Fréttablaðið - 16.04.2022, Blaðsíða 24

Æfingaferlið fyrir
þessa keppni var
bæði erfitt og skemmti-
legt, því ég æfði fyrir
hana í þrjá mánuði með
100% vinnu sem tók
sinn toll en var vel þess
virði.
Gabríel Kristinn Bjarna-
son kom, sá og sigraði í
keppninni Besti ungkokkur
Norðurlandanna, sem
haldin var í mars síðast-
liðnum í Danmörku.
sjofn@frettabladid.is
Gabríel er einungis 22 ára gamall,
matreiðslumaður og meðlimur í
íslenska kokkalandsliðinu. Hann
var einnig nemi ársins árið 2019.
Gabríel elskar vinnuna sína og
það má með sanni segja að ástríða
hans skíni í gegn í öllu því sem
hann tekur sér fyrir hendur.
Gabríel hefur verið í kringum
eldhús og mat frá því að hann
man eftir sér. „Ástríða mín fyrir
matargerð byrjaði snemma því ég
hef verið í kringum eldhús og mat
síðan ég man eftir mér. Pabbi minn
er kokkur og var í kokkalands-
liðinu á sínum tíma og mamma er
þjónn, og þau voru að vinna saman
á Grillinu á Hótel sögu þegar ég
fæddist. Það eru til myndir af
mér að skríða á rauða gólfinu í
salnum og inni í eldhúsinu með
kokkunum og ég man enn eftir
lyktinni í eldhúsinu þannig að það
mætti segja að ég væri með þetta í
blóðinu.“
Ástfanginn af starfinu
Gabríel byrjaði ungur að vinna
við matargerðina. „Þegar ég var
13 –14 ára gamall byrjaði ég að
vinna aðra hvora helgi í Hörpunni
þar sem pabbi var yfirkokkur
og þá fóru hjólin að snúast og ég
varð ástfanginn af starfinu. Síðan
þegar ég var um 17 ára reddaði
pabbi mér á samningi á nýjum
stað á þeim tíma, Geira Smart
á Canopy hótelinu, og þá fékk
ég almennilega að finna fyrir
hitanum og erfiðisvinnunni sem
þessari starfsgrein fylgir og ég
elskaði hverja mínútu af því.“
Samstarfsfélagar Gabríels höfðu
áhrif á hann. „Ég var svo heppinn
að báðir yfirkokkarnir á Geira
Smart voru í kokkalandsliðinu
og búnir að vinna Kokk ársins
og keppa í alls konar keppnum.
Ég horfði mikið upp til þeirra
og þaðan kom þessi ástríða fyrir
keppnismatreiðslu.“
Fyrstur Íslendinga til að vinna
Það má með sanni segja að Gabrí-
el hafi uppskorið eins og hann
hefur sáð í faginu. Þann 29. mars
síðastliðinn vann Gabríel Nordic
Chef of the year, eða Besti ung-
kokkur Norðurlandanna. Og til að
toppa þetta þá er hann fyrstur á
Íslandi til að vinna þessa keppni.
„Æfingaferlið fyrir þessa keppni
var bæði erfitt og skemmtilegt, því
ég æfði fyrir hana í þrjá mánuði
með 100% vinnu sem tók sinn
toll en var vel þess virði. Að vinna
þessa keppni er alveg magnað.
