Heilsuvernd - 01.12.1955, Side 25
HEILSUVERND
109
þess dregur úr lífsorkunni og veldur því, að algengir sýkl-
ar verða henni yfirsterkari. Þannig hefur berklaveiki orð-
ið ólæknanleg, ef menn neyta saltaðrar fæðu, ekki sízt
saltkjöts. Gerson læknir hefur sannað þetta. Honum hafa
reynzt berklar ólæknandi á meðan saltaðrar fæðu er neytt.
Hann hefur einnig nýlega kveðið upp sinn dóm um krabba-
meinið, og telur það umfram allt manneldissjúkdóm, og
varar sérstaklega við því, að saltneyzla geti átt allmikinn
þátt í myndum þess og vexti. Og að svipaðri niðurstöðu
hefur frú Nolfi læknir komizt, en henni hefur í ýmsum
tilfellum tekizt að halda myndun krabbameins í skefjum
eða lækna það að fullu.
Fátt er þó svo með öifu iilt, að ekki boði nokkuð gott.
Saltkjöt getur í bili komið í veg fyrir hitaslag, ef menn
hafa svitnað geysilega, en ekki gætt þess að drekka nægi-
lega mikið vatn. En samt eru þetta eiturverkanir, sem bezt
er að vera laus við, og drekka heldur meira af vatninu.
FRÁ N. L. F. ÍSAFJARÐAR.
Haldnir hafa verið 3 fundir á árinu. Á tveimur þeirra var
lesið upp úr ritum N.L.F.Í., en sá þriðji var fundur með te-
drykkju og átti að vera aðalfundur, en var frestað sem slíkum,
og þar flutti Jónas Kristjánsson læknir mjög gott erindi
fyrir okkur. í febrúar héldum við bazar til fjáröfiunar fyrir
kornmyllu félagsins, sem er rekin með halla. Inn komu 3.500,00
kr. Félagsmönnum var útvegaður ýmislegur heilsuvarningur, svo
sem Sana Sol, laukpillur o. fl. þ. h., einnig ávextir nýir og þurrk-
aðir. Vöruvelta félagsins í ár er 43.240.33, og hefur Guðmundína
Helgadóttir, formaður deldarinnar, annast þessa sölu. Félagatala
er 135 félagar.