Morgunblaðið - 27.12.2021, Qupperneq 12

AFP
Kaupgleði Vegfarendur á verslunargötu í New York. Nóg var að gera í
verslunum þessi jólin og heldur skerfur netverslunar áfram að vaxa.
Bandarískir neytendur drógu hvergi
af sér þessi jólin og sýnir samantekt
Mastercard SpendingPulse 8,5%
aukningu í jólaverslun á milli ára.
Jókst salan um 8,1% hjá hefðbundn-
um verslunum en 11% hjá netversl-
unum, að því er Reuters greinir frá.
Árviss mæling Mastercard skoðar
greiðslukortanotkun á tímabilinu 1.
nóvember til 24. desember, og áætl-
ar einnig upphæð viðskipta með
reiðufé og öðrum greiðsluleiðum.
Sýna tölurnar þetta árið að fleiri en
venjulega reyndu að ljúka jólainn-
kaupunum snemma. Er sennileg-
asta skýringin sú að neytendur hafi
óttast að viðvarandi raskanir á
vöruflutningum gætu leitt til vöru-
skorts hjá verslunum og því þótt
vissara að kaupa jólagjafirnar tím-
anlega.
Vefverslanir fá fimmtung
Hlutur netverslunar í jólavertíð-
inni heldur áfram að vaxa og í ár
gerðu bandarískir neytendur 20,9%
af sínum jólagjafakaupum á netinu.
Þegar einstakir vöruflokkar eru
skoðaðir má sjá að skartgripasala
jókst mest á milli ára, eða um 32%.
Þá mældist 16,2% aukning í sölu
raftækja. ai@mbl.is
8,5% vöxtur í jóla-
verslun vestanhafs
- Kippur í sölu raftækja og skartgripa
VIÐTAL
Ásgeir Ingvarsson
ai@mbl.is
Skartgripamarkaðurinn er óvenju-
legur fyrir margra hluta sakir og er
t.d. oft nefndur í kennslubókum í
hagfræði sem undantekning frá al-
mennum reglum framboðs og eftir-
spurnar, þar sem hærra verð vill oft
haldast í hendur við vaxandi eftir-
spurn. Þá eru sögur úr skartgripa-
geiranum ósjaldan notaðar sem
kennsluefni í viðskiptafræði, og
frægt hvernig t.d. markaðsherferð
De Beers um síðustu öld gjörbreytti
sýn neytenda á demantshringa, eða
hvernig skartgripamerki á borð við
Tiffany‘s og Cartier komust á kortið.
Þrjár íslenskar systur ákváðu að
skella sér í slaginn fyrir rösku ári og
kynntu til sögunnar skartgripa-
merkið Ella Jewellery. Ísabella
Erna, Gabríela Rut og Daníela Sara
Sævarsdætur eru engir nýgræðing-
ar á þessu sviði enda dætur Sævars
Jónssonar og Helgu Daníelsdóttur
sem kennd eru við skartgripaversl-
unina Leonard. „Við ólumst upp í
Leonard-búðunum, innan um fallega
skartgripi og flotta hönnun, og hafði
lengi langað að spreyta okkur á að
hanna eigin skartgripalínu,“ segir
Ísabella sem er sú elsta í hópnum en
systurnar eru á aldrinum 24 til 27
ára.
Fallegt og vandað
en ekki of dýrt
Ísabella segir nýja
merkinu m.a. hafa ver-
ið ætla að fylla upp í
gat á markaðinum. „Í
grófum dráttum má
skipta skartgripafyrir-
tækjum í tvo hópa. Ann-
ars vegar eru fyrir-
tækin sem byggja
velgengni sína á sterk-
um vörumerkjum og
fallegri hönnun, og fá
hátt verð fyrir skart-
gripi sem gerðir eru úr
demöntum, gulli og hvítagulli. Hins
vegar höfum við tískuskartið þar
sem meira er notast við silfur, ódýr-
ari gimsteina og sirkonsteina, og þar
sem verðið eru lægra,“ útskýrir hún.
„Okkur þótti vanta
skart sem félli þarna
mitt á milli og væri á
viðráðanlegu verði en
fallega hannað og úr
gæðaefnum. Hönn-
unin er stílhrein og
skartgripirnir gerðir
úr hreinu silfri með 18
karata gullhúð, og
skreyttir með glitr-
andi sirkonsteinum í
ýmsum litum.“
Viðtökur neyt-
enda fóru fram úr
björtustu vonum.
