Heilsuvernd - 01.11.1958, Blaðsíða 32

HEILSUVERND
Aí hverju fæðast börn vansköpuð?
Fyrir réttum 9 árum var hér í ritinu (í 3. hefti 1949)
sagt frá athugun, sem gerð var í fæðingarstofnun í Toronto
í Kanada, til þess að rannsaka, hvaða áhrif mataræði
kvenna um meðgöngutímann hefir á móðurina og bamið.
Rannsóknin náði yfir 380 konur, og af þeim fengu 90 ó-
keypis ríflegan skammt af ýmsum heilsuverndandi fæðuteg-
undum, auk ýmissa gagnlegra Ieiðbeininga, síðari hluta
meðgöngutímans; 120 konum var ekki látin nein aðstoð í
té, en 170 konum, sem voru taldar vel stæðar — hinar
voru efnalitlar — voru veittar leiðbeiningar um mataræði
og fleira, en engin fæðuuppbót. Konurnar voru valdar af
handahófi.
Áhrifin voru næsta eftirtekarverð. Fósturlát, fæðingar
fyrir tímann, andvana fæðingar og vanskapanir voru marg-
falt tíðari hjá þeim konum, sem enga aðstoð fengu en hjá
hinum, og fæðingin stóð yfir að meðaltali 5 klukkustund-
um lengur. Konurnar, sem aðstoð fengu, mjólkuðu lengur,
og börn þeirra voru hraustari fyrstu 6 mánuðina, en lengur
var ekki fylgzt með þeim. Það er ennfremur athyglisvert,
að börn þeirra nýfædd voru um 100 gr léttari en börn
hinna.
Vanskapanir af ýmsu tagi eru æði algengar, að því er
sumir telja hjá um 7% allra lifandi fæddra barna. Sem
betur fer eru margar þeirra meinlausar eða tiltölulega
auðvelt að ráða bót á þeim,, svo sem snúnir fætur, auka-
fingur eða tær, skarð í vör o. fl. Aðrar eru alvarlegri,
svo sem vanskapanir á hjarta og taugakerfi. Stundum er
vansköpun á svo háu stigi, að barnið fæðist andvana. T.
d. getur heilann vantað með öllu. Ein tegund vansköpunar
er samvaxnir tvíburar.
Mikið hafa menn hugsað og rætt um orsakir vanskapana,