Skessuhorn - 15.09.2021, Blaðsíða 4

MiðVikudaGuR 15. SepteMBeR 20214
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 3.877 krónur með vsk. á mánuði. Elli- og örorkulífeyrisþegar greiða
kr. 3.348. Rafræn áskrift kostar 3.040 kr. Rafræn áskrift til elli- og örorkulífeyrisþega er 2.800 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Anna Rósa Guðmundsdóttir arg@skessuhorn.is
Finnbogi Rafn Guðmundsson frg@skessuhorn.is
Valdimar K. Sigurðsson vaks@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Talið niður frá deginum í dag
eftir tíu daga göngum við til kosninga. Veljum okkur fulltrúa á löggjaf-
arþingið til fjögurra ára eða svo. Í kjölfar kosninga lýkur umboði þeirrar
þriggja flokka ríkisstjórnar sem setið hefur við völd. Þegar til hennar var
stofnað voru margir sem spáðu henni skammlífi, flokkarnir væru einfald-
lega of ólíkrar gerðar til að geta haldið út. Sú varð hins vegar ekki raunin.
Óhætt er að segja að samstarfið hafi verið gott og sjaldnast borið skugga á.
Nú á síðara hluta kjörtímabilsins tók heimsfaraldur kórónaveirunnar nán-
ast yfir allt annað. Verkefnin gjörbreyttust. allt snerist um að stýra vörnum
gegn veiru og halda þjóðarskútunni svona nokkurn veginn á réttum kili.
Ferðaþjónustan sem orðin var stærsta atvinnugreinin hrundi til grunna og
algjör forsendubrestur varð í greininni. en aðrir nutu ástandsins og hygg
ég að t.d. verslun innanlands hafi í seinni tíð ekki gengið betur en einmitt
nú.
Við aðstæður sem þessar skal því ekki undra að stjórnarandstaðan gangi
löskuð inn í kosningabaráttuna. Henni reynist erfitt að finna höggstað á
ríkisstjórninni vegna viðbragða við Covid, enda er þjóðin almennt ánægð
með stjórnunina á veirutímum. Öll umræða um stefnumótun til næstu ára
er því dáldið fjarstæðukennd við þessar aðstæður. Flestum flokkum er nú
gjarnara að boða útgjöld en að sýna fram á hvernig eigi að fjármagna þau.
Margir nefna þeir aukna skattheimtu sjávarútvegsfyrirtækja, sumir ræða
stóreigna- og hátekjuskatt, meðan hægri flokkar vilja draga úr skattheimtu.
enn aðrir koma sér fyrir á miðjunni og vilja fara bil beggja. Það er eins og
gengur og algjörlega í takti við kosningabaráttu fyrri tíma.
Vandséð er að sömu flokkar nái þeim styrk að geta myndað óbreytta rík-
isstjórn eftir kosningar. kannanir sýna að slík stjórn yrði með minni þing-
styrk en þessi hafði í upphafi kjörtímabilsins. Því þurfa þessir flokkar lík-
lega að taka með sér einn flokk til viðbótar ef vilji þeirra er til slíks. Nú svo
er hins vegar ekki loku fyrir það skotið að flokkar vinstra megin við miðju
nái saman um stjórnarmyndun. Verða þá líklega að vera fimm eða jafnvel
sex talsins. allt mun þetta þó skýrast þegar talið hefur verið upp úr kjör-
kössunum. atkvæði telja, ekki skoðanakannanir.
