Skessuhorn - 16.02.2022, Síða 18

MIÐVIKUDAGUR 16. FEBRÚAR 202218
Bjarni Jónsson alþingismaður VG
í Norðvesturkjördæmi mælti í síð­
ustu viku fyrir tillögu til þingsálykt­
unar um að gerð verði hagkvæmnis­
athugun á uppbyggingu Skógar­
strandarvegar. Meðflutningsmað­
ur að tillögunni er Steinunn Þóra
Árnadóttir. Þar segir: „Alþingi
ályktar að fela innviðaráðherra að
hlutast til um að gerð verði fjöl­
þætt hagkvæmnisathugun á upp­
byggingu þess hlutar stofnvegar nr.
54 sem kallast Skógarstrandarveg­
ur og er á norðanverðu Snæfells­
nesi, milli Búðardals og Stykkis­
hólms, sem heilsársvegar. Athug­
unin taki til samfélagslegra og
byggðalegra áhrifa þess að efla
þannig samgöngur á milli byggðar­
laga á norðanverðu Snæfellsnesi,
um Dali, í Reykhólasveit, sunnan­
verða Vestfirði og norður á Strand­
ir. Sérstaklega verði litið til styrk­
ingar svæðisins sem eins atvinnu­
og þjónustusvæðis, uppbyggingar
ferðaþjónustu og vegaöryggis.
Ráðherra leggi niðurstöður hag­
kvæmnisathugunarinnar fyrir Al­
þingi ásamt kostnaðaráætlun vegna
uppbyggingarinnar í síðasta lagi 15.
september 2022.“
Í greinargerð með tillögunni
segir að hún hafi ítrekað áður verið
lögð fram á undangengnum þing­
um, meðal annars af Sigurði Páli
Jónssyni fv. þingmanni, en hafi
ekki hlotið afgreiðslu. „…þar sem
ástand Skógarstrandarvegar er enn
áþekkt því sem var er hún var fyrst
flutt og áætlanir gera ekki ráð fyrir
endurbótum í bráð er hún endur­
flutt nú, óbreytt en með uppfærðri
greinargerð, enda má ætla að sú
hagkvæmnisathugun sem lögð er
til verði til þess að treysta forsend­
ur ákvörðunar um skjótari aðgerðir
við uppbyggingu Skógarstrandar­
vegar en nú eru áformaðar.“
Rannsókn sem gerð var á slysa­
tíðni á vegum á árunum 2007–
2010, undir stjórn Þórodds Bjarna­
sonar, leiddi í ljós að Skógar­
strandarvegur var einn þriggja
hættulegustu vegarkafla landsins. Í
greinargerðinni segir jafnframt að
ekki sé ástæða til að ætla að þetta
hafi breyst til bóta þar sem fréttir af
umferðaróhöppum á þessum vegi
eru tíðar enda ástand hans bágbor­
ið og ljóst að hann stendur engan
veginn undir þeirri umferð sem um
hann fer né þjónar hann því hlut­
verki sínu að mynda greið tengsl
milli byggðra bóla þar sem hann
liggur.
mm
Nytjamarkaður Körfuknattleiks­
deildar Skallagríms í Borgarnesi
missti húsnæði sitt í Brákarey í
febrúar á síðasta ári. Markaðurinn
fékk bráðabirgðahúsnæði í Félags­
bæ þar sem hann var fram á sum­
ar en í september var hann fluttur
í Grímshús í Brákarey. Nú hefur
markaðurinn enn á ný tapað hús­
næðinu og illa hefur gengið að
finna varanlega lausn svo ákveðið
hefur verið að loka markaðnum um
tíma.
„Þetta verður að öllum líkindum
lengri lokun en hefur áður verið
og við höfum til að mynda látið frá
okkur allar hillurnar okkar,“ seg­
ir Guðmundur Skúli Halldórsson
í samtali við Skessuhorn. „En við
erum með alla anga úti að leita að
húsnæði og skoðum allar hugsan­
legar lausnir. Það er ekki um auð­
ugan garð að gresja í húsnæðis­
málum og við höfum líka verið að
skoða húsnæði fyrir utan þéttbýl­
ið og jafnvel að setja upp gáma. Ef
fólk hefur hugmyndir að lausnum
fyrir okkur er það vel þegið,“ seg­
ir Skúli. Ljóst er að markaðurinn
verður lokaður í það minnsta næstu
tvær helgar á meðan unnið er að
frágangi og aðrar lausnir skoðaðar.
En áfram verða vörur seldar í gegn­
um netið. „Allir hjá Íslenska gáma­
félaginu hafa verið mjög liðlegir við
okkur og við fáum að afhenda vör­
ur sem við seljum á netinu beint af
gámasvæðinu. Það er í raun mik­
ill velvilji víða og fólk vill halda
þessum markaði opnum þannig
að starfsemin leggist síður af. Það
er líka högg fyrir körfuboltann að
missa þennan markað en hann hef­
ur verið ein stærsta tekjulindin fyrir
körfuna,“ segir Skúli.
arg
Samtök leigjenda á Íslandi hafa sett
upp reiknivél á netinu sem sýnir við­
miðunarverð húsaleigu. Þar má sjá
eftir hverfum, byggðarlögum og
íbúðastærð viðmiðunarverð mark­
aðsleigu, en einnig viðmiðunarverð
óhagnaðardrifinna leigufélaga og
„okurmörk“, sem er leiguverð í al­
gjörum efri mörkum hins siðlega,
eins og segir í tilkynningu frá sam­
tökunum.
