinni úrslitaleikinn
ÍÞRÓTTIR MENNING
Jazzklúbburinn Múlinn
hefur sumardagskrá sína
í Kaldalóni Hörpu í kvöld
kl. 20, með hátíðartón-
leikum til heiðurs Jóni
Múla Árnasyni sem var
þekktur fyrir kynningar
sínar á djasstónlist í út-
varpinu auk þess að
semja ógrynni laga sem
fyrir löngu hafa skipað
stóran sess í íslenskri
þjóðarsál. Meðal þeirra
sem koma fram í kvöld og
leika lög hans eru: Agnar
Már Magnússon, Ásgeir J.
Ásgeirsson, Erik Qvick, Eyþór Gunnarsson, Haukur
Gröndal, Hilmar Jensson, Ingibjörg Elsa Turchi, Magnús
Trygvason Eliassen, Matthías M.D. Hemstock, Ólafur
Jónsson, Óskar Guðjónsson, Sara Mjöll Magnúsdóttir,
Samúel J. Samúlesson, Snorri Sigurðarson, Valdimar
Kolbeinn Sigurjónsson og Þorgrímur Jónsson.
100 ára fæðingarafmæli fagnað