Morgunblaðið - 12.08.2021, Side 70

70 MENNING
MORGUNBLAÐIÐ FIMMTUDAGUR 12. ÁGÚST 2021
Tveir listamenn sem verk eiga á
sýningunni Iðavöllur í Listasafni
Reykjavíkur í Hafnarhúsi, Elín
Hansdóttir og Hildigunnur Birg-
isdóttir, veita leiðsögn um sýn-
inguna í kvöld kl. 20 og er nauðsyn-
legt að skrá sig í leiðsögnina á vef
safnsins. Í sýningunni koma saman
fjórtán listamenn sem hafa um-
breytt Hafnarhúsinu með verkum
sínum og þeirri grósku sem ein-
kennir íslenska myndlistarsenu,
eins og segir í tilkynningu og að líta
megi á þá sem leiðandi afl sinnar
kynslóðar.
Gengið er inn í
safnið um bak-
dyrnar í portinu,
milli Hafnarhúss
og Tollhúss,
vegna fram-
kvæmda við safn-
ið. Aðgöngumiði
á safnið gildir í
leiðsögnina og
frítt er fyrir handhafa Árskorts
Listasafns Reykjavíkur og Menn-
ingarkorts Reykjavíkur.
Elín og Hildigunnur veita leiðsögn
Elín Hansdóttir
Ars longa, nýstofnuðu alþjóðlegu
samtímalistasafni sem er til húsa á
Djúpavogi, hefur borist listaverka-
gjöf 27 verka eftir listamanninn Sig-
urð Guðmundsson og má sjá öll
verkin á sýningu hans, Alheimurinn
er ljóð, sem nú stendur yfir í
Bræðslunni á Djúpavogi og lýkur 15.
ágúst.
Verkin sem tilheyra listaverka-
gjöf Sigurðar spanna meira en 50
ára tímabil af ferli hans, að því er
fram kemur í tilkynningu, og segir
þar að samanlagt verðmat verkanna
sé rúmar 125 milljónir króna, rúm-
lega milljón bandaríkjadala. „Ars
longa samtímalistasafn hefur því
eignast stærstu safneign af verkum
Sigurðar á landsvísu og mörg þeirra
talin lykilverk í ferli listamannsins,“
segir í tilkynningunni og að aðeins
Stedelijk Museum í Amsterdam eigi
stærri safneign verka hans, 57 verk.
Sigurður er stofnandi hins nýja
safns ásamt Þór Vigfússyni og seg-
ist hann vona að innan fárra ára
verði þessi safneign orðin lítil innan
um ný aðföng af listaverkum eftir
samtímalistamenn, jafnt erlenda
sem íslenska. Listaverkagjöfin verð-
ur flutt að lokinni sýningu í ný húsa-
kynni Ars longa sem verða við vog-
inn á Djúpavogi, að því er fram
kemur í tilkynningunni. Segir þar
einnig að markmiðið með stofnun
safns fyrir alþjóðlega myndlist á
Djúpavogi sé að safna og varðveita
listaverkaeign eftir íslenska og al-
þjóðlega listamenn, vera leiðandi
vettvangur alþjóðlegrar samtíma-
listar á Íslandi og efla tengsl og
samvinnu við listamenn og aðra fag-
aðila á alþjóðavísu með metnaðar-
fullu sýningarhaldi.
„Sjálfstætt safn fyrir alþjóðlega
samtímalist á Djúpavogi á sér ekki
hliðstæðu hér á landi. Listin er
tengivagn við hinn stóra heim með
öflugri og metnaðarfullri starfsemi
sem ætlað er að endurspegla
strauma og stefnur samtímalist-
arinnar,“ segir þar og að safnið muni
styðja við frjóan jarðveg grasrótar
listamanna samhliða sýningum á
verkum þekktari listamanna víðs-
vegar að. Sérkenni staðarins munu
vera einkennandi í allri starfsemi
safnsins og áhersla lögð á safnið sem
áfangastað í alþjóðlegu samhengi.
Lagt er upp með að viðburðir og
sýningarhald hefjist sumarið 2022 í
nýjum húsakynnum Ars longa við
voginn á Djúpavogi.
Sýning Sigurðar, Alheimurinn er
ljóð, samanstendur af ólíkum verk-
um frá árunum 1969-2021 og hefur
ferill hans verið fjölbreyttur og
miðlarnir ólíkir en ljóðrænn tónn
einkennt verk hans alla tíð. Sigurður
hefur einnig einnig samið tónverk,
ljóð og gefið út fjórar skáldsögur.
Segir í tilkynningu að sýningin sé
rökrétt framhald af síðustu útgáfu
Sigurðar, bókinni Ljóð og Ljóð, sem
kom út í fyrra og er safn af ljóðum
listamannsins.