Hér í Norðvesturkjördæmi getum við valið um tíu flokka. Á forsíðu
blaðsins í dag sjáum við mynd af oddvitum þeirra. aldrei hefur úrvalið ver-
ið slíkt áður. allt er þetta hið mætasta fólk. Sumir eru fulltrúar rótgróinna
flokka meðan aðrir eru nýlega stofnaðir. Svo nýir að ekki hefur gengið með
öllu þrautalaust að koma saman framboðslistum. Í einu tilviki var meira
framboð af sumum einstaklingum en eftirspurn og þurfti snör handtök í
síðustu viku til að næðist að leiðrétta fyrir lokadag. en tíu listar urðu engu
að síður raunin.
afar ólíkt er hversu hollt fólk er flokkum. Vissulega halda margir tryggð
við sinn flokk, hafa jafnvel myndað órjúfanleg bönd allt frá fyrsta sopa
af móðurmjólkinni. Svo eru aðrir sem flakka á milli og taka jafnvel ekki
ákvörðun fyrr en í kjörklefanum. enn aðrir sleppa því að kjósa og láta aðra
um að velja fyrir sig. Fyrir mína parta get ég viðurkennt að ég er alls ekki
búinn að taka ákvörðun. Hef hins vegar ákveðið hvernig ég mun komast að
niðurstöðu. Nú þegar tíu dagar eru til kosninga ætla ég að fækka valmögu-
leikunum um einn á dag. Svo þegar laugardagurinn 25. september rennur
upp verður einungis einn eftir og þann flokk mun ég kjósa. Næstu daga
ætla ég að hlusta vel á hvað þessir flokkar hafa fram að færa. ef einhverjir
segja eða skrifa eitthvað sem mér mislíkar, tel vitlaust eða óraunhæft, mun
ég hiklaust henda viðkomandi út af listanum og fækka valmöguleikunum
um einn á dag. Svo koll af kolli. Á kjördag verð ég þannig búinn að komast
að niðurstöðu og mun glaður verja atkvæði mínu eftir bestu vitund og sam-
visku. Það er jú lýðræðið og fyrir það ber að þakka.
Magnús Magnússon
Nú er unnið að því að leggja nýja
stofnlögn hitaveitu á fjóra bæi í
Melasveit í Borgarfirði. Vatnið
kemur ofan úr Reykholtsdal og er
tekið úr aðalstofnæð Veitna á móts
við Fiskilæk. Nýja lögnin mun
þjóna húsum og atvinnustarfsemi
í Belgsholti, Melaleiti, Melum og
Ási.
Haraldur Magnússon bóndi í
Belgsholti var að vinna við að hita
herpihólka sem hylja samsetningar
röranna þegar blaðamaður átti leið
um í vikunni sem leið. Magnús Már
Haraldsson sonur hans er vélvirki
og sér um suðuvinnuna og bróðir
hans Heimir Örn um jarðvinnu.
Haraldur segir að ábúendur og ei-
gendur fyrrgreindra bæja hafi stof-
nað hitaveitufélag um framkvæm-
dina þegar nægjanlegt vatn hafi
fengist frá Veitum fyrir svínabúið
á Melum. Samið hafði verið um
vatnskaupin eftir að Laugafiskur
hætti fiskþurrkun á akranesi en sú
starfsemi var mjög vatnsaflsfrek.
Nýja lögnin mun leysa af hólmi 31
árs lögn sem liggur frá Fiskilæk og
að Belgsholti en er farin að gefa sig,
að sögn Haraldar. mm
Búið er að taka í notkun nýtt snjall-
forrit sem ætlað er að stuðla að
auknu öryggi á ferðalögum hér á
landi. um er að ræða Safetravel
appið, en það mun einfalda ákvarð-
anatöku við akstur á Íslandi og veit-
ir upplýsingar í rauntíma um ástand
og færð á vegum landsins. appið er
þróað af Stokki hugbúnaðarhúsi í
samstarfi við Safetravel og trygg-
ingafélagið Sjóvá sem kostar gerð
þess.
Safetravel appið veitir upplýs-
ingar um ástand vega í rauntíma,
bæði á ensku og íslensku. Í appinu
er einnig að finna bílpróf sem gott
er að renna yfir til að ýmist skerpa á
kunnáttunni eða kynna sér aðstæð-
ur í umferðinni. appið er hugsað
bæði fyrir Íslendinga og erlenda
ferðamenn. „Við viljum að allir sem
heimsækja Ísland rati heim heilir
og kátir með ferðina sína. Safetra-
vel smáforritið mun auðvelda gest-
um og okkur að njóta alls sem Ís-
land hefur upp á að bjóða á örugg-
an og handhægan hátt,“ sagði Þór-
dís kolbrún R Gylfadóttir ráðherra
ferðamála þegar appið var kynnt í
liðinni viku.