Viðmiðunarverð Samtaka leigj­
enda byggir á útreikningum á kostn­
aði við kaup, viðhald og rekstur
húsnæðis. Grunnurinn er kaup­
verð íbúða samkvæmt upplýsingum
Þjóðskrár, en síðan heldur utan um
þinglýsta kaupsamninga. Byggt er á
almennum lánskjörum á fjármála­
markaði, kostnaði stærri leigufé­
laga vegna greiðslufalls og rekstrar,
viðhalds og opinberra gjalda. Reikn­
að er með að leigusalar leggi til eigið
fé til kaupanna og það ávaxtist eft­
ir því sem íbúðaverð hækkar en að
húsaleigan standi undir rekstri og
endurgreiðslu lána á mislöngum
tíma.
Sambærilegar reiknivélar leigu­
verðs eru til í öllum nágrannalönd­
um okkar. Þær eru ein af forsend­
um þess að hægt sé að byggja upp
siðaðan leigumarkað. Víða eru það
opinberir aðilar sem halda utan um
reiknivélarnar, sums staðar eru þær
hluti af samningum leigjendasam­
taka og leigufélaga og annars staðar
eru þær einvörðungu á vegum sam­
taka leigjenda, eins og raunin er hér.
Slíkt er eðlilegt og á sér mörg for­
dæmi í sögunni. Verkamannafélag­
ið Dagsbrún gaf til dæmis út vinnu­
taxta fyrir rúmri öld áður en félaginu
tókst að semja við viðmælendur sína.
„Stjórnvöld á Íslandi hafa gert
óbeislaðan leigumarkað hérlendis
að leikvelli fyrir braskara og okrara.
Stjórnlaus leigumarkaður hefur
leitt til þess að of há leiga er helsti
vandi um 30 þúsund fjölskyldna í
landinu. Í stað þess að temja þenn­
an markað svo hann þjóni almenn­
ingi hafa stjórnvöld fallist á að hús­
næði séu tæki til auðsöfnunar fárra,
auðsöfnun sem byggir á að þrýsta
fjölda fólks niður í fátækt og kippa
fótunum undan efnahagslegri stöðu
þeirra hópa sem standa veikast fyr­
ir. Leigumarkaðurinn á Íslandi er
skömm stjórnvalda og samfélagsins
alls. Útgáfa reiknivélar viðmiðunar­
verðs leigu er lítið skref í átt til sið­
aðri leigumarkaðar,“ segir í yfirlýs­
ingu Samtaka leigjenda.
„Leigjendur geta valið sitt hverfi
eða byggðarlag í reiknivélinni, sleg­
ið inn stærð íbúðar og ásigkomulag
og þannig séð hvernig leiga þeirra
fellur að raunveruleika reiknivélar­
innar, hversu mikið leigusalinn okr­
ar á þeim. Leigusalar sem vilja ekki
taka þátt í stríðinu gegn leigjendum
geta slegið inn byggðarlag, hverfi og
stærð húsnæðis og séð hvert eðlilegt
leiguverð er, sanngjarnt verð sem
tryggir leigusala ávöxtun en leigj­
endum einnig skaplegt líf.“
Reiknivélin nær yfir öll svæði á
landinu þar sem sala eigna er nógu
mikil og ör til að skila raunhæfu við­
miðunarverði. Sama á við stærð hús­
næðis. Það er t.d. of lítil sala á stúd­
íóíbúðum til að raunhæft sé að hafa
þær með og sala á íbúðum í mörg­
um fámennari bæjum og sveitum
er of lítil til að hægt sé að byggja á
henni. Notendur sem búi í eða eiga
húsnæði sem fellur ekki að reiknivél­
inni verða að beita nálgun með því
að skoða nálægar byggðir og hús­
næði sem er sambærilegt. Það sama
á við um sérbýli, reiknivélin miðar
við fjölbýli svo notendur geta valið
að húsnæðið sé í góðu ástandi til að
vega inn kostina við sérbýlið.
„Stjórn samtaka leigjenda hvet­
ur alla leigjendur og leigusala til að
nota reiknivélina og kynna hana fyr­
ir sem flestum. Við þurfum að siða
leigumarkaðinn. Reiknivélin er skref
í þá átt,“ segir í tilkynningu.
Hér má sjá reiknivélina: https://
leigjendasamtokin.is/reiknivel/
mm
Markaðurinn hefur verið á hrakhólum síðan loka þurfti í gamla sláturhúsinu í
Brákarey fyrir ári.
Nytjamarkaðurinn
án húsnæðis
Vegurinn um Skógarströnd.
Endurflutti tillögu um að kanna
hagkvæmni Skógarstrandarvegar
Samtök leigjenda halda úti reiknivél fyrir húsaleigu