Morgunblaðið - 25.09.2021, Side 56

56 MENNING
MORGUNBLAÐIÐ LAUGARDAGUR 25. SEPTEMBER 2021
Sýning á verkum breska lista-
mannsins Perry Roberts verður
opnuð í Hverfisgalleríi í dag kl. 16
og ber hún titilinn Below/Beyond.
Roberts býr og starfar í Antwerpen
í Belgíu og hefur list hans og hönn-
un verið sýnd víða um lönd og í
þremur heimsálfum. Einkasýning-
arnar eru orðnar þrjátíu og sam-
sýningarnar rúmlega sextíu, auk
þess sem Roberts á fjölda verka í
opinberu rými.
Afrakstur agaðrar þróunar
Roberts sýnir í Hverfisgalleríi
nýleg verk á pappír og málverk
sem hann málaði á léreft og striga.
Verkin eru í tilkynningu sögð „af-
rakstur agaðrar þróunar hans á ab-
strakt og naumhyggjulegu sjón-
rænu tungumáli, sem á í samræðu
við arkitektúr og málarahefðina, að
miklu leyti innblásin af hugmynda-
og naumhyggjulist sjötta og sjö-
unda áratugarins“.
Þessi áhrif eru sögð greinanleg í
mismunandi vinnubrögðum Roberts
og efnisnotkun og fela óhlutbundin
verk hans á pappír í sér samspil
nærveru og fjarveru, hins pósitífa
rýmis litarins og negatífs rýmis
ómálaðs pappírsins, eins og það er
orðað. „Teikningarnar bera gjarnan
titla sem vísa til uppgraftar,
úrvinnslu og skráningar fornleifa.
Verkin á pappír eru sett fram í
beinu sambandi við rýmið, nánast
sem bókrolla sem slétt hefur verið
úr til lestrar, frá vinstri til hægri
eða hægri til vinstri. Verkin af-
hjúpa nokkurskonar sögu án skýrr-
ar frásagnar, líkt og jarðlagasúlur
þegar þær eru skornar úr bergi,
áður en jarðlög þeirra hafa verið
rannsökuð,“ segir í tilkynningu.
Fyrsta sýningin á Íslandi
Roberts á langan feril að baki og
hefur stundað list sína á ólíkum
sviðum, m.a. gert óhlutbundnar
teikningar og málverk, rýmistengd
verk fyrir almannarými, textaverk,
veggmyndir og hannað húsgögn.
Hafa verk hans verið sýnd í lista-
stofnunum á borð við The Drawing
Center í New York, Museum of
Contemporary Art í sömu borg,
MHKA í Antwerpen, The Museum
of Contemporary Art í Sydney og
Whitechapel Art Gallery í London.
Roberts hefur ekki sýnt áður hér á
landi og er sýningin í Hverfisgall-
eríi því hans fyrsta á landinu.
Roberts lauk grunnnámi við
Dyfed-listaháskólann í Wales árið
1986 og hlaut BA- og MFA-gráðu
frá Goldsmiths-listaháskólanum í
London, þá seinni árið 1989.
Greinanleg áhrif frá hug-
mynda- og naumhyggjulist
Í texta eftir Birtu Guðjónsdóttur
segir að verkin séu „afrakstur
agaðrar þróunar hans á abstrakt og
naumhyggjulegu sjónrænu tungu-
máli sem á í samræðu við arkitekt-
úr og málarahefðina, að miklu leyti
innblásin af hugmynda- og naum-
hyggjulist sjötta og sjöunda áratug-
arins“. Þessi áhrif séu greinanleg í
mismunandi vinnubrögðum Roberts
og efnisnotkun og óhlutbundin verk
hans á pappír feli í sér samspil
nærveru og fjarveru, hins pósitífa
rýmis litarins og negatífs rýmis
ómálaðs pappírsins. Teikningarnar
beri gjarnan titla sem vísi til upp-
graftar, úrvinnslu og skráningar
fornleifa.
Reyndur Listamaðurinn Perry Roberts hefur haldið tugi einkasýninga og
tekið þátt í enn fleiri samsýningum á löngum ferli sínum.
