Skessuhorn - 15.09.2021, Blaðsíða 14

MiðVikudaGuR 15. SepteMBeR 202114
Þriðjudaginn 21. september kl. 20
flytur Gottskálk Jensson minning-
arfyrirlestur um Snorra Sturluson
í Bókhlöðu Snorrastofu er nefn-
ist „Reykhyltingur um Reykhylt-
ing: Ævisögur Snorra Sturlusonar
á latínu eftir Finn Jónsson biskup.“
Fyrirlesturinn er öllum opinn og er
aðgangur ókeypis.
Finnur Jónsson var prestur í
Reykholti og prófastur í Borgar-
fjarðarsýslu áður en hann varð bisk-
up í Skálholti. Hann var einn lærð-
asti maður síns tíma og er sennilega
kunnastur fyrir hina miklu kirkju-
sögu sína í fjórum bindum sem út
kom í kaupmannahöfn á árun-
um 1772 til 1778. Í kirkjusögunni
er m.a. að finna ævisögu Snorra
Sturlusonar, sem einnig bjó lengi í
Reykholti. Sú ævisaga er þó aðeins
stuttur texti, mun lengri er sú saga
sem Finnur skrifaði um ævi Snorra
fyrir hina konunglegu kaupmanna-
hafnar-útgáfu Heimskringlu sem
út kom í þremur bindum á árunum
1777 til 1783. Þar spannar ævisaga
Snorra 57 kafla og allt á latínu eins
og raunar styttri ævisagan í kirkju-
sögunni líka. Í fyrirlestrinum verð-
ur gerð grein fyrir skrifum Finns
um Snorra og sérstaklega gætt að
öllu sem varðar Reykholt.
Gottskálk Jensson er doktor í lat-
ínu og forngrísku frá háskólanum í
toronto í kanada. Hann er rann-
sóknardósent við kaupmannahafn-
arháskóla og gestaprófessor við
Háskóla Íslands.
-fréttatilkynning
Nú er stefnt að því að reisa hús fyrir
ostagerð á geitfjársetrinu á Háafelli
í Hvítársíðu. efni í ostagerðahúsið
barst með flutningabíl í liðinni viku
og í vetur er ætlunin að reisa hús
sem hýsa mun starfsemina. Skessu-
horn sló á þráðinn til Jóhönnu B.
Þorvaldsdóttur geitabónda til að
forvitnast um fyrirhugaða ostagerð.
að sögn Jóhönnu er með þessu að
rætast fimmtán ára gamall draum-
ur. Nýja húsið verður viðbygging
við húsið sem nú hýsir viðurkennt
eldhús, móttöku og verslun. Hús-
næðið skiptist í ostagerð, þroskun-
arrými, kæli, frysti, þurrlager og
verkfærageymslu. Grafið var fyrir
grunni hússins fyrir þremur árum
og mun húsið sem verður timbur-
hús á steyptum grunni verða um 80
fermetrar. Þar verður frystir, pökk-
unaraðstaða og annað sem tilheyrir
slíkri starfsemi.
„allur ostur er núna framleiddur
á Rjómabúinu erpsstöðum,“ seg-
ir Jóhanna. „Hefur það mest verið
salatostur og stöku sinnum Gouda-
ostur og Brie. Þarna hefur sýnt sig
hve miklu skiptir góð samstaða
Beint frá býli aðila er þar sem MS
tekur ekki að sér svona smáverk-
efni.“
Á Háafelli hafa ábúendur þró-
að skyr úr geitamjólk sem starfs-
menn á vegum Matís hafa verið
mjög hrifnir af, að sögn Jóhönnu.
aðstöðuleysi hefur hamlað þeim
að hefja alvöru framleiðslu á skyr-
inu en aðstaðan í ostagerðinni gerir
þá framleiðslu mögulega. „draum-
urinn er að framleiða skyr sem við
höfum fengið góða dóma um hjá
Matís. Jógurt, ferskostar og fleira
spennandi er svo á listanum.“
Þá segir Jóhanna að ís úr geita-
mjólk frá Háafelli hafi verið fram-
leiddur að Holtseli í eyjafirði.
