Morgunblaðið - 25.09.2021, Qupperneq 48

48 MORGUNBLAÐIÐ LAUGARDAGUR 25. SEPTEMBER 2021
Vilt þú vinna í alþjóðlegu umhverfi á Íslandi?
GOODGOOD.NET
@ GOODGOODBRAND
GOOD GOOD óskar eftir að ráða Demand and Supply Chain Director fyrirtækisins í Evrópu og Norður-Ameríku.
Um er að ræða starf í höfuðstöðvum fyrirtækisins í Reykjavík.
Helstu verkefni og ábyrgð
• Innkaupaspár, greiningarvinna og áætlanagerð
• Móta og viðhalda aðfangakeðju fyrirtækisins
• Birgðastýring og innkaup á hráefnum og fullunnum vörum
• Samningar og samskipti við birgja og þjónustuaðila
• Samskipti við erlendar starfstöðvar fyrirtækisins
• Önnur tilfallandi verkefni
Menntunar- og hæfniskröfur
• MSc. í verkfræði, viðskiptafræði, tölvunarfræði eða sambærilegt
• Reynsla af aðfanga- og vörustjórnun er nauðsynleg
• Mjög góð enskukunnátta og geta til að vinna í alþjóðlegu umhverfi
• Mikil greiningar- og tæknihæfni
• Æskileg tölvukunnátta: AGR, Targit eða önnur BI kerfi og
bókhaldskerfi
• Áreiðanleiki, nákvæmni og frumkvæði
GOOD GOOD er íslenskt fyrirtæki
sem framleiðir gómsætar vörur án
viðbætts sykurs og byggir á íslensku
hugviti, hönnun og markaðsstarfi.
Vörur GOOD GOOD eru seldar í yfir
10.000 verslunum víða um heim en
framleiddar í Hollandi og Belgíu.
Öllum umsóknum skal skila inn á Alfreð.is.
Demand and Supply Chain Director
Aðstoðarsaksóknari við embætti ríkissaksóknara
Laus er til umsóknar staða aðstoðarsaksóknara við embætti ríkissaksóknara.
Starfshlutfall er 100%.
Hæfniskröfur
Umsækjendur skulu hafa lokið embættis- eða meistaraprófi í lögfræði og er einkum leitað eftir lögfræðingum sem hafa lagt sig eftir námsefni á
sviði refsiréttar og sakamálaréttarfars í laganámi sínu.
Gerð er krafa um að umsækjendur hafi reynslu af lögfræðistörfum. Einnig er nauðsynlegt að umsækjendur hafi mjög gott vald á íslensku og gott
vald á ensku.
Lögð er á það áhersla að viðkomandi hafi skipulagshæfileika, geti viðhaft öguð og sjálfstæð vinnubrögð og eigi auðvelt með mannleg samskipti.
Lýsing á starfi:
Meginverkefni starfsmannsins eru:
a. Meðferð réttarbeiðna frá erlendum yfirvöldum og mál vegna kröfu um framsal/afhendingu erlendra ríkisborgara, þ.m.t. beiðnir á grundvelli
Norrænu- og Evrópsku handtökuskipunarinnar.
b. Meðferð kærumála vegna ákvarðana héraðssaksóknara og lögreglustjóra um að vísa kæru frá, hætta rannsókn, fella mál niður eða falla frá
saksókn, sbr. 52. gr., 145. gr., 146. gr. og 147. gr. laga nr. 88/2008 um meðferð sakamála.
• Starfsmaður á samskipti við lögreglumenn, lögmenn, dómstóla og ýmis embætti og stofnanir, þ.m.t. erlendar stofnanir, í tengslum við mál sem
honum eru falin til meðferðar og afgreiðslu.
• Starfsmaður tekur þátt í gæðastarfi ríkissaksóknara eftir því sem óskað er eftir.
• Starfsmaður sinnir öðrum verkefnum sem ríkissaksóknari felur honum.
Ráðningarkjör eru samkvæmt kjarasamningi fjármálaráðherra f.h. ríkissjóðs og Stéttarfélags lögfræðinga.
Nánari upplýsingar veitir Sigríður J. Friðjónsdóttir ríkissaksóknari – sjf@saksoknari.is, s. 444-2900.
Umsóknir, ásamt upplýsingum um menntun og starfsferil, skal senda til embættis ríkissaksóknara, Suðurlandsbraut 4, 108 Reykjavík, eða á netfangið
saksoknari@saksoknari.is. Til þess að hraða afgreiðslu umsókna og bréfaskiptum skulu umsækjendur gefa upp netfang sem notað verður til að eiga
samskipti við umsækjendur. Umsóknarfrestur er til og með 15. október 2021.
Ráðið verður í stöðuna frá 1. janúar 2022.
Öllum umsóknum verður svarað þegar ákvörðun um ráðningu liggur fyrir.