Rit Landbúnaðardeildar : A-flokkur - 15.12.1951, Side 17

15
7. Lega og lönd Tilraunastöðvarinnar.
Tilraunastöðin eða Gróðrarstöðin liggur innan lögsagnarumdæmis
Akureyrar. Hefur yfir að ráða 38 ha lands, og eru af því um 6 ha óræktað.
Sumt af hinu óræktaða landi er illræktanlegt vegna grjóts og bratta. Meiri
hluti landsins er í samfelldri spildu uppi á brekkunum suður af Nausta-
bæjum. Tvær spildur liggja niður að þjóðvegi, önnur þar sem trjágarður-
inn og íbúðarhúsið er neðan Naustagils, en hin syðri, þar sem Galta-
lækur er. Báðar spildurnar eru tengdar við meginlandið nppi á brekk-
unum. Á milli þessara tveggja spilda eru 2 býli. Háteigur utar og Litli-
Garður sunnar. Hafa þau hvort um sig nokkra landspildu. Meginhluti
landsins hallar á móti austri eða suðaustri. Jarðvegstegundir eru helztar
mýrar-, leir- og moldarjarðvegur, en enginn sandjarðvegur.
Akureyri liggur um það bil á 65,4° n. 1. breiddar og 18° v. 1. lengdar.
Hér að framan hefur aðeins verið drepið á fátt eitt í sambandi við
starfsemi R. N. í Gróðrarstöðinni á Akureyri. En nánari upplýsingar er
að finna í Ársriti Ræktunarfélagsins, er komið hefur út reglubundið
frá stofnun R. N. 1903 og hefur jöfnum höndum greint frá allri starfsemi
félagsins. Er þar því að finna allt um þetta fyrirtæki.
8. Starfsskýrsla árin 1949 og 1950.
a. Veðrið 1949.
Janúar til april: Nokkur frost voru í janúar og dálítinn snjó setti
niður, sem tók upp aftur í febrúar, er var hlýr. Héldust hlýindi fram-
eftir marz, en með apríl fór heldur að kólna. Úrkoma var alltaf lítil og
snjóalög því nær engin á láglendi og hvergi stærri skaflar. Frost var
fremur lítið í jörð, en jarðvinnsla gat þó ekki byrjað í apríl.
Mai: Maí var með afbrigðum kaldur og úrkomusamur, einkum síðari
hlutinn. Dagana 9.—13. maí gerði S og SV hláku. Þiðnuðu þá garðar, er
lágu vel við sól. 12. maí var sáð gulrófum, 17. maí byggi. Fyrstu kartöfl-
urnar voru settar 20. maí. Síðustu viku mánaðarins voru stöðugar karpa-
hríðar og mátti heita alhvítt á hverjum morgni.
Júni: Sama tíðarfar hélzt fram til 7. júní. Tók þá heldur að rofa til
og hlýna, en gróðurlaust að kalla. Var þá aftur byrjað að setja niður
kartöflur. 11. júní var byrjað að planta út káli. Veruleg hlýindi byrja
þó ekki fyrr en 18. júní, en þá bregður til sunnanáttar með hitum og
blíðviðri. Var hitinn frá 15 til 22° dagana 18. til 28. júní. Tré laufguð-
ust um 20. júní. Þaut þá gróður upp á fáum dögum, og byrjaði sláttur
30. júní. Kýr voru látnar út 20. júní.