Bændablaðið - 26.08.2021, Qupperneq 12

Bændablaðið | Fimmtudagur 15. apríl 2021
12 Bændablaðið | Fimmtudagur 26. ágúst 2021 Bændablaðið | Fimmtudagur 26. ágúst 2021
FRÉTTIR
Snorri Magnússon, Hilmar Njáll Þórðarson og Ingibjörg Sæunn Jónsdóttir létu mýbitið ekki aftra sér við
mælingavinnuna. Myndir / Landgræðslan
Landgræðslan:
Vöktunarreitum GróLindar fjölgar
– Alls var gert ráð fyrir 1.499 reitum á landsvísu og að þúsund verði vaktaðir
Vöktunarverkefni GróLindar er
fyrsta verkefni sinnar tegundar
hér á landi sem ráðist hefur
verið í á landsvísu og hefur það
meginmarkmið að vakta ástand
gróður- og jarðvegsauðlindar
Íslands
Þriðja sumarið í röð vinnur
hópur sérhæfðs starfsfólks á vegum
Landgræðslunnar að mælingum og
útlagningum vöktunarreita víðs vegar
um landið. Mæling reitanna er hluti
GróLindar, langtímaverkefnis sem
hefur það meginmarkmið að vakta
ástand gróður- og jarðvegsauðlindar
Íslands. Þær upplýsingar sem fást
úr vöktuninni eru dýrmætar þegar
kemur að ákvarðanatöku um
endurheimt vistkerfa og landnýtingu.
Verkefni á landsvísu
Samkvæmt upplýsingum frá
Landgræðslunni er GróLind fyrsta
verkefnið af þessari stærðargráðu sem
ráðist hefur verið í á landsvísu og er
samstarfsverkefni Landgræðslunnar,
Landssamtaka sauðfjárbænda,
Bændasamtaka Íslands og atvinnu-
og nýsköpunarráðuneytisins og
nánari upplýsingar má finna á www.
grolind.is.
Að jafnaði er unnið í tveimur
þriggja manna teymum við
útlagningarnar, stór hluti starfsfólks
eru sumarstarfsmenn sem hafa
hlotið þjálfun í gróðurgreiningu og
mælingavinnu.
Skilvirkni höfð að leiðarljósi
Rán Finnsdóttir líffræðingur, sem
leiðir sumarstarfið, segir að reitirnir
séu lagðir út þannig að hægt sé að
mæla þá og vakta á sem skilvirkastan
hátt og að þeir skili sem mestum
upplýsingum sem færðar verða inn
í gagnagrunn GróLindar.
„Reitirnir eru 50 x 50 metrar að
stærð og fylgja flestar mælingar
línum sem dregnar eru í kross út frá
miðpunkti. Þær upplýsingar sem
fást með mælingum í reitunum eru
fjölbreyttar. Dýpt og gerð jarðvegs
er mæld ásamt gróðurhæð og
gróðurþekju. Jafnframt er mæld
samsetning gróðurs ásamt gerð og
alvarleika rofs ef það er til staðar.
Þessar mælingar endurspegla gerð
og ástand vistkerfanna sem mæld
eru.
Mælingarnar verða endurteknar
fimmta hvert ár og verður þá hægt
að sjá hvort og þá hvernig vistkerfi
svæðanna er að breytast, til dæmis
hvort rof sé að aukast, minnka eða
hvort hlutfall gróðurflokka sé að
breytast,“ segir Rán
Lagt af stað með 1.499 reiti
„Vöktunarreitir eru lagðir út í
náttúrulegt land en ekki manngert
land, eins og framræstum
eða ræktuðum túnum eða
skógræktarsvæðum. Þegar lagðir eru
út reitir í einkalandi er samband haft
við landeigendur og þeir upplýstir
um staðsetningu reitanna.
Verkefnið er það fyrsta sinnar
tegundar á Íslandi en sambærileg
verkefni hafa meðal annars verið
unnin í Bandaríkjunum, Ástralíu og
Nýja-Sjálandi og hefur verið stuðst
við upplýsingar og reynslu þaðan við
skipulagningu.
Þegar vinna hófst í sumar var búið
að leggja út um 220 reiti og stefnt
er á að leggja út 250 til 300 reiti til
viðbótar í sumar.
Rán segir að í upphafi mælinga
var staðsetning reitanna valin
tilviljanakennt að uppfylltum
ákveðnum skilyrðum.
„Alls var gert ráð fyrir 1.499
reitum á landsvísu en gert er ráð
fyrir því að af þeim verði um 1.000
reitir mældir þar sem að ekki er
raunhæft að mæla alla reiti vegna
erfiðs aðgengis. Takmarkið er að
búið verði að leggja út alla reiti í
lok sumars 2024.“ /VH
Útlagning reitanna fer oft fram við erfiðar aðstæður. Hér er hópur að störfum
á heiðunum upp af Lundareykjardal, Botnssúlur í baksýn.
