Morgunblaðið - 16.09.2021, Blaðsíða 63

ÍÞRÓTTIR 63
MORGUNBLAÐIÐ FIMMTUDAGUR 16. SEPTEMBER 2021
Endurkoma Cristiano Ronal-
dos í ensku úrvalsdeildina var á
allra vörum um helgina þegar
hann skoraði tvö mörk í fyrsta
leik sínum fyrir Man. Utd í rúm
12 ár, í 4:1 sigri gegn Newcastle.
Meðan á leiknum stóð flaug
flugvél yfir Old Trafford með
borða á þar sem stóð: „Trúum
Kathryn Mayorga.“ Level Up-
samtökin stóðu fyrir fluginu en
Mayorga þessi sakaði Ronaldo
um að hafa nauðgað henni í Las
Vegas sumarið 2009.
Í samtali við Der Spiegel ár-
ið 2018 sagði Mayorga að Ro-
naldo hafi verið afar ýtinn þegar
þau hittust. Hún kvaðst end-
urtekið hafa sagt „nei“ og að
hún myndi ekki sofa hjá honum.
Eftir að hann gerðist æ ágengari
hafi hún haldið um kynfæri sín
þegar hann stökk á hana og
nauðgaði í endaþarminn án
verju.
Í spurningalista sem lög-
fræðingar Ronaldo lögðu fyrir
hann og Mayorga hefur undir
höndum sagði hann sjálfur:
„Hún sagði „nei“ og „hættu“
nokkrum sinnum. Ég fór inn í
hana að aftan. Það var rudda-
legt. Hún sagði að hún vildi
þetta ekki en hún gerði sig að-
gengilega. En hún hélt áfram að
segja „nei,“ „ekki gera þetta“ og
„ég er ekki eins og hinar stelp-
urnar.“ Ég baðst afsökunar eftir
á.“
Svo virðist sem þessi frá-
sögn sé að stóru leyti gleymd og
grafin og/eða hafi farið fram hjá
fjölda fólks á sínum tíma. Miðað
við það sem bæði Mayorga og
Ronaldo segja fékk hann ekki
samþykki fyrir kynmökum.
Það að hann sé stórstjarna,
einn besti knattspyrnumaður
sögunnar og að þetta átti sér
stað fyrir rúmum 12 árum, breyt-
ir því ekki að Ronaldo þarf að fá
samþykki eins og allir aðrir.
BAKVÖRÐUR
Gunnar Egill
Daníelsson
gunnaregill@mbl.isKarlalið Hamars í blaki hefur
styrkt leikmannahópinn fyrir kom-
andi vetur og samið við Tomek Leik
sem kemur frá KPS Gietrzwald í
Póllandi. Lið Hamars er Íslands- og
bikarmeistari eftir frábært gengi
síðasta vetur. Í tilkynningu frá
Hamri kemur fram að Leik sé ætlað
að fylla skarð Radoslaw Rybak,
þjálfara liðsins, en hann gegndi
stóru hlutverki innan sem utan vall-
ar á síðustu leiktíð. Hann mun ein-
beita sér að þjálfun liðsins í vetur.
Leik er 26 ára og hefur alla tíð
spilað í Póllandi. sport@mbl.is
Hvergerðingar
fá liðsstyrk
Morgunblaðið Íris Jóhannsdóttir
Meistarar Hafsteinn Valdimarsson,
fyrirliði Hvergerðinga.
ÍR er spáð efsta sæti 1. deildar
karla í handknattleik, Grill 66-
deildarinnar og þar með sæti í efstu
deild að ári í spá fyrirliða, þjálfara
og forráðamanna liða í deildinni en
spáin var opinberuð á kynning-
arfundi HSÍ í Laugardalshöll í gær.
Þá er Herði frá Ísafirði spáð öðru
sætinu og jafnframt sæti í úrvals-
deildinni að ári en Þór frá Akureyri
er spáð því þriðja.
