Morgunblaðið - 25.09.2021, Qupperneq 12

12 DAGLEGT LÍF
MORGUNBLAÐIÐ LAUGARDAGUR 25. SEPTEMBER 2021
Faglegar heildarlausnir
– allt á einum stað.
Samkeppnishæf verð.
Bónvinna, teppa- og steinteppaþrif,
flísaþrif og já bara hvaða gólf sem er.
NÚNA ER RÉTTI TÍMINN
við erum góð í gólfum
Hafðu
samband!
Dalshraun 6 | 220 Hafnarfjörður | 581 4000 | solarehf.is | solarehf@solarehf.is
Kristín Heiða Kristinsdóttir
khk@mbl.is
V
ið kynntumst fyrir tólf
árum í ritlist í Háskóla
Íslands og urðum vin-
konur þá,“ segja silki-
kettirnir Bergþóra
Einarsdóttir, skáld, kennari, rapp-
kona og fyrrverandi Reykjavíkur-
dóttir, og Guðrún Hulda Pálsdóttir,
kontrabassaleikari og fjölmiðla-
kona, þegar þær eru spurðar um
upphaf þess að þær settu saman
kontrabassarappdúóið Silkikettina.
Kettir þessir hafa nú sent frá sér
nýtt lag, Segið bara satt, en það er
fyrsta lag af EP-plötu sem vænt-
anleg er á næstu misserum.
Guðrún segist hafa byrjað að
spila á bassa þegar hún varð þrí-
tug.
„Þá fór ég að velta fyrir mér
hvort ég hefði áorkað öllu sem mig
hafði langað til að gera á fyrstu
þrjátíu árum lífs míns. Ég var
mjög sátt við hvar ég var stödd, ég
var vel menntuð, í góðu starfi, búin
að ferðast mikið, átti ungt barn og
var ánægð. Eina sem mér fannst
vanta upp á var að vera meira í
tónlist, því margir vina minna eru
tónlistarfólk. Ég hef alltaf getað
glamrað á gítar, sungið bakraddir
og kann smá á píanó, en ég hef
aldrei náð alvöru tökum á neinu
hljóðfæri. Mér fannst ég verða að
velja hljóðfæri sem enginn vina
minna spilaði á, og þar sem ég hef
alltaf verið fjarska skotin í kontra-
bassa, þá fékk ég í afmælisgjöf
nokkra einkatíma á kontrabassa. Í
framhaldinu keypti ég mér einn
slíkan og hef verið að spila á hann
síðan,“ segir Guðrún Hulda og
bætir við að Bergþóra hafi komið í
heimsókn til hennar þegar hún var
í fæðingarorlofi og rétt byrjuð að
snerta bassann.
„Hún sýndi mér texta sem
hana langaði að koma á framfæri í
formi ljóðalesturs og tónlistar. Ég
fór að fitla við bassann og hún fór
með ljóðið við nokkra tóna sem ég
spilaði. Okkur leist mjög vel á út-
komuna og í framhaldinu urðu
Silkikettirnir til.“
Bassi og ljóð smullu saman
„Ég byrjaði í Reykjavíkur-
dætrum árið 2013 en með tímanum
pössuðu langir ljóðrænir textar
eins og ég geri ekki alveg inn í það
batterí,“ segir Bergþóra.
„Frá því ég var unglingur hafa
skrifin verið nánast lífsnauðsynleg
fyrir mig og á þessum tímapunkti
kom upp ristastórt mál hjá mér
sem ég þurfti að gera upp. Reykja-
víkurdætur voru ótrúlega sterkar í
því fyrstu árin að taka á erfiðum
málum, en fljótlega þegar sá lista-
hópur breyttist í hljómsveit kallaði
það á aðrar nálganir. Hinsvegar
smullu ljóðrænu textanir saman við
bassalínurnar hennar Guðrúnar og
fyrsta giggið hjá okkur var í Þjóð-
menningarhúsinu á opnunarhátíð
Listahátíðar 2015. Það heppnaðist
rosalega vel, það hefði mátt skera
loftið og það fóru einhverjir að
gráta, enda var þetta mjög áhrifa-
ríkur performans, þó við segjum
sjálfar frá,“ segir Bergþóra og
bætir við að þá hafi þær haldið
áfram að þróa Silkikettina.
