Morgunblaðið - 16.09.2021, Síða 22

22 FRÉTTIR
Innlent
MORGUNBLAÐIÐ FIMMTUDAGUR 16. SEPTEMBER 2021
Fagfólk STOÐAR veitir nánari
upplýsingar og ráðgjöf.
Tímapantanir í síma 565 2885
Slitgigtarspelkur
fyrir hné
Trönuhrauni 8, Hafnarfirði, stod.is
Höskuldur Daði Magnússon
hdm@mbl.is
Þó svo að Októberfest í Bæjaralandi
hafi verið aflýst annað árið í röð eru
margir sem vilja fagna þessari alda-
gömlu bjórhátíð með viðeigandi
hætti. Í dag hefst sölutímabíl októ-
berfestbjórs í Vínbúðunum og hefur
bjóráhugafólk úr nægu að velja þar.
Upphaf Októberfest er rakið til
ársins 1810 en þá gengu Lúðvík,
krónprins af Bavaríu, og Teresa af
Sachsen-Hildburghausen í hjóna-
band. Í venjulegu árferði sækja um
6,5 milljónir manna Októberfest í
Bæjaralandi og innbyrða um sjö
milljón lítra af bjór á þeim 16-18 dög-
um sem hátíðin stendur ár hvert. Hér
á landi hefur Stúdentaráð HÍ staðið
fyrir Októberfest en hátíðinni var af-
lýst í fyrra vegna kórónuveirunnar og
sama er upp á teningnum í ár.
Fyrsti íslenski októberfestbjórinn
kom á markað fyrir 11 árum og síðan
hefur smám saman aukist til muna
framboð á slíkum bjór hér. Þetta árið
getur fólk valið úr 21 bjórtegund í
Vínbúðunum og hafa þær aldrei verið
fleiri. Þar af eru 16 tegundir íslenskar
en fimm erlendar, til að mynda hinir
þýsku Paulaner, Erdinger og Wei-
henstephaner. Íslensku brugghúsin
sem senda frá sér októberfestbjór nú
eru Ölverk, Austri, Ölvisholt, Lady
Brewery, Böl, Og Natura, Gæðingur,
Ægir, The Brothers Brewery, Steðji,
Álfur, Segull 67 og Borg brugghús.
Bjórinn verður á boðstólum út októ-
ber.
21 tegund af októ-
berfestbjór í boði
Reuters
Hátíð Margir skemmta sér á Októ-
berfest en hátíðinni var aflýst í ár.
- Hátíðahöldum aflýst annað árið í röð
Höskuldur Daði Magnússon
hdm@mbl.is
„Við reiknum með að fyrsti fundur
verði mjög fljótlega. Þá getum við
sett upp tímalínu og metið þessi
verkefni sem bíða okkar,“ segir
Hrefna Jóhannesdóttir, oddviti í
Akrahreppi.
Ákveðið hefur verið að ráðast í
formlegar viðræður um sameiningu
Sveitarfélagsins Skagafjarðar og
Akrahrepps. Skipuð hefur verið
samstarfsnefnd með fulltrúum sveit-
arfélaganna sem skila á áliti sínu í
nóvember. Gangi það eftir er lagt
upp með að kynning tillögu að sam-
einingu hefjist í desember og íbúar
kjósi um sameiningu í janúar á
næsta ári.
Óformlegar viðræður fóru fram
milli sveitarfélaganna í sumar og RR
ráðgjöf, sem hefur sérhæft sig á sviði
sameiningar sveitarfélaga, vann
greiningarvinnu. Þegar sú greining-
arvinna lá fyrir var boðað til íbúa-
funda og á þeim báðum lýstu íbúar
sig fylgjandi því að hefja formlegar
viðræður.
„Það hafa verið skiptar skoðanir í
sveitarfélaginu mjög lengi um sam-
einingu. Það verður bara að koma í
ljós á næstu vikum og mánuðum
hvernig þetta fer. Of snemmt er að
segja til um það núna og ég ætla ekki
að gera sveitungum mínum upp
skoðanir,“ segir Hrefna. Hún segir
þó aðspurð hafa heyrt bæði jákvæð-
ar og neikvæðar raddir.
„Bæði. Það er fólk sem er á því að
alls ekki eigi að sameinast og finnst
við vera sveitarfélag sem geti borið
höfuðið hátt og sinnt okkar skyldum.
Öðrum finnst sameining löngu tíma-
bær þar eð erum þegar að vinna allt
saman.“ Hún kveðst ekki hafa
áhyggjur af því að of stuttur tími sé
ætlaður í sameiningarviðræður.