Freyja Ragnarsdóttir Pedersen mundar slaghamarinn af öryggi við
niðursetningu hæla.
Rán Finnsdóttir segir að skilvirkni og
öflun sem bestra gagna sé lykilatriði
þegar kemur að útlagningu reita.
Nýlega var undirritaður samningur
vegna reksturs vinnustofu í
Landsbankahúsinu á Selfossi.
Sigurður Ingi Jóhannsson
samgöngu- og sveitarstjórnarráðherra,
Arna Ír Gunnarsdóttir, bæjafulltúi
Sveitarfélagsins Árborgar, og
Halldór Benjamín Þorbergsson,
framkvæmdastjóri Samtaka
atvinnulífsins, undirrituðu samkomu-
lag við Sigtún þróunarfélag um rekstur
vinnustofu í Landsbankahúsinu á
Selfossi sem Sigtún keypti í vor.
„Bankinn Vinnustofa“ verður
opnur formlega í haust. Um er
að ræða fyrsta flokks nútíma
skrifstofuaðstöðu fyrir um 120 manns
sem byggir á þeirri hugmyndafræði
að í ljósi tækniþróunar og afleiðinga
Covid-19, er starfsfólk stofnana og
fyrirtækja um allan heim farið að
vinna fjölbreytt störf og verkefni
óháð staðsetningu. Jafnframt er af
umhverfisástæðum hvatt til þess að
dregið sé úr löngum ferðum í og úr
vinnu. Boðið verður upp á lítil og stór
rými, fundarherbergi, setustofur og
tæknibúnað á tveimur efstu hæðum
hússins á um 500 fermetra svæði.
Vonast er til að Sunnlendingar sem
vinna á höfuðborgarsvæðinu geti nýtt
aðstöðuna t.d. í nokkra daga í viku í
stað daglegra ferða yfir Hellisheiðina.
Þá geti smærri sunnlensk fyrirtæki og
einyrkjar átt vísan stað í „Bankanum
Vinnustofu“ og auk þess gæti aðstaðan
nýst þeim sem búa í sumarhúsum
hluta úr ári. /MHH
120 nýjar skrifstofur Landsbankans á Selfossi:
Nú geta Sunnlendingar
unnið í hemabyggð
Landsbankinn á Selfossi: Frá undirritun samningsins, frá vinstri, Halldór
Benjamín, Arna Ír, Sigurður Ingi og Vignir Guðjónsson, framkvæmdastjóri
Sigtúns þróunarfélags. Mynd / Aðsend.
Samningur um safn listmálarans
Nínu Tryggvadóttur verður
undirritaður í sumar milli
Reykjavíkurborgar og dóttur
listakonunnar, Unu Dóru Copley.
Safn Nínu Tryggvadóttur
verður fyrsta myndlistarsafn
Reykjavíkurborgar kennt við og
tileinkað íslenskri listakonu.
Safnið verður í austurhluta
Hafnarhússins í Reykjavík en í
vesturhlið þess er nú Listasafn
Reykjavíkur. Þar með verður allt
Hafnarhúsið lagt undir listastarfsemi.
Í tilkynningu frá borginni kemur m.a.
fram að í samningnum er kveðið á
um að Una Dóra Copley, einkadóttir
Nínu, gefi Reykvíkingum vel á
annað þúsund listaverk eftir móður
sína sem endurspegla allan feril
listakonunnar. Þar er m.a. að finna
málverk, teikningar, glerverk og
vatnslitamyndir.
Auk þess gefur Una Dóra
Reykvíkingum fasteignir á
Manhattan og í Reykjavík eftir sinn
dag sem og aðrar listaverkaeignir,
bókasafn og fleiri muni.
„Ég er glöð og mjög hamingjusöm
yfir því að listaverk Nínu sem ná yfir
allan hennar feril verði til sýnis í
Reykjavík, þar sem þau eiga heima.
Þannig verða þau aðgengileg hinum
dásamlegu Íslendingum á öllum
aldri næstu ár og áratugi,“ segir Una
Dóra Copley. /MHH
Dóttir Nínu Tryggvadóttur listmálara:
Gefur vel á annað þúsund
listaverk eftir móður sína
Nína Tryggvadóttir: Nína Tryggvadóttir (1913 til 1968) var fyrst og fremst
þekkt sem listmálari en samdi einnig og myndskreytti bækur fyrir börn. Hún
fæddist 16. mars, 1913 á Seyðisfirði og naut á sínum yngri árum tilsagnar
Ásgríms Jónssonar í teikningum. Mynd / Listasafn Íslands.
Bændablaðið
Smáauglýsingar 56-30-300
Næsta blað kemur út
9. september