Morgunblaðið - 27.12.2021, Side 10

Fjórum dögum fyrir jól birtist aug-
lýsing á vef stjórnarráðsins um stöðu
íslensks dómara við Mannréttinda-
dómstól Evrópu, en kjör Róberts
Spanó, fulltrúa Íslands við dómstól-
inn og jafnframt forseta hans, rennur
út á næsta ári. Vakti það athygli að
auglýsingin kom frá forsætisráðu-
neytinu í stað innanríkisráðuneytis-
ins, sem annaðist síðustu skipun fyrir
rúmum átta árum.
Fylgir mannréttindamálunum
„Með nýjum forsetaúrskurði fóru
mannréttindamálin yfir til forsætis-
ráðuneytisins,“ segir Haukur Guð-
mundsson, ráðuneytisstjóri innanrík-
isráðuneytisins, í samtali við
Morgunblaðið.
„Við vorum búin að leggja upp
ákveðinn undirbúning í þessu, rifja
upp hvernig þetta var gert síðast og
skrifa upp mikið minnisblað til ráð-
herra um þetta. Síðan var haldinn
blaðamannafundur og tilkynnt um
þessa breytingu þannig að það minn-
isblað fór til Katrínar og þetta er nú í
þeirra höndum.“
Bryndís Hlöðversdóttir, ráðuneyt-
isstjóri forsætisráðuneytisins, stað-
festir þetta og segir þetta einu dóm-
araskipunina sem ráðuneytið kemur
að. Sama fyrirkomulag verði þó og ár-
ið 2013. Fimm manna hæfnisnefnd
verði skipuð sem velur þrjú dómara-
efni sem þing Evrópuráðsins sker úr
um. Bryndís segir hæfnisnefndina,
sem áður, skipaða út frá tilnefningum
frá Hæstarétti Íslands, Dómstóla-
sýslunni, Lögmannafélagi Íslands og
utanríkisráðuneytinu. Formaður
hæfnisnefndar er aftur á móti valinn
án tilnefningar, af forsætisráðherra, í
stað innanríkisráðherra þar sem mál-
in heyra nú þar undir. „Þetta fylgir
mannréttindamálunum. Við erum
ekki að tilnefna neina aðra dómara.
En við höldum utan um val á dóm-
urum í Mannréttindadómstólinn,“
segir Bryndís. ari@mbl.is
Skipun dómarans heyrir
undir forsætisráðuneytið
- Skipun íslensks dómara við MDE sé mannréttindamál
Morgunblaðið/Kristinn Magnússon
Stjórnarráð Forsætisráðuneytið sér
nú um skipun dómara í MDE.
10 FRÉTTIR
Innlent
MORGUNBLAÐIÐ MÁNUDAGUR 27. DESEMBER 2021
Framkvæmdir hófust í síðasta mán-
uði í fyrsta áfanga endurbóta á golf-
vellinum í Grafarholti og tíðarfarið
hefur verið vallarstarfsmönnum
hliðhollt. Meðal annars verður 18.
brautin endurmótuð og sléttuð.
Jarðvegurinn hefur verið tekinn upp
og grjóthreinsaður og grjótmagnið
verið með ólíkindum. Því næst verð-
ur jarðvegurinn mótaður og sáð í
hann í vor. Framan af næsta sumri
er ráðgert að 18. brautin verði spil-
uð sem par 3 braut af bráðabirgða-
teig.
Í nýlegum pistli nýkjörins for-
manns Golfklúbbs Reykjavíkur,
Gísla Guðna Hall, er rifjað upp að
Grafarholtsvöllurinn var hannaður
af Svíanum Nils Skjold. „Árið 1963
var byrjað að leika á nokkrum hol-
um og svo voru fleiri og fleiri holur
smátt og smátt teknar í notkun.
Gerð golfvallar í Grafarholti var
meiriháttar átaksverkefni á sínum
tíma og magnað að hópur áhuga-
kylfinga hafi ráðist í annað eins,
fjarri byggðinni í Reykjavík á þeim
tíma. Hönnun og gerð vallarins
heppnaðist með ólíkindum vel,“ seg-
ir í pistli Gísla.
