Bændablaðið - 26.08.2021, Page 45

Bændablaðið | Fimmtudagur 15. apríl 2021
45Bændablaðið | Fimmtudagur 26. ágúst 2021 Bændablaðið | Fimmtudagur 26. ágúst 2021
KLETTUR / SALA OG ÞJÓNUSTA / KLETTAGARÐAR 8-10
104 REYKJAVÍK / 590 5100 / klettur.is
VANTAR ÞIG LYFTARA?
EIGUM TIL 1,8 OG 2,0 TONNA LYFTARA Á LAGER
Gerðu kröfur - hafðu samband við Gunnar
í síma 590 5135 og kynntu þér þína möguleika.
1,8 tonna
Lyftihæð 4800 mm
3 hjóla
2,0 tonna
Lyftihæð 4800 mm
4 hjóla
LESENDAGREINAR
VG stendur
með íslenskum
landbúnaði
Formaður Bændasamtakanna
spurði áleitinna spurn-
inga í leiðara sínum í síðasta
Bændablaði. Hægt er að taka
undir margt sem þar kom fram.
Hann varpaði fram þeirri mikil-
vægu spurningu hvort þingmenn
ætli að standa með íslenskum
landbúnaði að loknum kosningum
með gjörðum en ekki bara orðum.
Því er auðsvarað af minni hálfu.
Já, Vinstrihreyfingin – grænt
framboð stendur með íslenskum
landbúnaði hér eftir sem hingað
til. Undirrituð greiddi atkvæði
gegn viðskiptasamningi Íslands
við Evrópusambandið. Það gerðu
fjórir aðrir, en öll áttu þau sameig-
inlegt að vera félagar mínir í þing-
flokki VG. Við vorum þá, líkt og
svo oft áður, með rétta stefnu sem
þótti óvinsæl. Síðar kom svo í ljós
að flest það sem við vöruðum við
raungerðist. Mikil ruðningsáhrif á
innlendan búvörumarkað og erfið-
leikar. Að sama skapi var það mikið
ánægjuefni þegar sátt náðist um það
í hittifyrra að takmarka verulega,
og í raun koma í veg fyrir, að jarðir
safnist í hendur fárra auðmanna,
hverrar þjóðar sem þeir eru. Ég var
framsögumaður máls um breytingu
á ýmsum lögum sem vörðuðu fast-
eignakaup en með þeim var stig-
ið mikilvægt skref í því að bæta
lagaumhverfi um viðskipti með
jarðir. Við þurfum að halda áfram
og gera enn betur og VG eru þau
einu sem hingað til hafa látið verkin
tala í þeim efnum.
Næsta kjörtímabil skiptir miklu
máli fyrir innlendan landbúnað
Málefni landbúnaðar hafa verið mér
hugleikin síðan ég settist á þing
árið 2013. Það er ekki undarlegt
þar sem að landbúnaður og sjáv-
arútvegur eru grundvöllur byggðar
í Norðausturkjördæmi. Stefna VG
í landbúnaðarmálum er skýr, við
teljum að í auknum mæli þurfi
að horfa til þess að bæta afkomu
bænda, efla innlenda framleiðslu í
þágu fæðuöryggis og að landbún-
aður sé stundaður með sjálfbærni
að leiðarljósi.
Þó að markmiðin séu skýr þá
eru aðferðirnar sem beitt er þær
sem skipta höfuðmáli. Það olli mér
persónulega vonbrigðum að ekki
næðist á kjörtímabilinu að færa
afurðastöðvum bænda þau verkfæri
sem til þarf til þess að vinna saman
í meira mæli til að ná hagræðingu.
Þannig er hægt að lækka fram-
leiðslukostnað svo að hærri upphæð
renni í vasa bænda. Þá blasir við að
endurskoða þarf tollasamninginn við
Evrópusambandið þar sem forsendur
hans eru ekki til staðar í dag, ef þær
voru nokkru sinni til staðar.
Nýliðun í landbúnaði verð-
ur, að ég hygg, mikilvægt mál á
komandi árum. Sífellt fjármagns-
frekara verður að stunda nútíma-
búskap og afkoman þarf að vera
þannig að hún fæli ekki ungt fólk
frá sem hyggur á landbúnaðarstörf.
