Bibliotheca Arnamagnæana - 01.06.1948, Blaðsíða 91

Arngrimur Jonsson
49
anno præterito, una cum Literatura ad te transmissas, ad manus
tuas venisse, qvas tamen juveni Islando, Svenoni, Episcopo vestro
familiari, bona fide curandas tradidi. Si ad te non delatam scirem
iterato mitterem. Jam cape Historiam Norvagicam integram, qvam
expetis, boni consule et si qvæ præterea in ea occurrant obelo digna,
mone. In transmissa charta Eddæ avtorem videris constituere Sæ-
mundum Froda, cum tamen Crymogæa, qvam secutus sum, p. 92
Snorroni Sturlæ f. id operis attribuat. Qvid sentiendum disertis edoce
rogo. Percurrens Apologiam tuam incidi in descriptionem glutinis
cujusdam, qvo loco atramenti usi sint veteres. De ea si plura habeas,
communica qvæso, instituto enim meo apprime inservit. Qvod de
Balenarum habes dentibus mihi dubium ingerunt, annon hi dentes
ii sint qvos pro unicomu venditat vulgus, de qvibus vide qvid com-
mentatus sim ad disputationem nupere a me hic habitam. Si qvæ
tibi sint qvæ hisce lucem afferre possint, communica qvæso, plura
enim de iis meditor. Epitaphia transmissa excudenda curavi, qvæ
una mittuntur. Typographi addo schedulam, ut qvantum exposuerim
videas. Mercator tamen vester mihi mox satisfecit. Vale, mi Am-
grime, et qvam diutissime vige.
23-
From Arngrimur Jonsson, June 30, 1638.
S. Literarum nostrarum aliqvot retro annis fatum sinistrum,
licet frustra, multum deploravi (neqve enim absqve meis datis annus
præteriit) et etiamnum deploro, utpote non modo Dn. Favtori mo-
lestum, verum mihi qvoqve damnosum, ut qvi ob meas, licet datas,
ast non acceptas, de favore T. periclitari possem, nisi superiore anno
1637. oblatæ insperato Hum. T. literæ aliud svaderent, meqve in
spem meliorem erigerent. De qvibus idcirco summas ac infinitas ago
agamqve gratias, neqve minores de adjuncto literis munere carthaceo,
opere videlicet Literaturæ Runicæ consummatissimo planeqve divino,
et cujusmodi a solius D. Wormii Genio expediri et expectari poterat;
Bibliotheca Arnamagnæana, VII
4