Morgunblaðið - 27.12.2021, Side 6

6 FRÉTTIR
Innlent
MORGUNBLAÐIÐ MÁNUDAGUR 27. DESEMBER 2021
NÝTUM ORKUNA
TIL AÐ FLOKKA
Gylfaflöt, Reykjavík
Kleppsvegi, Reykjavík
Suðurströnd, Seltjarnarnesi
Reykjavíkurvegi, Hafnarfirði
Umbúðagámur:
- jólapappír
- pappi
- plast
20. - 29. des
Sigtryggur Sigtryggsson
sisi@mbl.is
Skipulagsfulltrúi Reykjavíkur hefur
tekið jákvætt í hugmyndir fast-
eignafélagsins Reita um byggingu
íbúðarhúsa á lóðinni Suðurlands-
braut 56. Á lóðinni stendur nú veit-
ingahúsið Metró, sem myndi víkja
fyrir íbúðabyggð ef áformin ná
fram að ganga.
Eins og fram kom í frétt í
Morgunblaðinu 18. nóvember sl.
hefur lóðarhafinn, Reitir, látið vinna
tillögu að uppbyggingu á lóðinni í
samstarfi við Trípólí arkitekta.
Þetta sé vannýtt lóð á frábærum
stað í borginni með mikla þróunar-
möguleika.
Íbúðir verði 87 talsins
Um er að ræða tillögu að sam-
göngumiðuðu skipulagi sem fléttar
nýbyggingu og almenningsrými
saman við fyrirhugaðar breytingar
á Suðurlandsbraut. Tillagan geri
ráð fyrir samspili og tengingu við
biðstöð borgarlínu og að hringtorg
við gatnamót Suðurlandsbrautar og
Skeiðarvogs verði aflagt ásamt að-
rein frá hringtorgi inn í Skeifuna.
Gert sé ráð fyrir torgrými, borgar-
garði og 87 íbúðum í tveimur sam-
tengdum 5-7 hæða byggingum auk
1.300 fm af verslunar- og þjónustu-
rými. Stærð íbúðanna verður á
bilinu 45-135 fermetrar. Markmið
tillögunnar sé að búa til kennileiti,
aðdráttarafl og mikilvægan tengi-
punkt fyrir gangandi og hjólandi
vegfarendur sem eiga leið í Skeif-
una.
Fram kemur í greinargerð verk-
efnisstjóra skipulagsfulltrúa að í
gildandi deiliskipulagi fyrir Skeif-
una sé ekki reiknað með neinum
breytingum á lóðinni. Rammaskipu-
lag fyrir Skeifuna miði hins vegar
að breyttri þróun á svæðinu. Þar er
miðað við breytta uppbyggingu á
lóðinni/reitnum, m.a. með 187 íbúð-
um og tæplega 35.000 fermetra
byggingarmagni á lóðunum Suður-
landsbraut 46-56 og Fákafeni 9-11.
„Ágætlega þykir fara á þeirri
uppbyggingu sem fyrirspurnin lýsir
og hún fellur vel að markmiðum
rammaskipulags Skeifunnar,“ segir
í umsögn verkefnisstjórans.
Margt þurfi þó að koma til áður
en hægt sé að reikna með að for-
sendurnar séu eins og lýst er. Til
dæmis þurfi að liggja fyrir end-
anleg ákvörðun um breytt gatna-
mót með tilliti til lóðarstækkunar,
sem Reitir leggja til í fyrirspurn
sinni. Tengt framhaldsvinnu þurfi
einnig að gæta vel að búsetugæðum
og mismunandi þörfum vegna
blandaðrar notkunar. Horfa þarf
sérstaklega til þess að fjölbreyti-
leiki sé í íbúðagerðum og að gætt
sé að lágmarks-meðalstærð íbúða, í
samræmi við þær kröfur sem al-
mennt eru gerðar vegna uppbygg-
ingar á íbúðarhúsnæði í Reykjavík.
Út frá þessu þurfi að meta getu
lóðarinnar m.t.t. fjölda íbúða og
hæðar húsa.
Tölvumynd/Trípólí arkitektar
Framtíðin Svona sjá arkitektarnir fyrir sér að húsið á mótum Suðurlandsbrautar og Skeiðarvogs muni líta út. Borgarlínan er á miðri Suðurlandsbraut.
- Veitingastaður
víki fyrir íbúðar-
húsum á lóð við
Suðurlandsbraut
Uppbyggingu á Metró-lóð vel tekið
Engin merki eru um það að
skjálftahrinunni á Reykjanesskaga
sé að linna en frá 21. desember
hafa um 15.000 skjálftar mælst.
Íbúar á suðvesturhorni landsins
hafa fundið vel fyrir skjálftunum
yfir hátíðarnar en um 3.400 jarð-
skjálftar mældust á aðfangadag og
jóladag, nokkrir þeirra 4 að stærð
eða meira. Í gær riðu yfir tveir
gikkskjálftar sem mældust um 4
að stærð.
„Þetta er ekki nákvæmlega þar
sem kvikugangurinn er, en vegna
þenslu hjá kvikuganginum þá
verða skjálftar annars staðar
vegna spennubreytinga. Það eru
engin merki um að það sé kviku-
söfnun þarna,“ segir Einar Bessi
Gestsson, náttúruvársérfræðingur
hjá Veðurstofu Íslands, um gikk-
skjálftana.