Kvennamegin er Selfossi spáð
sæti í efstu deild að ári og Gróttu,
FH og ÍR umspilssætum um laust
sæti í deild þeirra bestu.
Ljósmynd/Þórir Tryggvason
ÍR Breiðhyltingar féllu úr úrvals-
deildinni á síðustu leiktíð.
ÍR og Selfoss
líkleg til afreka
KÖRFUBOLTI
Bjarni Helgason
bjarnih@mbl.is
Ciani Cryor átti stórleik fyrir Fjölni
þegar liðið tók á móti Njarðvík í
undanúrslitum VÍS-bikars kvenna í
körfuknattleik í Dalhúsum í Grafar-
vogi í gær.
Leiknum lauk með fimm stiga
sigri Fjölnis en Cryor skoraði 21 stig
og tók tólf fráköst í leiknum.
Það var lítið skorað í fyrri hálfleik
en Njarðvíkingar leiddu með fjórum
stigum eftir fyrsta leikhluta, 13:9.
Njarðvíkingar sóttu í sig veðrið og
tókst að jafna metin í 27:27 og þann-
ig var staðan í hálfleik.
Fjölniskonur mættu ákveðnar til
leiks í þriðja leikhluta og leiddu með
þremur stigum fyrir fjórða leikhluta,
46:43. Grafarvogsliðið var svo sterk-
ari aðilinn í lokaleikhlutanum og
fagnaði 65:60-sigri.
Sanja Orozovic skoraði 16 stig og
tók níu fráköst fyrir Fjölni og þær
Emma Sóldís Hjördísardóttir og
Dagný Lísa Davíðsdóttir skoruðu 9
stig hvor.
Hjá Njarðvík var Aliyah Collier
stigahæst með 30 stig og tólf frá-
köst. Þá skoraði Diane Diene 11 stig
og tók tólf fráköst.
Þá tryggðu Haukar sér sæti í úr-
slitum með níu stiga sigri gegn Val í
Origo-höllinni á Hlíðarenda.
Leiknum lauk með 68:59-sigri
Hauka en Valskonan fyrrverandi,
Helena Sverrisdóttir, sem nú leikur
með uppeldisfélagi sínu Haukum,
var drjúg fyrir Hafnfirðinga og
skoraði 16 stig, ásamt því að taka
átta fráköst.
Mikið jafnræði var með liðunum í
fyrri hálfleik en Valskonur leiddu
með tveimur stigum í hálfleik, 28:26.
Haukar voru sterkari í upphafi
síðari hálfleiks, sneru leiknum sér í
vil undir lok þriðja leikhluta og fögn-
uðu sigri í leikslok.
Tinna Guðrún Alexandersdóttir
skoraði 12 stig fyrir Hauka og Eva
Margrét Kristjánsdóttir 11 stig,
ásamt því að taka sex fráköst.
Hjá Valskonum var Ameryst Al-
ston stigahæst með 34 stig og ellefu
fráköst.
Það verða því Fjölnir og Haukar
sem mætast í úrslitaleik í Smár-
anum í Kópavogi laugardaginn 18.
september.
Fjölnir mætir
Haukum í
úrslitaleik
Morgunblaðið/Unnur Karen
Sókn Hafnfirðingurinn Tinna Guðrún Alexandersdóttir sækir að Vals-
konum en Valsarinn Dagbjört Dögg Karlsdóttir reynir að verjast.
- Helena Sverrisdóttir var atkvæða-
mikil gegn gömlu liðsfélögunum
Grótta tók sig til og rótburstaði
Aftureldingu 8:0 í næstefstu deild
karla á Íslandsmótinu í knatt-
spyrnu á Seltjarnarnesi í gærkvöld.
Pétur Theódór Árnason skoraði
fjögur mörk fyrir Gróttu og öll í
fyrri hálfleik. Grótta var 6:0 yfir að
loknum fyrri hálfleik, ótrúlegt en
satt.
