Syrpa - 01.04.1947, Blaðsíða 15

GUÐMUNDUR EINARSSON frá Miðdal:
LEIÐARLÝSING
Hver, sem lifir samkvæmt málshættinum: „Á
veltandi steini vex ekki mosi“, hann athugi, að
óskasteina er ekki að finna á öskuhaugum. Sömu-
leiðis, að töfralampar liggja ekki á götunni nú
eins og á dögum Aladdíns.
Leitið heldur til fjallanna, víðáttunnar, um
órafjarlægðir út í blámóðu sjóndeildarhringsins.
Þegar öngþveiti, efnishyggja og þvæla æsi-
fregna steðjar að fólkinu, þá hrópar það liástöf-
um: Hvernig eigum við að lifa? Hvert að fara?
Ég segi ykkur, sem eruð í tímaþröng og finnið
ekki yndi lífsins: Það er frekar liamingju að finna
við rætur fjallanna innan um burknastóð og
hvannarætur heldur en í bílaþvargi og jazzglamri.
Þið haldið ef til vill, að veggir óskapnaðarins
séu að lnynja yfir ykkur? Þá dugar ekki að forða
sér í dyragættina eða draga belg á höfuð sér. Þess
er ekki heldur þörf, því enn eigum við friðland,
þar sem reginöfl náttúrunnar eru einvöld, há-
fjöll og jöklar.
Nú fara sólarmánuðir í hönd. Ég ráðlegg öll-
um að búa sig í tæka tíð, taka hendur úr vösum,
atlmga kortið og velja leiðir og áfanga fyrir sum-
arleyfið. Ef einhver hefði gaman af stuttri leiðar-
lýsingu fyrir sumarferð sína, þá vil ég segja frá
fegurstu fjallaleið, sem ég þekki, sernja í fám
orðum litla ferðalýsingu fyrir fólk það, sem ferð-
ast vill aðallega á hestum. Það er hægt að fara tvo
þriðju af leið þessari í bíl, en eftir þrjátíu ára
reynslu vil ég álykta, að það muni ekki veita
handa þeim,
sem ferðast vilja
um óbyggðir
hálfa ánægju. Duglegir göngugarpar, sem treysta
sér til að ganga langar dagleiðir, geta hæglega
farið þessa leið, því fimm sæluhús eru á leiðinni.
Við leggjum af stað frá Geysi árla morguns,
förum sem leið liggur til Gullfoss og skoðum
hann baðaðan birtu morgunsólar. Hvítárvatns-
veg höldum við svo inn í Sultarkrika við Svartá.
Frá vaðinu á ánni liggur glöggur vegur upp með
ánni að norðanverðu. Vegur þessi liggur að sælu-
húsi Ferðafélagsins undir Einifel li við Hagavatn.
Það borgar sig, — einnig fyrir gangandi mann —
að halda veginum, því að annars er erfitt að finna
húsið. Þetta er hæfileg dagleið fyrir ríðandi fólk,
löng dagleið fótgangandi fyrsta daginn. En bíl-
fært er þangað í fyrsta lagi um miðjan júlí.
Við Hagavatn er undrafagurt og hrikalegt.
Vaknið snemma næsta morgun og gangið upp
með ánni, sem fellur úr Hagavatni, alveg upp á
fjallið þar til þið sjáið vatnið. Þá opnast dýrðleg-
ur fjallahringur: Til hægri handar Jarlshettur, —
hinn stílhreini fjallgarður, — framundan Lang-
jökull og Hagavatn, til vinstri Hlöðufell, Skriðan
og öll Laugardalsfjöll. Það er gott dagsverk að
skoða umhverfið og hæfilegt er að dvelja í skál-
SYRPA
93