Fjölbreytileikinn þarf að aukast til
að breikka þann grunn sem búseta
í dreifbýli hvílir á. Til þessa þarf
að horfa í næstu búvörusamningum
þannig að aukin tækifæri verði til
nýsköpunar og fjölbreyttari atvinnu-
starfsemi. Dæmi um þennan fjöl-
breytileika hef ég m.a. orðið vör
við í mínu kjördæmi en á ferð minni
um Þingeyjarsýslurnar um daginn
heimsótti ég Nýsköpun í Norðri
á Laugum. Þar er lögð áhersla á
að vinna sem mest úr hverjum
lambskrokki og á nýstárlegan hátt.
Meðal annars með það að mark-
miði að veitingastaðir í nærsveitum
geti nýtt sér afurðina sem nýjung
á matseðli. Þar hefur fólk einnig
ýmsar hugmyndir sem ég tel að eigi
að horfa til þegar kemur að útfær-
slu næstu búvörusamninga. Það er
alveg ljóst að við þurfum að bregð-
ast við breyttum tímum.
Loftslagsmálin eru stærsta
hagsmunamálið til lengri tíma
Mikið hefur verið skrifað og rætt
um loftslagsmál síðustu ár. Ég hef
þá bjargföstu trú að með því að
stefna að loftslagsvænni landbún-
aði megi ná miklum árangri í sölu
á afurðum. Það sem þarf að gerast
næst í málum tengdum landbúnaði
er að skapa tækifæri fyrir þá bændur
sem vilja grípa til aðgerða í sínum
búskap. Vísir að slíku verkefni er í
fjármálaáætlun næstu ára; verkefn-
inu loftslagsvænum landbúnaði. Það
verkefni þarf að styrkja enn frekar
svo að það mæti umfangi þeirra
breytinga sem eru fram undan. Ég
hitti sífellt fleiri bændur sem hafa
áhuga á því að hefjast handa en þeim
finnst fátt um svör hvar hagkvæm-
ast sé að byrja. Er það með því að
breyta beitarstýringu, bæta efnum út
í fóðrið, byggja nýja hauggeymslu
eða eitthvað allt annað?
Það er hagur samfélagsins alls
að við náum betri stjórn á losun
gróðurhúsalofttegunda og ábyrgðin
á losun vegna landnotkunar getur
ekki verið færð á bændur dagsins í
dag. Það er bæði óréttlátt og ólík-
legt til árangurs. Verkefni næsta
kjörtímabils eru fjölþætt og flókin,
endurskoða þarf búvörusamninga
og semja um nýjan samning. Ég
mun ekki láta mitt eftir liggja í að
standa með íslenskum bændum.
Bjarkey Olsen Gunnarsdóttir
Höfundur er oddviti
Vinstrihreyfingarinnar
– græns framboðs í
Norðausturkjördæmi
Bókamarkaður í Bændahöllinni
Bændasamtök Íslands bjóða til sölu og gefins fjölda bóka og rita sem tengjast landbúnaði.
Um er að ræða stóran hluta af bókasafni samtakanna ásamt tímaritum og öðru útgefnu efni.
Meðal þess sem er á boðstólum
Búnaðarblaðið Freyr
Handbók bænda
Búnaðarritið
Árbók landbúnaðarins
Búfjárræktarbækur
Garðyrkjubækur
Skógræktarbækur
Rit Fræðaþings landbúnaðarins
Rit Ráðunautafundar
Hestabækur, s.s. Ættbók íslenskra hrossa,
Fákar á ferð, Járningar o.fl.
Ýmis fræðslurit, s.s. um ræktun
kartaflna, heyverkun, æðarvarp
og dúntekju
Búnaðarhagfræði
Áburðarfræði
Hrossaræktin
Sauðfjárræktin
Íslenski fjárhundurinn
Búnaðarskýrslur
Skírnir
Rit Björns Halldórssonar í Sauðlauksdal
Samvinnan
Náttúrufræðingurinn
Eiðfaxi
Ýmis fræðitímarit um landbúnað
Landbúnaðarsaga Íslands
Borgfirskar æviskrár
Landsmarkaskrá
… og margt fleira
Bændasamtök Íslands . Bændahöllin . Hagatorgi
Staður og stund
Þriðjudaginn 31. ágúst frá kl. 10.00–17.00
– við aðalinngang Hótel Sögu.
Fyrstir koma – fyrstir fá!
Bjarkey Olsen Gunnarsdóttir.
Bændablaðið
kemur næst út 9. september
Smáauglýsingar 56-30-300