Heilsuvernd - 01.12.1955, Síða 37

HEILSUVERND
Jónas Kristjánsson:
Svör við spurningum frá K.S.
1. spurning: Er kartöflu og grænmetissoð, sem staðið
hefur yfir nótt, jafn auðugt að bætiefnum og nýtt soð?
Svar: Um bætiefni í öllu mikið soðnu er efasamt. Og
alltaf er hætt við efnabreytingum í því, sem stendur yfir
nótt eða lengur, og eru þær þá frekar til skemmdar. Hið dýr-
mætasta við allt seyði eru hins vegar næringarsöltin. En
einnig á þeim geta orðið breytingar til hins lakara við
geymslu. Þó síður, ef geymt er á köldum stað.
2. spurning: Er hið fljótandi, glæra hunang, sem selt er
í matvöruverzlunum ékta hunang? Á það ekki að vera
matt og hægt að skafa það upp úr krukkunni eins og það
hunang, sem selt er í lyfjabúðum?
Svar: Náttúrlegt hunang er tíðast fljótandi og glært.
Það hunang, sem selt er í verzlunarbúðum er einatt bland-
að sýkri. Að vísu á að vera eftirlit með þessu, en verð-
munur á sykri og hunangi er mikill, svo að gróðafreistingin
verður oft yfirsterkari, enda þótt til séu vandaðir hun-
angsframleiðendur. I lyfjabúðum mun hunangið vera því
sem næst óblandað.
3. spurning: Mun það nokkuð hafa verið efnagreint, hve
lengi þurrkuð fjallagrös halda gildi sínu — 1 ár, 5 ár
eða lengur?
Svar: Ég hygg að þetta hafi ekki verið sannprófað. En
ég heyrði í æsku, að geyma þyrfti grösin á rakalausum
stað, og að þau spilltust við lengri geymslu en í eitt ár.