Fréttablaðið - 27.11.2021, Blaðsíða 114

Ég gerði kökur sem eru
innblásnar af Íslandi.
odduraevar@frettabladid.is
Sæþór Kristínsson keppir til
úrslita Den store bagedyst í
kvöld. Hann segir það því-
líkan létti að geta loksins upp-
lýst að Íslendingar eigi þannig
sinn fulltrúa í úrslitum
danska bakstursraunveru-
leikaþáttarins.
Sæþór Kristínsson er kominn alla
leið í úrslitaþátt tíundu seríu bakst-
ursraunveruleikaþáttarins Den
store bagedyst sem verður sýndur
í dönsku sjónvarpi í kvöld. Hann
segir mikinn létti fylgja því að geta
loksins sagt frá þessu í samtali við
Fréttablaðið.
Þótt Sæþór hafi búið í Danmörku
síðan hann flutti þangað frá Íslandi
sjö ára gamall má með sanni segja
að þjóðin eigi sinn fulltrúa í raun-
veruleikaþættinum vinsæla sem var
tekinn upp fyrr á þessu ári.
Sæþór hefur því mátt þegja lengi
yfir leyndarmálinu um að hann hafi
komist í lokaþáttinn. „Þetta hefur
verið klikkað,“ sagði Sæþór þegar
Fréttablaðið ræddi við hann þegar
sýningar hófust í síðasta mánuði og
lét fylgja sögunni að ferlið allt hefði
verið gríðarlega krefjandi.
Litblindur á marsipan
Sæþór byrjaði að baka þegar hann
eignaðist dóttur sína sem verður
níu ára í byrjun næsta árs og þátt-
töku sína tileinkar hann minningu
móður sinnar, Kristínar Steingríms-
dóttur, sem lést úr krabbameini í
janúar.
Sæþór hefur slegið í gegn í þátt-
unum og gengið vel hingað til þótt
hann hafi á einum tímapunkti lent
í vandræðum með marsípanþraut.
„Ég er sem sagt litblindur og tapaði
þeirri keppni,“ segir Sæþór hlæjandi.
„Þau sögðu að litirnir væru
ekki réttir í grundvallaratriðum,“
útskýrir Sæþór sem segist ekki hafa
látið þetta stoppa sig. „Alls ekki. Ég
hef verið litblindur allt mitt líf og
frekar vanur slíku og tók þessu bara
af stóískri ró.“
Gott að geta sagt frá
Úrslitin voru tekin upp í sumar og
Sæþór gefur vitaskuld ekkert upp
um úrslitin sem verða ljós á morg-
un. „En það er gríðarlega huggu-
legt að geta loksins sagt fólki að ég
hafi komist alla leið í úrslitin,“ segir
Sæþór léttur.
Þátturinn er meðal vinsælustu
þátta Danmerkur og Sæþór hefur
fengið mikla athygli. „Fólk er farið
að þekkja mig úti á götu og það hefur
stundum jafnvel heilsað mér og er
mjög almennilegt.“ Þá hefur Sæþór
haft nóg að gera á samfélagsmiðlum
og fylgjendafjöldinn hefur, eðlilega,
rokið upp úr öllu valdi.
Bakað úr íslenskum rótum
„Ég gerði kökur sem eru innblásnar
af Íslandi,“ segir Sæþór um útspil sitt
í lokaþættinum en þar mun hann
heiðra íslenskar rætur sínar og Egils
Malt og Nóa Kropp koma við sögu
svo fátt eitt sé nefnt.
Þá ætla systur hans að koma í
heimsókn í kvöld og horfa á útsend-
inguna með honum auk þess sem
hann hyggst baka alveg eins kökur
fyrir þær og hann tef lir fram í
úrslitaþættinum á skjánum.n
Sæþór notar Nóa Kropp
og Malt í úrslitabakstrinum
Sæþór hefur átt mjög góðu gengi að fagna í þættinum auk þess sem andinn
milli keppenda má heita býsna góður miðað við raunveruleikasjónvarp.
Sæþór Kristínsson ætlar að taka íslenskan snúning á baksturinn í úrslitakeppninni sem verður sjónvarpað í Dan-
mörku í kvöld þannig að úrslit ættu að liggja fyrir upp úr klukkan 20 að íslenskum tíma. MYND/AÐSEND
B
ra
n
d
e
n
b
u
rg
|
s
ía
ALLAR PIZZUR AF MATSEÐLI Á 1.690 KR. EF ÞÚ SÆKIR
74 Lífið 27. nóvember 2021 LAUGARDAGURFRÉTTABLAÐIÐ