Verkin afrakstur
agaðrar þróunar
- Perry Roberts sýnir Below/Beyond í Hverfisgalleríi
Sýning ljósmyndarans og mynd-
listarmannsins Sigurðar Unnars
Birgissonar, Hilmir snýr heim,
verður opnuð kl. 14 í dag, laugar-
dag, í Ljósmyndasafni Reykjavíkur
í Grófarhúsi. Á henni má sjá stækk-
aðar passa-
myndir af karl-
mönnum um
sjötugt ásamt
blómamyndum
úr náttúru
Íslands eftir
Hjálmar R. Bárð-
arson (1918-2009)
og segir í tilkynn-
ingu að það kunni
að þykja óvenju-
legt að stilla
þessum tveimur myndefnum upp
saman.
„Hvað gætu rosknir karlar átt
sameiginlegt með blómum? Við
fyrstu sýn virðist það ekki vera
margt annað en að hefðbundinni,
raunsærri nálgun er beitt í báðum
tilfellum auk þess sem greina má
samhljóm með myndformum. Sýn-
ingin veltir þó upp djúpstæðari
spurningum þar sem kafað er undir
yfirborðið og hlutirnir settir í
stærra samhengi,“ segir í tilkynn-
ingu.
Karlarnir leiðarvísir
Vitnað er í Sigurð Unnar sem
segir herrana á sýningunni hans
blóm. „Ég dái þá fyrir fegurð þeirra
og þeir eru minn leiðarvísir í átt að
því hvernig á að lifa sem karlmaður.
Þeir komu allir í myndatöku til mín
og suma þeirra hitti ég aftur,“ er
haft eftir Sigurði. Segir að kjarnann
í samlíkingu herranna og blómanna
sé að finna í 6. kafla Mattheusar-
guðspjalls, versi 28: „Hyggið að
liljum vallarins, hversu þær vaxa.
Hvorki vinna þær né spinna.“
Starfar hjá Passamyndum
Sigurður Unnar býr í Reykjavík
og starfar á ljósmyndastofunni
Passamyndir. Hann útskrifaðist
með BA- og MA-gráðu frá Univer-
sität der Künste í Berlín árið 2015.
Frá því að hann lauk námi hefur
hann komið að innsetningum á
listahátíðinni Háskar, lesið upp dag-
bókarfærslu sem hluta af gjörningi í
Mengi, leikstýrt föður sínum í tón-
listarmyndabandi við lag Teits
Magnússonar „Bara þú“ og unnið
fyrir Reykjavík Dance Festival í
samstarfi við Michikazu Matsune að
verkinu „The Viewers“. Viðfangs-
efni Sigurðar er manneskjan eins og
hún birtist af holdi og blóði og má
sjá sýnishorn af verkum hans á
www.sigurdurunnar.com.
Blómamyndir Hjálmars R. Bárð-
arson birtust í bók hans Íslenskur
gróður frá árinu 1998. Hjálmar var
afkastamikill ljósmyndari og gaf út
fjölda ljósmyndabóka, segir í til-
kynningu og að myndasafn hans sé
varðveitt í Þjóðminjasafni Íslands
sem veitt hafi leyfi fyrir notkun
myndanna.
Fegurð Birgir, faðir Sigurðar Unnars, og ein af blómamyndum Hjálmars.
Karlar og blóm
- Sigurður Unnar Birgisson opnar í
dag sýninguna Hilmir snýr heim
Sigurður Unnar
Birgisson
Sýning á verki Einars Garibalda
Eiríkssonar, Matador, verður opn-
uð í galleríinu Undirgöngum,
Hverfisgötu 76, í dag kl. 16. Titill
verksins vísar í borðspilið góð-
kunna en í því keppa leikmenn í því
að kaupa og selja lóðir og fasteignir
og markmiðið að græða sem allra
mest. Leikmenn sigra eða tapa,
geta dottið í lukkupottinn eða lent í
fangelsi, eins og segir í tilkynningu
og mun verkið „endurspegla þær
margslungnu hagfræðibrellur og
fjármálaflækjur sem við upplifum í
samtímanum, þar sem háreistir
byggingakranar og gapandi hús-
grunnar minna okkur á þátt brask-
ara og eignarhaldsfélaga í mótun
borgarmyndarinnar,“ eins og því er
lýst.