Kjartan Kári Halldórsson skoraði
tvö mörk fyrir Gróttu og Kristófer
Melsteð og Gabríel Hrannar Eyj-
ólfsson sitt markið hvor.
Grótta er í 5. sæti deildarinnar
með 35 stig en Afturelding er með
23 stig í 9. sæti. Að undanförnu
hafa þau siglt hinn lygna sjó í deild-
inni sem stundum er talað um. Áttu
ekki möguleika á að fara upp um
deild en voru heldur ekki í mikilli
fallhættu þegar á leið.
Rótburst á
Seltjarnarnesi
Morgunblaðið/Sigurður Ragnarsson
Markheppinn Pétur Theódór Árna-
son skoraði fjögur mörk í gær.
Vestri, ÍA, Keflavík og Víkingur R.
leika í undanúrslitum Mjólkurbik-
ars karla í knattspyrnu en 8-liða úr-
slitin voru leikin í gær. B-deildarlið
Vestra sló Íslandsmeistara Vals út á
Ísafirði með 2:1 sigri. Vestfirðingar
fóru síðast í undanúrslit keppn-
innar fyrir áratug. Þá hét liðið BÍ/
Bolungarvík. Þá eins og nú sló liðið
einnig út Íslandsmeistara ársins á
undan en þá unnu Vestfirðingar
Breiðablik 4:1 eftir framlengdan
leik í 16-liða úrslitum. Þá féll liðið
úr keppni gegn KR í undan-
úrslitum, sem var með Hannes Þór
Halldórsson í markinu. Hannes var
varamarkvörður hjá Val í gær.
Valur komst 1:0 yfir með marki
frá Tryggva Hrafni Haraldssyni en
Djúpmenn sneru taflinu við með
laglegum mörkum frá Jesus Maria
Meneses og Martin Montipo.
Skagamenn lentu undir gegn c-
deildarliði ÍR í Breiðaholti en unnu
3:1. Pétur Hrafn Friðriksson skor-
aði fyrir ÍR en Þórður Þ. Þórðar-
son, Gísli Laxdal Unnarsson og
Guðmundur Tyrfingsson fyrir ÍA.
Mark Þórðar var afar glæsilegt.
Átta mörk voru skoruð í Kórnum
í Kópavogi þegar Keflavík vann HK
5:3. Joey Gibbs skoraði þrennu fyr-
ir Keflavík en Ástbjörn Þórðarson
og Ari Steinn Guðmundsson skor-
uðu einnig. Fyrir HK skoraði Stef-
án Ljubicic tvívegis og Birnir Snær
Ingason úr víti.
Víkingur vann Fylki 1:0 eftir
framlengdan leik en úrslitin réðust
á sjálfsmarki. kris@mbl.is
Ljósmynd/Þórir Tryggvason
Bikarævintýri Vestfirðingar komu
geysilega á óvart í gær.
Vestri í undanúrslit
Jordan Henderson reyndist hetja
Liverpool þegar liðið tók á móti
AC Milan í B-riðli Meistaradeildar
Evrópu í knattspyrnu á Anfield í
Liverpool í gær.
Leiknum lauk með 3:2-sigri Liv-
erpool en Henderson skoraði
sigurmark Liverpool með frábæru
skoti, rétt utan teigs, á 69. mínútu
og tryggði sínu liði öll þrjú stigin
úr leiknum.
Þá skoraði Jack Grealish,
sóknarmaður Manchester City,
eitt marka City í 6:3-sigri liðsins
gegn Leipzig í A-riðli keppninnar
en Grealish var að þreyta frum-
raun sína í Meistaradeildinni.
Grealish bætti um betur og lagði
einnig upp mark í leiknum og varð
um leið fyrsti Englendingurinn til
þess að skora og leggja upp í
fraumraun sinni í deildinni.
Markaveisla á Englandi
AFP
Þrumuskot Jordan Henderson fagnar sigurmarki sínu á Anfield í gær.