„Geitamjólkurísinn er mjög vin-
sæll og höfum við farið þrjár ferðir
í sumar norður í Holtsel í eyjafirði
þar sem við fáum afnot af aðstöðu
til ísgerðar. Í hverri ferð gerum
við um 130 lítra sem renna ljúflega
niður í gesti okkar,“ segir Jóhanna
og heldur áfram: „Ísvél er því mjög
ofarlega á óskalistanum.“
eins og áður segir er stór hluti af
efni sem til þarf í ostagerðina kom-
inn á staðinn. „Mér sýnist mínir
menn vera orðnir býsna spenntir að
hefjast handa við bygginguna,“ seg-
ir Jóhanna en á næstu dögum verð-
ur slegið upp fyrir grunni hússins
og húsið byggt í vetur eftir því sem
veður leyfir.
frg
Nú er ár liðið síðan sveitarstjórn
Borgarbyggðar samþykkti breyt-
ingar á skipuriti sveitarfélagsins. Var
breytingunum ætlað meðal annars
að efla gæða- og ferlamál Ráðhúss-
ins, auka þverfaglegt teymisstarf
og stuðla að umbótum á verklagi
til að bæta þjónustu. Í byrjun árs
2019 fékk Borgarbyggð Capacent
til að vinna úttekt á starfsemi sveit-
arfélagsins og niðurstöður leiddu í
ljós annmarka sem þurfti að bregð-
ast strax við. arnar pálsson, ráðgjafi
arcur, var fenginn til að rýna enn
frekar í stjórnsýslu sveitarfélags-
ins með úttekt Capacent og viðtöl-
um við starfsfólk sveitarfélagsins til
hliðsjónar. „Þegar ég fékk gögnin í
hendurnar í fyrrasumar lá fyrir að
það þyrfti að taka til hendinni inn-
anhúss hjá okkur. Ferlar voru ekki í
lagi og stjórnsýslan ekki nógu skil-
virk. Við vorum að svara erindum
of seint, erfitt fyrir íbúa að nálgast
upplýsingar og óskipulagið of mik-
ið í raun og veru,“ segir Þórdís Sif
Sigurðardóttir sveitarstjóri Borgar-
byggðar í samtali við Skessuhorn.
Nýtt þjónustuver
Á fundi sveitarstjórnar síðastliðið
haust var ákveðið að ráðast í skipu-
ritsbreytingar. „Það var strax lögð
áhersla á að bæta þjónustu og í stað
umhverfis- og skipulagssviðs var
stofnað stjórnsýslu- og þjónustu-
svið. Í upphafi árs var ákveðið að
stofna nýtt þjónustuver,“ segir Þór-
dís. „Munurinn er sá að áður vorum
við með afgreiðslu þar sem við tók-
um á móti fólki og vísuðum áfram
til annarra starfsmanna. Núna erum
við með þjónustuver sem hefur það
að markmiði að leysa erindi jafn-
óðum við fyrstu snertingu. Hlut-
verk þjónustuversins er að veita há-
gæða þjónustu og að vera upplýs-
ingaveita fyrir íbúa og aðra sem
leita til þjónustuversins. Þjónustu-
fulltrúar og skjalastjóri kappkosta
við að veita framúrskarandi þjón-
ustu og upplýsingagjöf og þangað
leitar fólk fyrst. Í stað þess að fólki
sé svo vísað áfram með sín erindi á
það að geta fengið flestar upplýs-
ingar í þjónustuverinu. Með þess-
um hætti erum við að stytta leiðir
íbúa og annarra sem leita til okkar
að svörum,“ útskýrir Þórdís og bæt-
ir við að nú sé minna verið að senda
almenn erindi á starfsmenn deilda
á skrifstofu sveitarfélagsins. „Það
gerir þeim starfsmönnum kleift að
svara hraðar því sem ekki er hægt
að fá svör við í þjónustuverinu. all-
ir fá hraðari afgreiðslu á sínum er-
indum og það skilar betri upplifun
viðskiptavina.“
Auka gagnsæi
Þórdís segir að nú ári seinna sé ár-
angur byrjaður að sjást og að al-
menn ánægja sé með þjónustu
sveitarfélagsins. „Þetta er mun
þjónustuvænna kerfi hjá okkur.