Hann rifjar upp að brautirnar eru
lagðar í gróðursælu en grýttu holti,
eins og hefur komið á daginn við
upptöku á 18. brautinni. aij@mbl.is
Morgunblaðið/Kristinn Magnússon
Gróður og grjót Margir steinar, stórir og smáir, hafa komið upp úr 18. brautinni á golfvellinum í Grafarholti.
Grjótmagnið
með ólíkindum
- Framkvæmdir á golfvelli GR
í Grafarholti í veðurblíðunni
Guðmundur Magnússon
gudmundur@mbl.is
Engin ástæða er til annars en að
einstaklingar hafi meira frelsi um
hvernig og hvort jarðneskar leifar
þeirra séu varðveittar, grafnar eða
þeim dreift. Þetta segir í grein-
argerð með frumvarpi fimm þing-
manna um breytingu á lögum um
kirkjugarða, greftrun og lík-
brennslu. Fyrsti flutningsmaður er
Bryndís Haraldsdóttir, Sjálfstæð-
isflokki. Frumvarpið hefur tvívegis
áður verið flutt á þingi en ekki
hlotið afgreiðslu.
Töluverð opinber íhlutun
Flutningsmenn segja að gildandi
lög feli í sér töluverða opinbera
íhlutun þegar kemur að jarðnesk-
um leifum fólks. Sú íhlutun er að
þeirra mati ónauðsynleg og vilja
þeir að dreifing jarðneskra leifa
verði gefin frjáls. Þeir leggja til að
áfram verði búið um ösku eftir lík-
brennslu í þar til gerðum duftkerj-
um. Aftur á móti verði gefið frjálst
hvað gert verði við kerin. Þeir
vilja að ekki verði lengur skylda að
grafa kerin niður í grafarstæði eða
leggja þau í leiði vandamanna
heldur verði um
heimild að ræða.
Bent er á að nú
séu um 35%
allra útfara bál-
farir og þeim
hafi fjölgað sem
óska eftir því að
öskunni megi
dreifa utan
kirkjugarða. Nú-
verandi ákvæði
sem heimili slíkt með leyfi sýslu-
manns telja þeir of ströng. Áfram
sé þó rétt að kveða á um dreifingu
ösku látins manns í reglugerð, þar
á meðal um upplýsingar til leg-
staðaskrár um staðsetningu dreif-
ingar ösku. Flutningsmenn vekja
athygli á því að í nálægum löndum
sé dreifing ösku ekki takmörkuð
eins mikið og hér, svo sem er varð-
ar staðsetningu eða auðkenningu
slíkra dreifingarstaða.
Kirkjugarðasambandið hefur í
umsögn um frumvarpið sagt að
breytingarnar sem það boðar séu
varhugaverðar. Hvergi á Norður-
löndum hafi verið gengið eins
langt í að slaka á regluverkinu og
frumvarpið leggur til að gert verði
hér á landi.
Dreifing ösku lát-
inna verði frjáls
- Endurflytja frumvarp frá síðasta þingi
Útfarir Bálförum
hefur fjölgað.
Skeifan 3 • 108 Reykjavík • Sími 581 2333 • rafver.is • rafver@rafver.is
FC 7 Premium
Þráðlaus
skúringarvél
fyrir heimili
Mikill viðbúnaður var hjá slökkvi-
liðinu á höfuðborgarsvæðinu um
tvöleytið í gær er kviknaði í þrem-
ur bílum í bílageymslu í Selja-
hverfi í Breiðholti.
Alls voru 26 bílar í geymslunni
og sagði varðstjóri slökkviliðsins
tjónið vera verulegt. Mikill og
svartur reykur barst úr geymsl-
unni og vel sást í eld út um
glugga. Enginn var þó inni í bíla-
geymslunni þegar eldurinn kvikn-
aði.
Altjón á þremur bílum
Slökkvistarf gekk vel og engan
sakaði í brunanum.
Að sögn sjónarvotta var altjón á
þremur bílum, enginn þeirra var
rafmagnsbíll. Ljóst er að einhverj-
ar skemmdir hafa orðið á geymsl-
unni vegna reyks og mikils hita
sem myndaðist vegna eldsvoðans.
Slökkviliðið gat ekki gefið upp
ástæðu brunans en málið er nú til
rannsóknar.
Viðbúnaður vegna
elds í bílageymslu
- Logaði í þremur bílum af 26 í geymslunni
Morgunblaðið/Óttar Geirsson
Bílageymsla Mikið tjón varð.