Verkið er einnig sagt vísa í um-
hverfið í kringum sýningarstaðinn
með götunöfnunum þar sem afleið-
ingar brasksins blasi við fólki.
„Matador Einars Garibalda býr
líka yfir vísunum í útsýnismynda-
hefðina (cityscape) þar sem verk
eins og Útsýn til Delft eftir Ver-
meer og Manhattan Real Estate
Holdings eftir Haacke hafa markað
ákveðna tegund myndlistar sem
nýtir ásýnd borgarlandslagsins til
að fjalla um átakamál í samtíma
sínum,“ segir enn fremur í tilkynn-
ingu.
Sýningin mun standa út janúar á
næsta ári.
Endurspeglar
brellur og flækjur
- Einar Garibaldi sýnir Matador
Morgunblaðið/Eggert
Sýnir Einar Garibaldi Eiríksson
sýnir í galleríinu Undirgöngum.
Tvær sýningar verða opnaðar í
Listasafninu á Akureyri í dag kl. 15,
annars vegar sýning Bryndísar
Snæbjörnsdóttur og Marks Wilson,
Vísitasíur, og hins vegar sýning Ann
Noël, Teikn og tákn.
Sýningin Vísitasíur er hluti af list-
rannsóknarverkefninu Ísbirnir á
villigötum sem unnið er í samstarfi
sérfræðinga á sviði myndlistar, þjóð-
fræði og náttúru- og umhverfisfræði,
að því er fram kemur í tilkynningu
og er markmið verkefnisins að auka
þekkingu á fjölþættum tengslum
dýra, manna og umhverfis á tímum
loftslagshlýnunar. Áhersla er lögð á
að rannsaka birtingarform hvíta-
bjarna á Íslandi í sögulegu og sam-
tímalegu samhengi. Bryndís og
Mark Wilson vinna saman að þver-
faglegum myndlistarverkefnum og
jafnt með sérfræðingum sem leik-
mönnum. Í verkum sínum skoða þau
birtingarform dýra í samfélagslegu,
menningarlegu og umhverfislegu
samhengi, segir í tilkynningu og að
verk þeirra afhjúpi menningartákn,
sýni fram á hefðir og viðbrögð
manna gagnvart dýrum um leið og
þau varpi ljósi á spurningar um nátt-
úruvernd og ólíka afstöðu manna til
útrýmingarhættu innan lífríkisins í
vistfræðilegu samhengi. Sýningar-
stjóri er Æsa Sigurjónsdóttir, dós-
ent í listfræði við Háskóla Íslands.
Ann Noël er fædd á Englandi árið
1944 og hefur verið búsett í Berlín
frá 1980. Bakgrunnur hennar er í
grafískri hönnun, prenti, ljós-
myndun, málun og gjörningum og
eftir útskrift úr grafískri hönnun
1968 vann hún með Hansjörg Mayer
í Stuttgart sem var einn af fyrstu út-
gefendum bókverka. „Þessi reynsla
kom sér vel þegar henni bauðst að
vinna sem aðstoðarmaður Dicks
Higgins, útgefanda hjá The Some-
thing Else Press í New York. Þar
kynntist hún Emmett Williams
(1925-2007), ritstjóra forlagsins, og
fjölmörgum Fluxus-listamönnum,“
segir í tilkynningu og að snemma á
níunda áratugnum hafi Noël orðið
virkur meðlimur í Fluxus-hreyfing-
unni og tekið þátt í gjörningahátíð-
um víða um heim, einkum í samvinnu
við eiginmann sinn, Emmett Willi-
ams. Hún fremur enn gjörninga inn-
an Fluxus Art Group og hefur sjálf
gefið út mörg af sínum bókverkum.
Sýningarstjóri er Guðrún Pálína
Guðmundsdóttir.
Í dag kl. 16 verður listamanna-
spjall við Bryndísi og Mark sem
Æsa Sigurjónsdóttir sýningarstjóri
stýrir og á morgun, 26. september,
kl. 15 verður haldið málþing í Lista-
safninu um Ann Noël og Fluxus-
hreyfinguna.
Vísitasíur og Teikn og tákn
- Tvær sýningar opnaðar í dag í Listasafninu á Akureyri
Virk Snemma á níunda áratug varð
Ann Noël virkur meðlimur í Fluxus.