Rit Landbúnaðardeildar : A-flokkur - 15.12.1951, Síða 12

II. Skýrsla Tilraunastöðvarinnar á Akureyri.
ÁRNI JÓNSSON
1. Tildrög að stofnun.
1. marz 1903 var haldið bændanámsskeið að Hólum í Hjaltadal. Kom
þar fram m. a. uppástunga frá Sigurði Sigurðssyni, skólastjóra, frá Drafla-
stöðum, síðar búnaðarmálastjóra, um að stofna félag, er ynni að gróðrar-
tilraunum á Norðurlandi. 26. s. m. bundust nokkrir áhugamenn sam-
tökum um að koma þessari félagsstofnun í framkvæmd. Var kosin undir-
búningsnelnd, er skyldi leita eftir stuðningi um Norðurland, við þessa
félagshugmynd og boða til stofnfundar þá um sumarið. I nefnd þessari
áttu sæti: Sigurður Sigurðsson, skólastjóri, Zofanías prófastur Halldórs-
son í Viðvík, jóhann bóndi Jóhannsson á Hvarfi í Eyjafjarðarsýslu, Björn
bóndi Benediktsson, Vöglum í Suður-Þingeyjarsýslu, og Baldvin búfræð-
ingur Friðlaugsson í Húsavík.
Árangur af störfum nefndarinnar varð sá, að stofnfundur var hald-
inn að Akureyri dagana 10. og 11. júní 1903. Var gengið frá stofnun
Ræktunarféiags Norðurlands síðari fundardaginn, eða 11. júní. Sigurður
Sigurðsson setti stofnfund, en Páll Briem, amtmaður, var kjörinn fundar-
stjóri. Til minningar tun þessa tvo brautryðjendur hefur verið komið
fyrir myndastyttum af þeim Sigurði og Páli, í trjágarði Ræktunarfélags-
ins í Gróðrarstöðinni á Akureyri. — Um leið og sögð eru tildrög að
stofnun Ræktunarfélags Norðurlands, er einnig sagt frá tildrögum að
stofnun tilraunastöðvarinnar, því eitt höfuðáhugamál R. N. var að stofna
tilraunastöð, sem það og gerði þegar á fyrsta sumri. Var undirbúningur
allur svo skjótur og markviss, að samtímis því, sem unnið var að þátt-
töku í stofnun félagsins, var einnig unnið að útvegun jarðnæðis, og hafði
Akureyrarbær gefið 25 dagsláttur lands undir tilraunastöð innan við
bæinn, við svokallað Naustagil. Jafnframt var allt undirbúið til að hefja
gróðrartilraunir.
Hér er ljóst dæmi þess, hversu miklu má áorka, ef beztu menn standa
einhuga saman um að hrinda góðu máli í framkvæmd, eins og hér bar
raun vitni um.