Safetravel appið birtir notendum
kort af Íslandi og gerir þeim kleift
að merkja inn væntanlega ferð á
vegum landsins. appið teiknar þá
upp leiðina og sýnir ástand vega
og varar við ferðalögum ef ófært er
einhvers staðar á leiðinni. Þannig
má auðveldlega fylgjast með færð á
vegum og fá tilkynningar í símann
ef aðstæður breytast.
Hægt er að sækja appið í app
Store eða Google play. mm
And lát:
Jón Sigurðsson á Bifröst
Jón Sigurðsson, skólamaður, fyrr-
verandi ráðherra, Seðlabankastjóri
og formaður Framsóknarflokks-
ins, er látinn 75 ára að aldri. Bana-
mein hans var krabbamein.
Jón var fæddur í kollafirði á
kjalarnesi 23. ágúst 1946. Hann
lauk stúdentsprófi frá Mennta-
skólanum í Reykjavík vorið 1966
og þremur árum síðar brautskráð-
ist hann með Ba-próf í íslensku
og sagnfræði frá Háskóla Íslands.
Frá útskrift í MR vann hann við
kennslustörf í gagnfræðaskól-
um, menntaskólum og háskólum
hér á landi og í Svíþjóð til ársins
1975. Jón var ritstjóri tímans frá
1978 til 1981 en tók eftir það við
starfi skólastjóra Samvinnuskólans
á Bifröst, varð síðar rektor Sam-
vinnuháskólans til ársins 1991 en
sinnti kennslu á staðnum eftir það.
Jón stýrði skólahaldi á Bifröst með
festu og var við stjórnvölinn þegar
skólanum var breytt úr framhalds-
skóla og hann færður á háskólastig.
Nýtti þar menntun sína, reynslu
og visku, en hann útskrifaðist með
Ma gráðu í menntunarfræðum
og kennslustjórnun frá Columbia
pacific university í San Rafa-
el í Bandaríkjunum árið 1988 og
doktorsgráðu í sömu greinum árið
1990. Þá lauk hann MBa-gráðu í
rekstrarhagfræði og stjórnun frá
National university í San diego í
Bandaríkjunum árið 1993. Jón var
samferðarfólki sínu og nemendum
á Bifröst afar eftirminnilegur. Ná-
kvæmur og rökfastur fræðari sem
gerði nám við skólann undir hans
leiðsögn afar eftirminnilegt.
eftir veru sína á Bifröst varð
Jón m.a. seðlabankastjóri árin
2003 til 2006. Árið 2006 tók hann,
utan þings, við embætti iðnaðar-
og viðskiptaráðherra í ríkisstjórn
Geirs H. Haarde, og gegndi því til
ársins 2007. Á sama tíma og hann
gegndi ráðherraembættinu var
hann um tíma formaður Fram-
sóknarflokksins, tók við því emb-
ætti eftir afsögn Halldórs Ásgríms-
sonar 2006. Jón sat í stjórnum ým-
issa fyrirtækja, fjölmörgum nefnd-
um og skrifaði bækur. Þrátt fyrir
ýmis trúnaðarstörf verður Jóns
Sigurðssonar einkum minnst sem
fræðimanns og skólamanns á Bif-
röst. eftirlifandi eiginkona Jóns er
Sigrún Jóhannesdóttir. Þau áttu
saman tvo syni en fyrir átti Sigrún
eina dóttur.
mm
Jón Sigurðsson (1946-2021).
Ljósm. Viðskiptablaðið.
Ný heitavatnslögn í Melasveitinni
SafeTravel app tekið í notkun
Þórdís Kolbrún kynnir nýja smáforritið.