Fíkn fólks í peninga
Þær segjast hafa valið nafnið
Silkikettirnir á dúettinn af því að
þær nutu þess að elda góðan mat
og gera vel við sig þegar þær unnu
saman í tónlistinni.
„Kettir kunna að njóta en
kettir eru líka villidýr og geta verið
grimmir, þeir kunna að klóra og
slást,“ segja þær og vísa þar í hár-
beittan klórandi texta í nýja laginu,
Segið bara satt. Textinn sá á vel
við nú á kosningadeginum, því þar
koma fyrir orð eins og blekkingar-
loforð, misskipting köku fyrir þjóð-
félagsþegna og ákall um að stinga
á gullgraftarkýlum.
„Ég skrifaði þennan texta á
sínum tíma í kringum Panama-
skjölin, þegar það mál kom upp, en
okkur finnst þetta að mörgu leyti
enn eiga við, til dæmis í nýlegu
Samherjamáli. Boðskapurinn snýst
um að okkur finnst að öllum eigi að
líða vel, það er svo leiðinlegt þegar
fólk er að gera vondar manneskjur
úr einhverjum sem eru ólíkir þeim
eða á öndverðri skoðun. Við veltum
fyrir okkur hvort þeim líði vel sem
eiga kannski allt of mikið af pen-
ingum og hugsa endalaust um að
eignast enn meiri pening, verða
jafnvel fastir í einhverjum víta-
hring. Er ekki markmiðið að finna
hamingjuna? Finnum við hana með
því að hugsa stöðugt um fjár-
muni?“
Silkikettirnir segjast í nýja
laginu vera að setja þéttingu auð-
magns í heilsufarslegt samhengi.
„Öll fíkn er heilsuspillandi og
fíkn á svo mörg birtingarform.
Fólk getur verið fíkið í sykur, í
skjá, áfengi, eiturlyf eða í peninga.
Hverskonar fíkn er mikið tabú, en
það er gott að taka á þessum tabú-
málum og skoða frekar vandamál
og lausnir, en að hata,“ segja þær
og taka fram að viðfangsefni lag-
anna á væntanlegri plötu séu alls
konar, fjalli til dæmis um lífið og
tilveruna og hvað það er að vera
manneskja.
Ánægðar í Hveragerði
„Við höfum gefið út eitt lag
áður. Við tókum þátt í lagakeppni
Hannesarholts, þar sem tónlistar-
fólk var hvatt til að senda inn ný
lög við texta Hannesar Hafstein.
Lagið okkar, Andans dóttir, var í
verðlaunasæti þar. Þá er enn ann-
að verkefni í bígerð þar sem við
ætlum að fókusera á kvenímyndir í
goðsögnum,“ segja Silkikettirnir
sem búa í Hveragerði. Guðrún hef-
ur verið þar í fjögur ár en Berg-
þóra í rúmt ár.
„Okkur líður mjög vel í Hvera-
gerði, hér er rosagott að vera með
börn, en við erum báðar einstakar
mæður, hvor með sinn soninn. Þeg-
ar maður eignast barn þá breystist
svo mikið og mann langar meira að
vera úti í náttúrunni með barnið
sitt heldur en í miðbæ Reykjavík-
ur. Mér finnst mjög þægilegt að
það taki mig aðeins þrjár mínútur
á hjóli að fara með son minn í leik-
skóla og það er líka örstutt í vinn-
una,“ segir Bergþóra sem starfar
sem kennari í grunnskólanum í
Hveragerði.
Guðrún keyrir aftur á móti til
sinna starfa til höfuðborgarinnar,
en hún vinnur sem blaðamaður hjá
Bændablaðinu. Silkikettirnir nýta
þó allar mögulegar frístundir við
vinnslu á sex laga plötu í samstarfi
við fagmenn og félaga sína.
Kettir kunna að njóta,
en geta líka klórað
Konurnar í kontrabassarappdúóinu Silkiköttunum njóta þess að elda góðan mat og gera
vel við sig þegar þær vinna saman í tónlistinni. Nú á kosningadegi á texti nýjasta lagsins
þeirra vel við, þar koma fyrir blekkingarloforð og ákall um að stinga á gullgraftarkýlum.
Silkikettirnir Guðrún Hulda og Bergþóra hafa hér sett upp loppurnar með klónum, sem stundum eru beittar.
Magnað atriði Guðrún Hulda og Bergþóra komu fyrst fram
sem Silkikettirnir á opnunarhátíð Listahátíðar árið 2015.