Strandapósturinn - 01.06.1998, Qupperneq 62

ir að úr þessu yrði ekki aftur snúið og tilhlökkunin um að bera
nýtt líf í heiminn hefur vafalaust verið mikil og draumar foreldr-
anna ungu stórir. Nýtt líf sem átti að bera birtu og yl inn í bað-
stofuna í Hraundal var kviknað. Eflaust hafa þau baft áhyggjur
af því hvernig meðganga og fæðing frumburðarins myndi
ganga, en þau voru bæði ung og hraust og barnsburðir í heima-
húsum daglegt brauð. Ljósmæður þeirra tíma kunnu sitt fag og
stutt var í lækninn, Sigvalda Kaldalóns, sem sat á Armúla.
Ekki er annað vitað en tíðarfar hafi verið með skaplegum
hætti 1915. Fólk hefur gengið til starfa sinna við heyannir og
önnur þau verk sem vinna þurfti, því allt var undir því komið að
menn gætu búið sig svo undir veturinn, að ekki yrði skortur í
búi. Svo virðist að veturinn 1916 hafi verið með harðasta móti.
Að minnsta kosti gerði mikið stórviðri í marslok sem stóð marga
daga. En veturinn leið eins og aðrir, það kom vor og það kom
sumar.
Hjá fólkinu í Hraundal hefur þetta sumar verið öðruvísi en öll
önnur. Þetta var annað sumarið sem Pétur var sinn eigin hús-
bóndi. Nú bar hann ábyrgð á heimilinu og heimilisfólkinu, það
var hans að sjá um að allir hefðu nóg. Og svo var fjölgunar von.
Sumarið leið, haustið gekk í garð og vetur lagðist að. Færð
spilltist og lítið var hægt að komast nema gangandi. Ekki er vit-
að hvenær ljósmóðirin kom í Hraundal, en 7. nóvember var
stundin komin. I fyrstu var ekki annað að sjá en allt væri eðlilegt.
Sveinbarn var að fæðast, en þá uppgötvar ljósmóðirin að nafla-
strengurinn er vafinn um hálsinn á barninu og hér er komin
staða sem hún ræður ekki við. Hvort læknir var sóttur er ekki vit-
að, þó er það líklegt, alla vega úrskurðar hann barnið látið.
Lítið barnslík í fátæklegri baðstofu. Við tekur sorgin, von-
brigði og kannski beiskja. Nú fékk Pétur að ganga sín þyngstu
spor frarn að þessu. Taka þurfti til efni og smíða litla líkkistn til
þess að hægt sé að færa drauminn til grafar að Melgraseyri. Ann-
að hlutskipti hafði sveininum verið ætlað.
Áiið 1917 virðist hafa verið stóráfallalítið hvað tíðarfar varðar,
en heimsstyijöldin var farin að setja svip sinn á allt mannlíf á Is-
landi. Vöruskortur var og gífurlega hátt verðlag, þannig að svarf
að mörgu alþýðuheimilinu. I Hraundal hefur eldiviðarskortur-
60