Við höfum einnig bætt þjónustu
og upplýsingar á heimasíðu sveit-
arfélagsins og getum oft bent fólki
á að leita þangað. Þar eru grein-
argóðar upplýsingar sem svara
mörgum spurningum. Þar er til
að mynda að finna góðar og ítar-
legar upplýsingar um bygginga-
leyfi og skipulagsmál,“ segir Þór-
dís. „Við höfum líka verið að auka
gagnsæi og samþætta þjónustu
sveitarfélagsins svo sambærileg
erindi fá sambærilega afgreiðslu.
Þá skiptir máli að boðleiðir erinda
séu skýrar og því höfum við lagt
áherslu á að auka vitund á ferla-
málum innanhúss hjá okkur, og
hvernig eigi að vinna úr öllum er-
indum,“ segir Þórdís og bætir við
að nú sé unnið að gerð handbókar
sem eigi að skýra vel alla verkferla
innan sveitarfélagsins. „Gæða-
handbókin verður svo aðgengi-
leg íbúum og öðrum viðskiptavin-
um, sem geta þá kynnt sér hvernig
mál eru afgreidd innan stjórnsýsl-
unnar hverju sinni. Við erum líka
að hefja vegferð í stafrænni þró-
un. Þá er meðal annars verið að
horfa til þess að einstaklingar geti
fylgst með stöðu mála, sótt um alla
þjónustu sveitarfélagsins með raf-
rænum hætti, rafrænt sorphirðu-
dagatal svo fátt eitt sé nefnt. Von-
ir standa til að hægt sé að kynna
þessar nýjungar snemma á næsta
ári,“ segir Þórdís.
Fjölguðu starfsfólki
Samhliða þessum breytingum hafa
orðið töluverðar starfsmanna-
breytingar í Ráðhúsinu. „um er
að ræða hefðbundnar breytingar
en einnig breytingar sem fylgdu
nýstofnaðri skipulags- og bygg-
ingadeild. Sá starfsmaður sem hef-
ur mestan starfsaldur á þeirri deild
hjá okkur hóf störf í janúar,“ segir
Þórdís og bætir við að með þess-
um breytingum hafi einnig orð-
ið til nokkur ný störf á skrifstofu
sveitarfélagsins. „Við höfum verið
að lagfæra ótrúlega margt hjá okk-
ur, sem hefur verið mjög umfangs-
mikil vinna. Það var fyrir löngu
kominn tíma á að bæta við starfs-
fólki því skyldur sveitarfélaga
hafa aukist í skipulags- og bygg-
ingarmálum og verkefnin orðin
fleiri. ef við hefðum ekki bætt við
mannaflann hefðu verkefnin hald-
ið áfram að safnast upp og við ekki
náð að halda uppi því þjónustu-
stigi sem við eigum og viljum geta
boðið íbúum upp á,“ segir Þórdís.
Þórdís bætir við að enn sé margt
ógert og þessi umbótavinna mun
halda áfram á komandi mánuðum
en að það séu bjartir tímar fram-
undan og með góðri samvinnu og
samstarfi við íbúa og viðskiptavina
sé haldið áfram veginn. ,,Við vilj-
um hvetja íbúa og aðra til þess að
senda okkur ábendingar um það
sem betur megi fara og einnig það
sem vel tekst til. Við erum fyrst og
fremst þjónustustofnun og viljum
því gjarnan heyra frá þeim sem
nýta þjónustuna okkur til þess að
betrumbæta ferlana okkar,“ segir
Þórdís Sif að endingu.
arg
Árangur af skipuritsbreytingum
í Borgarbyggð
Þórdís Sif Sigurðardóttir sveitarstjóri. Ljósm. glh.
„Við höfum líka verið að auka gagnsæi og samþætta þjónustu sveitarfélagsins svo sambærileg erindi fá sambærilega af-
greiðslu.“ Svipmynd úr Borgarnesi. Ljósm. mm.
Unnið að affermingu efnis í ostagerðina að Háafelli.
Ljósm. af Facebook síðu Háafells.
Ostagerð rís að Háafelli
Minningarfyrirlestur
um Snorra Sturluson