Ars longa fær 27 verk
eftir Sigurð að gjöf
- Samanlagt verðmat er rúmar 125 milljónir króna
Earthquake Verk eftir Sigurð frá 1969, eitt þeirra sem sjá má á sýningunni
á Djúpavogi sem lýkur 15. ágúst. Ljósmynd birt með leyfi listamannsins.
Virtur Sigurður Guðmundsson.
Eins og greint var frá í Morgun-
blaðinu í vikunni stendur til að
heiðra bandaríska leikarann
Johnny Depp fyrir framlag sitt til
kvikmyndalistarinnar á alþjóðlegu
kvikmyndahátíðinni í San Sebasti-
án í september. Nú hafa spænsk
samtök kvenna í kvikmyndagerð
mótmælt þeirri ákvörðun stjórnar
hátíðarinnar og segja þau senda
skelfileg skilaboð og koma óorði á
hátíðina. Cristina Andreu, formað-
ur samtakanna, segist afar hissa á
því að veita eigi Depp Donostia-
verðlaunin fyrir ævistarfið en verð-
launin þykja þau merkustu sem
veitt eru á hátíðinni. Ástæða mót-
mælanna eru ásakanir á hendur
Depp um að hafa beitt fyrrverandi
eiginkonu sína, Amber Heard, of-
beldi. Andreu segir í samtali við
AP-fréttastofuna að ákvörðunin
sendi þau skilaboð að góðir leikarar
megi vera ofbeldismenn. Segir hún
samtökin sem hún fer fyrir nú vera
að íhuga frekari mótmælaaðgerðir.
Til stendur að heiðra Depp einnig á
kvikmyndahátíðinni í Karlovy Vary
í Tékklandi nú í ágúst.
Umdeildur Leikarinn Johnny Depp.
Mótmæla heiðursverðlaunum Depps
S
aksóknarinn Jana Berzelius
er er engin venjuleg kona.
Sex spennubækur um hana
á íslensku hafa komið út
eins og á færibandi undanfarin ár,
en þótt hún sé töffari og margra
manna maki kemur orðið fátt á
óvart. Níu líf er vissulega spennandi
og ágætisafþreying en
taumlaust ofbeldið missir
marks, þótt rómantíkin
vegi að hluta til upp á
móti viðbjóðnum.
Mikið hefur verið rætt
og ritað um erlendar
glæpaklíkur í Svíþjóð og
þær eru yrkisefni höfund-
ar að þessu sinni. Emelie
Schepp veitir innsýn í
þennan hrottalega heim
en um leið vekur hún athygli á því
að hanskar eru ekki sama og silki-
hanskar, Jón er ekki sama og séra
Jón.
Togstreita og laumuspil eru líka
einkenni þessarar sögu. Rannsókn-
arhópur lögreglunnar verður æ
sundurleitari og mikið er gert úr
vandamálum einstaklinga, sem
hann skipa. Mia Bolander og Hen-
rik Levin eiga til dæmis í ákveðnum
tilvistarvanda, taka á honum með
misjöfnum hætti og uppskera sam-
kvæmt því.
Níu líf er beint framhald af
Meistara Jakobi, sem kom út fyrr í
sumar. Sem fyrr er Jana í aðal-
hlutverki, en rétt eins og Danilo
Peña burðast hún með fortíð sem
þolir ekki dagsljósið. Samband
þeirra er verra en hægt er að hugsa
sér en þrátt fyrir að bæði eigi sér
aðeins einn draum í tengslum við
hvort annað og fái ótal tækifæri til
þess að láta hann rætast
reynist þeim erfitt að setja
punktinn yfir i-ið. Það virkar
ósannfærandi rétt eins og
samskipti þeirra við Karl
Berzelius.
Jana hefur komist upp
með ýmislegt og ávallt
sloppið með skrekkinn. Stöð-
ugt þrengist samt að henni
og varla kann góðri lukku að
stýra að óþekkt afl hafi
framtíð hennar í höndum sér. For-
tíðin verður ekki umflúin og það
hefur engum reynst vel að geta ekki
um frjálst höfuð strokið.
Ofbeldisfull „[T]aumlaust ofbeldið missir marks, þótt rómantíkin vegi að
hluta til upp á móti viðbjóðnum,“ segir m.a. um Níu líf Emelie Schepp.
Á flótta undan
fortíðinni
Glæpasaga
Níu líf bbbmn
Eftir Emelie Schepp.
Sigurður Þór Salvarsson þýddi.
Kilja. 382 bls. MTH, 2021.
STEINÞÓR
GUÐBJARTSSON
BÆKUR