Margir kokkar sem ég lít upp til og
hef lært mikið af í gegnum tíðina
hafa reynt að vinna þessa keppni
en engum hefur tekist það. En
stór partur af mínum sigri er út af
þessum kokkum því ég hef lært
mikið af þeim og þeir hafa sagt
mér hvað þeir gerðu rétt og rangt
sem ég er mjög þakklátur fyrir.“
„Ég vinn núna á Héðinn kitchen
& bar sem er um þessar mundir
einn af f lottustu veitingastöðum
landsins. Þar vinn ég með stóru
liði af mjög f lottum kokkum, þar
á meðal Sindra sem er yfirkokkur
og keppti með mér úti. Hann
lenti í öðru sæti um titilinn besti
kokkur á Norðurlöndunum sem
er magnaður árangur.“
Á veitingastaðnum Héðni er
mikið um að vera og boðið upp á
f lottan og metnaðarfullan mat-
seðil með eitthvað fyrir alla. „Við
kokkarnir leikum okkur mikið
með matseðilinn sem er árstíða-
bundinn og notum besta hráefni
sem völ er á að hverju sinni.“
Þegar Gabríel er inntur eftir
því hvort hann haldi í ákveðnar
matarhefðir heima um páskana
segir hann ekki vera mikið um
það. „Ég get ekki sagt að ég sé
með mikið af matarhefðum en á
páskunum förum við fjölskyldan
upp í bústað og grillum nauta-
lund með berneaisesósu, það er
kannski ekki svakaleg hefð en ég
held mikið upp á hana.“
Gabríel gefur lesendum hér
sína uppskrift að einfaldri en
skemmtilegri páskamáltíð. „Hér er
á ferðinni grillað lambafillet með
„french garden“ maríneringu, jala-
peno-chimichurri, ostakartöflu-
mús og hunangsgljáðar gulrætur
með kryddjurtum.“
Lamb í „french garden“
maríneringu
4–6 stk. lambafillet
200 g extra virgin ólífuolía
4 tsk. salt
2 tsk. pipar
4 tsk. saxaður graslaukur
2 tsk. söxuð minta
4 tsk. söxuð steinselja
2 msk. saxaður hvítlaukur
5 tsk. saxað rósmarin
5 tsk. laukduft
Ysta hýðið (zest) af 2 sítrónum
Öllu hráefninu blandað saman
í skál. Setjið síðan lambið í
maríneringuna og hafið í allavega
sólarhring.
Jalapeno-chimichurri
2 meðalstórir skalottlaukar
4 hvítlauksgeirar
2–3 fersk jalapeno
300 g steinselja
300 g olía að eigin vali
70 g hvítvínsedik
Safi úr 2 límónum
10 g salt
Hvítlaukur, skalottlaukar og jala-
peno saxað vel í matvinnsluvél.
Síðan er restinni af hráefn-
unum bætt út í og blandað saman
þangað til allt er komið vel saman.
Ostakartöflumús
350 g soðnar kartöflur
100 g mjólk
100 g rifinn ostur að eigin vali
(mæli með Tindi)
80 g smjör
Bragðbætt með salti og múskati
eftir á. Kartöflur skrældar og
soðnar, síðan marðar í gegnum
sigti eða kartöflupressu. Kartöflur
settar í hrærivél með ostinum og
blandað vel saman og síðan er
smjöri bætt við og loks mjólkinni.
Smakkað til með salti og múskati.
Hunangsgljáðar gulrætur
1 pk. gulrætur
200 g hunang að eigin vali
3 saxaðir hvítlaukar
100 g íslenskt smjör, brætt
1 msk. ólífuolía
1 tsk. engiferduft
1 tsk. pipar
50 g saxaður graslaukur
Öllu hráefninu nema gulrótunum
og graslauknum blandað saman
í skál. Byrjið síðan að hita ofninn
upp í 180°C. Síðan eru gulræt-
urnar settar á bakka með smjör-
pappír og settar inn í ofn.
Þegar þær eru orðnar hálf-
bakaðar eru þær teknar út og
hunangs blöndunni hellt yfir þær
og gulræturnar með blöndunni
settar aftur inn í ofn þangað til
þær eru orðnar gullinbrúnar.
Toppið gulræturnar með söx-
uðum graslauk áður en þær eru
bornar fram. n
Ungkokkur Norðurlandanna
býður upp á páskamáltíðina
Gabríel kom, sá og sigraði í keppninni Besti ungkokkur Norðurlandanna og er sá fyrsti á Íslandi til að vinna þá keppni.
Hann býður lesendum upp á girni lega páskamáltíð að sínum hætti. FRÉTTABLAÐIÐ/ERNIR
Ómótstæðileg
páskamáltíðin
sem Gabríel hef-
ur framreitt hér
fyrir lesendur
og lætur engan
ósnortinn.
Ostakartöflumúsin er syndsamlega
ljúffeng.
Hunangsgljáðu gulræturnar eru toppaðar með graslauk
4 kynningarblað A L LT 16. apríl 2022 LAUGARDAGUR