Morgunblaðið - 12.08.2021, Side 51

Forsætisráðherra stýrir og samhæfir störf ríkisstjórnarinnar, er helsti málsvari hennar og ber höfuðábyrgð á því að
stjórnarsáttmálinn sé innleiddur. Forsætisráðuneytið hefur það kjarnaverkefni að styðja við þetta hlutverk ráðherra og
að tryggja að starfsemi ríkisstjórnar sé í samræmi við stjórnarskrá og lög.
Skrifstofa stefnumála vinnur í umboði forsætisáðherra að stefnumótun og framgangi stefnumála ríkisstjórnarinnar með
því að vinna að samhæfingu mála innan Stjórnarráðsins og utan, auka yfirsýn og forystu forsætisráðuneytisins og tryggja
vandaðan undirbúning mála fyrir ráðherra og ríkisstjórn. Skrifstofan fylgist með framfylgd stjórnarsáttmála og með stöðu
og þróun þjóðhagsmála, sjálfbærni og almennri hagstjórn, ásamt því að veita forystu stórum lykilverkefnum sem ráðherra
og ríkisstjórn setja af stað.
Skrifstofustjóri stýrir skrifstofunni og leiðir teymi starfsmanna sem hefur með höndum það hlutverk sem fram kemur hér að
framan og starfar undir stjórn ráðuneytisstjóra. Verkefnin breytast eftir áherslum ráðherra og ríkisstjórnar á hverjum tíma.
Skrifstofustjóri á skrifstofu
stefnumála í forsætisráðuneytinu
Forsætisráðuneytið auglýsir laust til umsóknar embætti
skrifstofustjóra á skrifstofu stefnumála.
Forsætisráðuneytið leitar að framsæknum og reyndum stjórnanda sem vill taka þátt í krefjandi
og fjölbreyttum verkefnum í hringiðu þjóðmálanna og leiða skrifstofu stefnumála í ráðuneytinu.
Leitað er að einstaklingi sem býr yfir:
• Háskólagráðu sem nýtist í starfi
• Þekkingu á stefnumótun og áætlanagerð
• Metnaði, framsýni og lausnamiðuðu hugarfari
• Farsælli reynslu af miðlun upplýsinga
• Góðri tungumálakunnáttu í ræðu og riti (íslensku, ensku og einu Norðurlandamáli)
• Yfirburðafærni í mannlegum samskiptum, frumkvæði ásamt vilja og getu til að vinna að
stefnumálum ríkisstjórnar hverju sinni
• Árangursríkri reynslu af almennri stjórnun og getu til að mynda öfluga liðsheild
• Farsælli reynslu af því að leiða verkefni til árangurs, þar á meðal stór lykilverkefni
• Reynsla af starfi innan opinberrar stjórnsýslu er kostur
Forsætisráðherra skipar í embættið til fimm ára. Þriggja manna hæfnisnefnd, skipuð af
forsætisráðherra, metur hæfni umsækjenda og skilar greinargerð til ráðherra, sbr. reglur
nr. 393/2012 um ráðgefandi nefndir er meta hæfni umsækjanda um embætti við Stjórnarráð
Íslands. Laun eru samkvæmt gildandi kjarasamningi fjármála- og efnahagsráðherra við Félag
háskólamenntaðra starfsmanna Stjórnarráðsins.
Umsóknarfrestur er til og með föstudegi 20. ágúst nk. Umsókninni skal fylgja starfsferilskrá
ásamt fylgigögnum um menntun og árangur í starfi og kynningarbréfi þar sem tilgreind er
ástæða umsóknar. Umsóknir gilda í sex mánuði frá því að umsóknarfrestur rennur út, sbr.
reglur um auglýsingar lausra starfa nr. 1000/2019. Fólk af öllum kynjum er hvatt til að sækja um.
Umsóknir þar sem óskað er nafnleyndar verða ekki teknar til greina. Öllum umsóknum verður
svarað þegar ákvörðun um ráðningu liggur fyrir.
Sótt er um starfið á Starfatorgi
Nánari upplýsingar veitir Bryndís Hlöðversdóttir,
ráðuneytisstjóri í forsætisráðuneytinu;
bryndis.hlodversdottir@for.is
200 mílur