„Nei, við erum þegar að vinna margt
sameiginlega og höfum góða yfirsýn
yfir stöðuna. Nú þurfum frekar að
meta hvernig við getum styrkt þetta
samfélag, styrkt stöðu okkur. Við
setjum fókusinn á það frekar en að
þurfa að leysa úr praktískum verk-
efnum.“
Fara nú í dýpri greiningu
Sigfús Ingi Sigfússon, sveitar-
stjóri í Sveitarfélaginu Skagafirði,
segir í samtali við Morgunblaðið að
þegar samstarfsnefndin komi saman
verði farið í dýpri greiningu á stöðu
mála. „Það liggur fyrir ákveðin
greining eftir forkönnun og íbúa-
fundi. Nú munum við halda áfram að
vinna þetta og meta tækifæri, kosti
og galla.“
Hann getur þess að Akrahreppur
sé með þjónustusamning við Sveitar-
félagið Skagafjörð og samstarf sveit-
arfélaganna sé mjög náið. „Það er
því ekki mikið flækjustig,“ segir Sig-
fús Ingi sem kveðst ekki gera sér
grein fyrir því hvort almennur vilji
sé fyrir sameiningu. „En það er um
að gera að láta á þetta reyna.“
Formlegar
viðræður um
sameiningu
- Samstarfsnefndir skipaðar í Skaga-
firði - Skiptar skoðanir í Akrahreppi
Hrefna
Jóhannesdóttir
Sigfús Ingi
Sigfússon
Höskuldur Daði Magnússon
hdm@mbl.is
„Þetta voru algjörlega frábær tíð-
indi,“ segir Gunnar Karl Gíslason,
veitingamaður á Dill, en staðurinn
hlaut í vikunni Michelin-stjörnu,
annað árið í röð.
Nýr listi Michelin yfir þá veit-
ingastaði sem þykja skara fram úr á
Norðurlöndum var kynntur í tónlist-
arhúsinu í Stafangri og fimm ís-
lenskir staðir komast á listann þetta
árið. Dill er eini íslenski staðurinn
sem hlýtur Michelin-stjörnu en fjór-
ir staðir hljóta sérstök meðmæli.
Þeir eru Matur og drykkur, Moss og
systurstaðirnir Óx og Sumac.
Dill var fyrsti veitingastaðurinn á
Íslandi sem hlaut Michelin-stjörnu.
Það var árið 2017 en staðurinn
missti svo stjörnuna árið 2019. Þá
sneri Gunnar Karl aftur úr útlegð í
New York og einsetti sér að endur-
heimta stjörnuna. Það tókst í fyrra
og nú heldur Dill stjörnunni eftir-
sóttu.
„Þetta er ótrúlega sætt eftir þetta
erfiða ár sem allir eru búnir að fara í
gegnum. Ekki bara fyrir mig, þetta
er búið að vera erfitt ár fyrir alla í
veitingageiranum með allskonar lög-
um, reglum og takmörkunum,“ segir
Gunnar.
Hann segir aðspurður að þrátt
fyrir erfiðleika vegna kórónuveir-
unnar hafi starfsfólk Dill alltaf
stefnt á að tryggja sér stjörnuna.
„Ég átti alveg eins von á þessu enda
er þetta í samræmi við þau markmið
sem við setjum okkur. Sem betur fer
náðum við þessu markmiði. En haf-
andi sagt það hefur þetta verið svo
stórundarlegt ár að það myndi ekk-
ert koma manni á óvart.“
Gunnar hrósar starfsfólki veit-
ingahússins og segir það hafa sýnt
mikla þrautseigju á erfiðum tímum.
„Það á allt hrós skilið. Þrátt fyrir allt
þetta Covid-dæmi voru allir fókuser-
aðir og við pössuðum alltaf upp á
hlutina. Það var allt gert upp á tíu.
Við lokuðum heldur aldrei staðnum
þó við hefðum skertan afgreiðslu-
tíma eins og aðrir. Menn mættu og
gerðu alltaf sitt besta.“
Gunnar tekur undir þá fullyrðingu
að við Íslendingar megum ágætlega
við una að skarta Michelin-
veitingastað og að mælt sé með fjór-
um öðrum stöðum að auki. „Það held
ég sannarlega. Ég get ekki betur séð
en að allt sé upp á við héðan í frá. Ég
myndi meira að segja veðja upp á að
það bætist við stjörnur á næsta ári.“
Af öðrum tíðindum úr Michelin-
listanum má geta þess að veitinga-
staðurinn Koks í Færeyjum heldur
sínum tveimur stjörnum. Noma í
Kaupmannahöfn, sem oft hefur ver-
ið talið meðal bestu veitingahúsa
heims, hlaut hins vegar þrjár Mic-
helin-stjörnur í fyrsta sinn. Norska
veitingahúsið Maaemo endurheimti
þrjár stjörnur sínar sem það missti í
fyrra eftir flutninga.
Spáir fleiri íslenskum
stjörnum á næsta ári
- Dill fær Michelin-stjörnu - Fjórir staðir fá meðmæli
Morgunblaðið/Eggert
Ljósmynd/Facebook-síða Sumac Ljósmynd/Facebook-síða Matar og drykkjar
Veisla Gunnar Karl Gíslason, veitingamaður á Dill, er stoltur og ánægður
með að halda Michelin-stjörnu sem staðurinn endurheimti í fyrra. Að neðan
til vinstri eru kokkar á Sumac og til hægri sýnishorn frá Mat og drykk.