Fréttablaðið - 04.05.2022, Síða 38

AUGLÝSINGADEILDIR – AUGLÝSINGASTJÓRI: Guðmundur Örn Jóhannsson gudmundur@torg.is, ALMENNAR AUGLÝSINGAR: SÍMI 550 5050:
Andrés Bertelsen andres@frettabladid.is, Auður Húnfjörð audur@frettabladid.is, Reynir Elís Þorvaldsson reynir@frettabladid.is, Örn Geirsson orn@frettabladid.is FÓLK/
SÉRBLÖÐ SÍMI 550 5078: Arnar Magnússon arnarm@frettabladid.is, Jóhann Waage johannwaage@frettabladid.is, Jón Ívar Vilhelmsson jonivar@frettabladid.is, Ruth Bergsdóttir
ruth@frettabladid.is FÓLK OG SÉRBLÖÐ EFNI: Elín Albertsdóttir elin@frettabladid.is RAÐAUGLÝSINGAR /FASTEIGNIR SÍMI 550 5056: Hrannar Helgason hrannar@frettabladid.is,
TÍMAMÓTA- OG ÞJÓNUSTUAUGLÝSINGAR SÍMI 550-5055: Arna Rut Kristinsdóttir arnarut@frettabladid.is
22 Lífið 4. maí 2022 MIÐVIKU-FRÉTTABLAÐIÐ
Reynir Reynisson skipu­
leggur stórtónleika á Húrra
til að heiðra minningu dóttur
sinnar Urðar Pálínu sem lést
langt fyrir aldur fram.
tsh@frettabladid.is
Urður Pálína Reynisdóttir lést
aðeins 22 ára gömul um síðustu jól.
Faðir hennar, Reynir Reynisson,
fékk þá hugmynd að halda tónleika
til að heiðra minningu dóttur sinnar
sem fara fram á Húrra á fimmtudag.
„Eftir að Urður fellur frá þá er
maður náttúrlega alveg bugaður
af sorg og harmi og þá skaut svona
hugsun upp í kollinn á mér hvernig
í ósköpunum væri hægt að snúa
þessu upp í eitthvað sem væri
jákvætt. Þar sem bæði fjölskyldan
og Urður þekktu fjöldann allan af
tónlistarmönnum þá poppaði þetta
bara upp í hugann á mér tveimur
dögum eftir að hún féll frá,“ segir
Reynir.
Allur ágóði af tónleikunum
rennur óskiptur til Pieta samtak­
anna sem reyndust Urði mjög vel
á sínum tíma og hafa hjálpað bæði
fjölskyldu hennar og vinum í kjölfar
andlátsins.
„Svo verður þarna á undan tón­
leikunum og milli laga spiluð henn­
ar uppáhalds tónlist og við erum
búin að útbúa boli og myndir með
verkum eftir hana sem við ætlum að
selja,“ segir Reynir en Urður var ein­
staklega skapandi og jafnvíg í heimi
myndlistar, ljóðlistar og tónlistar.
Þær hljómsveitir sem koma fram
á tónleikunum eru HAM, Lucy in
Blue, Forsmán og Sucks to be you,
Nigel. Hljómsveitirnar gefa allar
vinnu sína og að sögn Reynis eru
þetta allt sveitir sem tengdust Urði
eða fjölskyldu hennar á einn eða
annan hátt.
Spurður um hvort Urður hafi sjálf
haldið upp á hljómsveitirnar sem
koma fram segir Reynir:
„Lucy in Blue er reyndar eina
hljómsveitin sem hún missti helst
aldrei af tónleikum með og ég gæti
alveg ímyndað að hún hefði gaman
af Sucks to be you, Nigel. En ég veit
ekki með metalinn, hún var nú ekki
mikil metalkona en hefði vafalítið
bara verið þarna einhvers staðar
aftarlega með Lax, lax, lax í eyr­
unum ef hún hefði verið á svæðinu.“
Vísar hann þar t il þek k t s
atviks úr vinahópi dóttur sinnar.
Urður hafði þá f lúið aftast í salinn
á metaltónleikum þar sem hún
uppgötvaðist síðar með heyrnar­
tól í eyrunum að hlusta á lag Guð­
mundar Jónssonar frá 1969; Lax,
lax, lax.
Að sögn Reynis verður lagt upp úr
því að heiðra minningu Urðar með
góðri stemningu á tónleikunum
sem eru hugsaðir fyrir alla, ekki
bara þá sem þekktu Urði.
„Þetta er meira hugsað sem
skemmtun og fögnuður heldur en
jarðarför og til að minnast hennar
á skemmtilegan hátt. Það verður
endurbætt hljóðkerfi á staðnum
og extra ljósashow og annað. Þetta
verður vonandi svolítið grand.“
Tónleikarnir fara fram á Húrra á
fimmtudag kl. 21.00. Miðasala er á
Tix.is og við hurð. n
Heiðrar minningu dóttur
sinnar með tónleikum
Reynir Reynisson í bol með mynd eftir dóttur hans Urði Pálínu.
FRÉTTABLAÐIÐ/SIGTRYGGUR ARI
Urður Pálína Reynisdóttir.
MYND/EINAR JARL BJÖRGVINSSON
ninarichter@frettabladid.is
Nemendur við Verzlunarskóla
Íslands héldu upp á Peysufatadag­
inn í rigningu í Reykjavík í gær. Aron
Orri, nemandi við skólann, segir að
árlega sé haldið upp á „Peysó“, þar
sem allir mæti í peysufötum, upp­
hlut eða gamaldags kjólfötum.
Dagurinn hefjist með dagskrá í
skólanum og síðan séu rútur teknar
niður að Hallgrímskirkju. „Síðan
er labbað niður að Ingólfstorgi,“
segir Aron Orri, sem er staddur þar
ásamt fríðum hópi samnemenda,
sem höfðu nýlokið dansi á torginu.
„Þetta eru tveir mismunandi
dansar sem ég man ekki alveg hvað
heita,“ segir hann og hlær. Aron Orri
segir að næst sé stefnan tekin upp í
Háskóla Íslands, þar sem nemendur
fara í myndatöku. Myndirnar séu
síðan hengdar upp á veggjum skól­
ans. „Svo förum við á Gullhamra þar
sem er matur og einhver skemmti­
atriði. Síðan er ball í kvöld í Gamla
bíó,“ segir Aron Orri.
Aðspurður hvort nemendur hafi
fengið langan tíma til að æfa sig,
svarar Guðmundur, nemandi úr
hópnum: „Nei, við fengum einn
íþróttatíma. Það er smá pressa!“
Spurður hvort það sé stressandi
svarar hann að svo sé ekki. „Já,
maður má ekki taka sig of alvarlega,
heldur bara hafa gaman og dansa
með einhverjum vinum sínum.“ n
Regndans Verzlinga á Ingólfstorgi
Guðmundur,
Aron Orri og
Bryndís, nem-
endur við Verzl-
unarskóla Ís-
lands, dönsuðu
í rigningunni á
Ingólfstorgi í
gær.
FRÉTTABLAÐIÐ/
NÍNA
MEÐ NÍNU OG INGUNNI
Fréttablaðið hitar upp fyrir
Eurovision 2022 í vefsjónvarpi og á
samfélagsmiðlum með
Júró-stjörnum og álitsgjöfum.
Nína Richter og Ingunn Lára kryfja
lögin, spá í spilin og fara yfir allt það
helsta sem þarf fyrir fullkomið Júró-
partý.
Í samstarfi við