Hann segir að stærstu skjálft-
arnir í hrinunni fyrir eldgosið í
mars hafi verið yfir 5 að stærð.
„Við vitum að við gætum fengið
stærri skjálfta en við sjáum
núna,“ segir hann og bætir við að
aðeins 16 af 15.000 skjálftum í
hrinunni núna hafi verið yfir 4 að
stærð.
Á jóladag mældist tímabundinn
óróapúls við Fagradalsfjall sem
var sá greinilegasti sem hefur
sést í þessari hrinu að sögn Ein-
ars.
„Við sáum þetta líka fyrir gosið í
Geldingadölum í mars. Jarðskjálfta-
virknin eykst tímabundið, þá er
mögulega talið að kvikan sé að ná
að brjóta sér leið undir yfirborðinu
eða að hreyfast til.“
Hann segir ómögulegt að segja
til um hvort gos sé á næsta leiti en
skjálftavirknin og aflögunin sem
mælist nú bendi til þess að það sé
kvika á hreyfingu undir yfirborð-
inu. Hvort kvikan nái upp á yfir-
borðið er ekki hægt að segja til um.
„Ég myndi segja að eftir því sem
jarðskjálftavirknin og aflögun
stendur yfir lengur, þá aukast lík-
urnar á því að það verði eldgos.“
Spurður hve lengi skjálftahrinur
sem þessar vari segist Einar lítið
geta sagt til um það en skjálfta-
hrinan fyrir gosið í mars stóð yfir í
kringum fjórar vikur.
Hann bætir við að ef það gjósi
aftur sé enn óljóst hvort það væri
skilgreint sem framhald af gosinu
sem lauk 18. september eða al-
gjörlega nýtt gos. Það ræðst af
staðsetningu gosopsins en það
verði að vega og meta eftir á. „Ég
myndi segja að þetta sé allt hluti
af einni stórri atburðarás.“
logis@mbl.is
Þrjú þúsund skjálftar mælst á dag
- „Sáum þetta líka fyrir gosið í mars“ - Tveir gikkskjálftar að stærð 4 mældust í gær við Kleifarvatn
- Ómögulegt að segja til um hvort gos sé á næsta leiti - Því lengur sem hrinan varir, því meiri líkur á gosi
AFP
Skjálftar Margt er líkt með stöðunni
sem ríkir nú og fyrir gosið í mars.
Gamlárskvöld er á næsta leiti og rík
hefð er fyrir því hér á Íslandi að
kveðja gamla árið með flugeldum.
Flugeldasala hefst á morgun og
munu margir leggja leið sína á sölu-
staði Landsbjargar til þess að næla
sér í nýjustu terturnar, hvort sem
þær heita Egill Skallagrímsson eða
Gísli Súrsson.
Otti Rafn Sigmarsson, formaður
Slysavarnafélagsins Landsbjargar,
segir innflutninginn hafa gengið vel
og allir flugeldar sem von var á séu
komnir í hús.
„Það hafa verið ýmsar áskoranir,
það er óhætt að segja það, í innflutn-
ingnum en við höfum komist yfir
þær allar og erum að vinna í því að
dreifa flugeldum til eininganna okk-
ar,“ segir Otti.
Aðaláskoranir innflytjenda að
sögn Otta er skortur á vörugámum,
flutningsleiðir eru þéttsetnar og erf-
itt að flytja vörur milli landa.
„Ég held að það sé alveg sama
hvort þú sért að tala um varahluti,
bíla eða flugelda. Það er töluverð
aukning á flutningskostnaði.“
Hann segir að sölustaðir í ár muni
taka tillit til sóttvarna og lögð verð-
ur aukin áhersla á netsölu.
„Það eru fjöldatakmarkanir,
grímuskylda, síðan erum við með
netsölu.“
Flugeldasala er gríðarlega mikil-
væg og er stærsta fjáröflun björg-
unarsveitanna að sögn Otta.
„Það skiptir sköpum í okkar
rekstri að geta selt flugelda.“
Spurður hvort hann hafi áhyggjur
af banni á flugeldasölu vegna um-
hverfissjónarmiða segist Otti ekki
vera með þær.
„Við höfum ekki áhyggjur af því
eins og er, við seljum flugelda á
meðan við getum það, það verður
bara að koma í ljós hvernig fram-
tíðin verður,“ og bætir við: „Við höf-
um verið að bregðast við umhverfis-
sjónarmiðum í okkar flugeldum,
laga til umbúðir og fleira. Reyna að
gera þetta betur.“ logis@mbl.is
Innflutningur flugelda reyndist erfiður
- Flugeldasala hefst á morgun- Skortur á vörugámum og þéttsetnar flutnings-
leiðir - Töluverð aukning á flutningskostnaði- Flugeldasala skiptir sköpum
Morgunblaðið/Árni Sæberg
Áramótabomba Skemmtilegt er að hitta vini og vandamenn á gamlárs-
kvöld, fagna með þeim yfir að nýtt ár sé að ganga í garð og það gamla liðið.