Hafa skartgripirnir
aðallega verið seldir
í gegnum netverslun Leonard, og
markaðssetningin einkum byggst á
notkun samfélagsmiðla. Ein vinsæl-
asta varan, og lýsandi fyrir hönnun-
arheimspeki Ella Jewellery, eru kok-
teila-hringarnir svokölluðu. „Þetta
eru einfaldir hringar með stórum
sirkonsteini og fást í nokkrum litum.
Nöfn hringanna vísa til vinsælla
hanastéla og kampavína og hugsunin
sú að konur geti haft áberandi og sí-
gildan hring á fingri á mannamótum
og leyft hringnum að sjást í hvert
skipti sem þær fá sér sopa úr glasi.“
Ekki dýr yfirbygging
Formúlan virðist ganga upp. Með
því að selja skartgripina á netinu og
markaðssetja þá í gegnum sam-
félagsmiðla hefur tekist að halda
yfirbyggingu í lágmarki, án þess þó
að fórna þeirri fallegu framsetningu
sem neytandinn er vanur. Skartið er
hannað af systrunum þremur en
framleitt erlendis, sem lækkar fram-
leiðslukostnað enn frekar, og verðið
er á því bili að fólk á ekki í nokkrum
vandræðum með að láta eftir sér að
kaupa fallegt hálsmen eða hring, fyr-
ir sjálft sig eða sem gjöf. Kostar
dæmigerður Ella Jewellery-skart-
gripur í kringum 10.000 kr. „Þetta
hjálpar okkur að ná til breiðari hóps,
og gefur viðskiptavininum líka þann
möguleika að kaupa t.d. sama skart-
gripinn í nokkrum mismunandi lit-
um,“ útskýrir Ísabella og bætir við
að jólin 2020 hafi verið aðeins um
tuttugu vörur í Ellu-línunni en séu
núna orðnar um hundrað talsins.
Sumum gæti þótt það merkilegt að
vel gangi að selja skartgripi á netinu,
enda stór hluti af upplifuninni fyrir
marga að stíga inn í glæsilega skart-
gripaverslun, skoða úrvalið og máta
áður en gengið er frá kaupunum.
„En það kemur ekki að sök, og það er
bara svo ofboðslega þægilegt að
versla á netinu. Við sem seljandi
verðum einkum að gæta þess að hafa
skýrar og góðar skila- og skiptaregl-
ur, og gera viðskiptavininum það
ekki flókið að senda vöruna aftur til
okkar ef svo ber undir.“
Tækifæri víða
En hver gætu næstu skrefin verið
hjá Ella Jewellery? Er kannski sams
konar gat að finna á öðrum skart-
gripamörkuðum? Systurnar telja að
það sé vel þess virði að athuga mögu-
leikana erlendis og t.d. ekkert sem
segi að salan verði að fara eingöngu
fram á vefnum. „Ef okkur gengur vel
að styrkja vörumerkið gæti líka ver-
ið áhugavert að taka skrefið yfir í
dýrari skartgripi. Það þykir mjög
vandasamt að fikra sig inn á lúxus-
skartgripamarkaðinn með áður
óþekkt merki en ef okkur tekst að
skapa okkur orðspor fyrir fallegt
gæðaskart gæti það skapað grund-
völl fyrir að bæta við dýrari skart-
gripum, s.s. úr gulli og demöntum,
eða búa til nýja línu til hliðar við það
sem Ella Jewellery gengur út á.“
Lítil yfirbygging og hóflegt verð
Reynsla Ísabella Erna, Gabríela Rut og Daníela Sara Sævarsdætur ólust upp í skartgripaverslunum föður síns.
- Skartgripalína þriggja systra hefur gert mikla lukku hjá íslenskum neytendum - Þær selja
og markaðssetja skartið á netinu og hefur tekist að finna ágætis meðalveg í verði og gæðum
Glitrandi Hönnun systranna
er stílhrein. Tveir hringar úr
línu Ella Jewellery.
12 FRÉTTIR
Viðskipti | Atvinnulíf
MORGUNBLAÐIÐ MÁNUDAGUR 27. DESEMBER 2021
vinnuföt fást einnig í
HAGI ehf Stórhöfða 37 • 110 Reykjavík • S. 414-3700 • hagi@hagi.is • Hagi ehf HILTI
Hágæða
vinnuföt
í miklu úrvali
Sérmerkjum fyrir fyrirtæki
Verkfæri og festingar
Mikið úrval af öryggisvörum
27. desember 2021
Gengi Kaup Sala Mið
Dollari 129.97
Sterlingspund 174.53
Kanadadalur 101.31
Dönsk króna 19.768
Norsk króna 14.683
Sænsk króna 14.267
Svissn. franki 141.17
Japanskt jen 1.1361
SDR 181.83
Evra 147.0
Meðalgengi/Viðskiptavog þröng 181.1243